എഫ്​ വൺ അലങ്കാരത്തിൽ ഖത്തർ എയർവേസ്; റേസിങ്​ ട്രാക്കിൻെറ ആവേശം 'വാനോളം'

ദോഹ: ​ഫോർമുല വൺ കാറോട്ട പോരാട്ടത്തിൻെറ വേഗവും ആവേശവും പകർത്തുന്ന ഡിസൈനുകളുമായി ഖത്തർ എയർവേസ്​ ബോയിങ്​ 777 എയർ ക്രാഫ്​റ്റ്​. അടുത്തിടെയാണ്​ ഫോർമുല വണ്ണുമായി ഖത്തർഎയർവേസ്​ സ്​പോൺസർഷിപ്പ്​ കരാറിലെത്തിയത്​.

അതിൻെറ തുടർച്ചയായാണ്​ ലോകമെങ്ങുമുള്ള കാറോട്ട പ്രേമികളുടെ വേഗപ്പൂമായ ഫോർമുല വണ്ണിൻെറ ലോഗോയും റേസിങ്​ ട്രാക്കിൻെറ ആവേശവും വേഗവുമെല്ലാം പകർത്തിയ വിമാനം പുറത്തിറക്കിയത്​. വിമാനത്തിൻെറ പുറംഭാഗത്ത്​ എഫ്​.വൺ ഡിസൈനുകൾ തയ്യാറാക്കുന്നതിൻെറ വീഡിയോ കഴിഞ്ഞ ദിവസം ഖത്തർ എയർവേസ്​ പങ്കുവെച്ചിരുന്നു.

ഫോർമുല വണ്ണിൻെറ ഒഫീഷ്യൽ ​േഗ്ലാബൽ എയർലൈൻ പാട്​ണർ പദവിയാണ്​ ഖത്തർ എയർവേസിനുള്ളത്​. എഫ്​.വണ്ണിലെ ഖത്തർ ഗ്രാൻഡ്​പ്രീ പോരാട്ടതതിന്​ ഒക്​ടോബർ ആറ്​ മുതൽ എട്ട്​ വരെ ലുസൈൽ ഇൻറർനാഷണൽ സർക്യുട്ട്​ വേദിയകാനിരിക്കെയുമാണ്​ ആകാശത്ത്​ എഫ്​. വണ്ണിൻെറ ലോഗേയും ​വഹിച്ച്​ ഖത്തർ എയർവേസ്​ പറക്കാൻ ഒരുങ്ങുന്നത്​. ഡിസ്​കവർ ഖത്തർ വഴി ഫോർമുല വൺ ഫാൻ എക്​സ്​പിരിയൻസ്​ പാക്കേജും പ്രഖ്യാപിച്ചിട്ടുണ്ട്​. നേരത്തെ ലോകകപ്പ്​ ഫുട്​ബാളിൻെറ ലോഗോ പതിപ്പിച്ച ഖത്തർ എയർവേസ്​ വിമാനങ്ങൾ ഏറെ ശ്രദ്ധേയമായിരുന്നു.