ഖ​ത്ത​ർ എ​യ​ർ​വേ​സി​ന് 27 വ​ർ​ഷ​ത്തെ ഉ​യ​ർ​ന്ന ലാ​ഭം

ദോഹ: ഖത്തർ എയർവേസ് 2023-24 സാമ്പത്തിക വർഷത്തിൽ റെക്കോർഡ് ലാഭമുണ്ടാക്കി. 610 കോടി റിയാൽ (ഏകദേശം 14000 കോടി രൂപ) ആണ് കഴിഞ്ഞ സാമ്പത്തിക വർഷത്തെ ലാഭം. 27 വർഷത്തിനിടയിലെ ഉയർന്ന തുകയാണിത്. 8100 കോടി റിയാൽ (1.85 ലക്ഷം കോടി രൂപയിലേറെ) ആണ് ഈ വർഷത്തെ വരുമാനം. തൊ​ട്ടു​മു​മ്പ​ത്തെ വ​ർ​ഷ​വു​മാ​യി താ​ര​ത​മ്യം ചെ​യ്യു​മ്പോ​ൾ ആ​റ് ശ​ത​മാ​ന​ത്തി​ന്റെ വ​ർ​ധ​ന​യു​ണ്ട്. നാ​ല് കോ​ടി​യി​ല​ധി​കം യാ​ത്ര​ക്കാ​രെ ഖ​ത്ത​ർ എ​യ​ർ​വേ​സ് ക​ഴി​ഞ്ഞ സാ​മ്പ​ത്തി​ക വ​ർ​ഷ​ത്തി​ൽ ല​ക്ഷ്യ​സ്ഥാ​ന​ത്തെ​ത്തി​ച്ചു. യാ​ത്ര​ക്കാ​രു​ടെ എ​ണ്ണ​ത്തി​ൽ 26 ശ​ത​മാ​ന​മാ​ണ് വ​ർ​ധ​ന.

യാ​ത്ര​ക്കാ​രി​ൽ​നി​ന്നു​ള്ള വ​രു​മാ​ന​ത്തി​ൽ 19 ശ​ത​മാ​നം വ​ർ​ധ​ന​യു​ണ്ട്. കാ​ർ​ഗോ വ​രു​മാ​ന​വും മെ​ച്ച​പ്പെ​ടു​ത്താ​ൻ ക​മ്പ​നി​ക്ക് ക​ഴി​ഞ്ഞു. കാ​ർ​ഗോ വി​പ​ണി വി​ഹി​തം 7.1 ശ​ത​മാ​ന​മാ​യി വ​ർ​ധി​പ്പി​ക്കാ​ൻ ക​ഴി​ഞ്ഞു. മു​ൻ വ​ർ​ഷ​ത്തേ​ക്കാ​ൾ 0.04 ശ​ത​മാ​ന​മാ​ണ് വ​ള​ർ​ച്ച. കൊ​മേ​ഴ്സ്യ​ൽ ചാ​ർ​ട്ട​ർ വ​രു​മാ​ന​ത്തി​ൽ 17 ശ​ത​മാ​ന​ത്തി​ല​ധി​ക​മാ​ണ് വ​ർ​ധ​ന.

ഖ​ത്ത​ർ എ​യ​ർ​വേ​സി​ന്റെ പ്രി​വി​ലേ​ജ് ക്ല​ബി​ലെ അം​ഗ​സം​ഖ്യ ഈ ​കാ​ല​യ​ള​വി​ൽ 26 ശ​ത​മാ​നം വ​ർ​ധി​ച്ചു. ഏ​വി​യ​സ് ശേ​ഖ​രം 50 ശ​ത​മാ​ന​ത്തി​ല​ധി​കം വ​ർ​ധി​ച്ചു. ഖ​ത്ത​ര്‍ എ​യ​ര്‍വേ​സ് പ്രി​വി​ലേ​ജ് ക്ല​ബ് അം​ഗ​ങ്ങ​ള്‍ക്ക് ന​ല്‍കു​ന്ന റി​വാ​ര്‍ഡ് ക​റ​ന്‍സി​യാ​ണ് ഏ​വി​യ​സ്. ഇ​തു​പ​യോ​ഗി​ച്ച് വി​മാ​ന ടി​ക്ക​റ്റ്, ഹോ​ട്ട​ല്‍ ബു​ക്കി​ങ്. ഹോ​ളി​ഡേ പാ​ക്കേ​ജു​ക​ള്‍, ഖ​ത്ത​ര്‍ എ​യ​ര്‍വേ​സ് ഡ്യൂ​ട്ടി ഫ്രീ ​തു​ട​ങ്ങി വി​വി​ധ കേ​ന്ദ്ര​ങ്ങ​ളി​ല്‍ പേ​മെ​ന്റ് ന​ട​ത്താം. 800ലേ​റെ കേ​ന്ദ്ര​ങ്ങ​ളി​ല്‍ ഖ​ത്ത​ര്‍ എ​യ​ര്‍വേ​സ് ഏ​വി​യ​സ് ക​റ​ന്‍സി റെ​ഡീം ചെ​യ്യാ​ന്‍ സാ​ധി​ക്കും. പ്രി​വി​ലേ​ജ് ക്ല​ബ് അം​ഗ​ത്വം സൗ​ജ​ന്യ​മാ​യി ര​ജി​സ്റ്റ​ര്‍ ചെ​യ്ത് സ്വ​ന്ത​മാ​ക്കാ​വു​ന്ന​താ​ണ്. ഡി​ജി​റ്റ​ലൈ​സേ​ഷ​ൻ, കാ​ര്യ​ക്ഷ​മ​ത, ഉ​പ​ഭോ​ക്താ​ക്ക​ൾ​ക്ക് തൃ​പ്തി​ക​ര​മാ​യ അ​നു​ഭ​വം ന​ൽ​ക​ൽ എ​ന്നി​വ​യാ​ണ് ഖ​ത്ത​ർ എ​യ​ർ​വേ​സി​ന്റെ വി​ജ​യ​മെ​ന്നും ലോ​ക​മെ​മ്പാ​ടു​മു​ള്ള കോ​ടി​ക്ക​ണ​ക്കി​ന് യാ​ത്ര​ക്കാ​ർ​ക്ക് ആ​ശ്ര​യി​ക്കാ​വു​ന്ന മി​ക​ച്ച വി​മാ​ന​ക്ക​മ്പ​നി എ​ന്ന നി​ല​യി​ൽ സ്ഥാ​നം നി​ല​നി​ർ​ത്താ​ൻ ക​ഴി​യു​ന്ന​തി​ൽ അ​ഭി​മാ​ന​മു​ണ്ടെ​ന്നും ഖ​ത്ത​ർ ഊ​ർ​ജ മ​ന്ത്രി​യും ഖ​ത്ത​ർ എ​യ​ർ​വേ​സ് ഗ്രൂ​പ് ചെ​യ​ർ​മാ​നു​മാ​യ എ​ൻ​ജി​നീ​യ​ർ സ​അ​ദ് ബി​ൻ ഷെ​രി​ദ അ​ൽ ക​അ​ബി പ​റ​ഞ്ഞു. കൂ​ടു​ത​ൽ വി​മാ​ന​ങ്ങ​ൾ സ്വ​ന്ത​മാ​ക്കി​യും ല​ക്ഷ്യ​സ്ഥാ​ന​ങ്ങ​ൾ വി​പു​ലീ​ക​രി​ച്ചും പു​തി​യ വി​കാ​സ​ത്തി​ന് ത​യാ​റെ​ടു​ക്കു​ക​യാ​ണ് ഖ​ത്ത​ർ എ​യ​ർ​വേ​സ്.

വ്യോ​മ​യാ​ന മേ​ഖ​ല കോ​വി​ഡ് കാ​ല​ത്തെ ത​ള​ർ​ച്ച പി​ന്നി​ട്ട് മി​ക​ച്ച നി​ല​യി​ൽ എ​ത്തി. വ​രും വ​ർ​ഷ​ങ്ങ​ളി​ൽ കൂ​ടു​ത​ൽ മെ​ച്ച​പ്പെ​ട്ട സാ​മ്പ​ത്തി​ക പ്ര​ക​ട​നം കാ​ഴ്ച​വെ​ക്കാ​മെ​ന്ന് ഖ​ത്ത​ർ എ​യ​ർ​വേ​സി​ന് പ്ര​തീ​ക്ഷ​യു​ണ്ട്. ലോ​ക​ത്തെ മി​ക​ച്ച വി​മാ​ന​ക്ക​മ്പ​നി​ക്കു​ള്ള ഈ ​വ​ർ​ഷ​ത്തെ സ്കൈ ​ട്രാ​ക്സ് എ​യ​ര്‍ലൈ​ന്‍ അ​വാ​ര്‍ഡ് സ്വ​ന്ത​മാ​ക്കി​യ​ത് ഖ​ത്ത​ർ എ​യ​ർ​വേ​സാ​ണ്. ലോ​ക​ത്തെ മി​ക​ച്ച എ​യ​ര്‍ലൈ​നി​നു​ള്ള പു​ര​സ്കാ​ര​ത്തി​ന് പു​റ​മെ മി​ക​ച്ച ബി​സി​ന​സ് ക്ലാ​സ്, ബി​സി​ന​സ് ക്ലാ​സ് ലോ​ഞ്ച്, മി​ഡി​ലീ​സ്റ്റി​ലെ മി​ക​ച്ച എ​യ​ര്‍ലൈ​ന്‍, തു​ട​ങ്ങി​യ പു​ര​സ്കാ​ര​ങ്ങ​ളും ഖ​ത്ത​റി​ന്റെ ദേ​ശീ​യ വി​മാ​ന​ക്ക​മ്പ​നി സ്വ​ന്ത​മാ​ക്കി​യി​രു​ന്നു. ലോ​ക​ത്തെ​മ്പാ​ടു​മു​ള്ള 350 വി​മാ​ന​ക്ക​മ്പ​നി​ക​ളി​ല്‍ നി​ന്നാ​ണ് ഖ​ത്ത​ര്‍ എ​യ​ര്‍വേ​സ് ഒ​ന്നാ​മ​തെ​ത്തി​യ​ത്. ഓ​ണ്‍ലൈ​ന്‍ വ​ഴി ന​ട​ന്ന വോ​ട്ടെ​ടു​പ്പി​ല്‍ നൂ​റി​ലേ​റെ രാ​ജ്യ​ങ്ങ​ളി​ല്‍നി​ന്നു​ള്ള യാ​ത്ര​ക്കാ​രാ​ണ് പ​ങ്കെ​ടു​ത്ത​ത്. എ​ട്ടാം ത​വ​ണ​യാ​ണ് ഖ​ത്ത​ര്‍ വി​മാ​ന​ക്ക​മ്പ​നി ഈ ​നേ​ട്ടം സ്വ​ന്ത​മാ​ക്കു​ന്ന​ത്. മൂ​ന്ന് പ​തി​റ്റാ​ണ്ട് മു​മ്പാ​ണ് ഖ​ത്ത​ർ എ​യ​ർ​വേ​സ് സ​ർ​വി​സ് ആ​രം​ഭി​ക്കു​ന്ന​ത്.