ലോകകപ്പ്​ പാക്കേജുമായി ഖത്തർ എയർവേസ്​

ദോഹ: 2022 ഫിഫ ലോകകപ്പിന്​ പന്തുരുളാൻ ഇനിയും ഒരു വർഷമുണ്ടെങ്കിലും ഇപ്പോൾ ടിക്കറ്റുറപ്പിക്കാനുള്ള സ്​പെഷൽ പാക്കേജുമായി ഖത്തർ എയർവേസ്​. മാച്ച്​ ടിക്കറ്റ്​, താമസ സൗകര്യം, ​ൈഫ്ലറ്റ്​ ടിക്കറ്റ്​ എന്നിവ ഉൾപ്പെടുന്ന പ്രത്യേക പാക്കേജാണ്​ ഖത്തർ എയർവേസ്​ പ്രഖ്യാപിച്ചിരിക്കുന്നത്​.

ലോകമെങ്ങുമുള്ള ആരാധകർക്ക്​ ഖത്തറിലേക്ക്​ യാത്ര ഉറപ്പിക്കാനുള്ള സൗകര്യവുമായി ടിക്കറ്റ്​ ബുക്കിങ്ങും തുടങ്ങി. ഇഷ്​ട ടീമിനെ തെരഞ്ഞെടു​ത്ത്​ വിവിധ പാക്കേജുകളിൽ ടിക്കറ്റ്​ സ്വന്തമാക്കാം. ഫൈനൽ, സെമിഫൈനൽ, നോക്കൗട്ട്​ മത്സരങ്ങളുടെ പാക്കേജും ലഭ്യമാണ്​. ലോകകപ്പിൻെറ ടിക്കറ്റ്​ നിരക്കുകളൊന്നും ഫിഫ ഇതുവരെ പ്രഖ്യാപിച്ചിട്ടില്ല. എന്നാൽ, ഒഫീഷ്യൽ എയർലൈൻ പാട്​ണർ എന്ന നിലയിൽ ഖത്തർ എയർവേസിൽ നിന്നും​ സ്​പെഷ്യൽ പാക്കേജുകളിലൂടെ ആരാധകർക്ക്​ ടിക്കറ്റും യാത്രയും ഉറപ്പിക്കാൻ ക​ഴിയും. ഖത്തർഎയർവേസ്​ പ്രിവിലേജ്​ ക്ലബ്​ അംഗങ്ങൾക്കാണ്​​ ഇപ്പോൾ തന്നെ ടിക്കറ്റ്​ സ്വന്തമാക്കാൻ അവസരം.

ഫൈനലും സെമി ഫൈനലും ഉൾപ്പെടെ മൂന്ന്​ മത്സരങ്ങൾക്കുള്ള 7300 ഡോളറിൻെറ (5.41 ലക്ഷം രൂപ) പാക്കേജാണ്​ ഏറ്റവും കൂടിയത്​. 2022 ഡിസംബർ 11 മുതൽ 19 വരെ എട്ട്​ രാത്രിയുള്ള ഫൈനൽ പാക്കേജാണിത്​. ഫൈനലും ലൂസേഴ്​സ്​ ഫൈനലും ഉൾപ്പെടുന്ന രണ്ട്​ മത്സര ടിക്കറ്റുകളുമായി 5600 ഡോളറിൻെറ (4.15 ലക്ഷം ​രൂപ) മ​െറ്റാരു ഫൈനൽ പാക്കേജും ഓഫർ ചെയ്യുന്നു. ഡിസംബർ 15ന്​ എത്തി 19ന്​ മടങ്ങാം.

6950 ഡോളറാണ് (5.15 ലക്ഷം രൂപ)​ ഗ്രൂപ്പ്​ റൗണ്ടിലെ വി​ലയേറിയ പാക്കേജ്​. 2022 നവംബർ 20 മുതൽ ഡിസംബർ മൂന്നുവരെ 13 രാത്രികളിൽ താമസം. നാല്​ ഗ്രൂപ്പ്​ മത്സരങ്ങളും താമസ സൗകര്യവും മടക്ക യാത്രയും ഉറപ്പു നൽകുന്നു. നവംബർ 20 മുതൽ 27 വരെുള്ള പാക്കേജിൽ മൂന്ന്​ ഗ്രൂപ്പ്​ മത്സരങ്ങൾ. ഒരാഴ്​ച താമസം. നിരക്ക്​ 4950 ഡോളർ (3.67ലക്ഷം രൂപ). നവംബർ 27 മുതൽ ഡിസംബർ മൂന്ന്​ വരെ മൂന്ന്​ ഗ്രൂപ്പ്​ മാച്ചിന്​ 4700 ഡോളർ (3.48ലക്ഷം രൂപ). 3800 ഡോളർ (2.81 ലക്ഷം രൂപ) പാക്കേജിൽ പ്രീക്വാർട്ടറിലെ രണ്ട്​ മത്സരങ്ങളാണ്​ ഉൾകൊള്ളുന്നത്​.

ഡിസംബർ മൂന്ന്​ മുതൽ ഏഴുവരെ നാലു ദിവസത്തെ താമസം. 4050 ഡോളറിൻെറ (3 ലക്ഷം രൂപ) പാക്കേജിൽ രണ്ട്​ ക്വാർട്ടർ ഫൈനലുകൾ കാണാം. ഡിസംബർ ഏഴ്​ മുതൽ 11 വരെയാണ്​ താമസം. ഇന്ത്യ ഉൾപ്പെടെ ലോകത്തിൻെറ വിവിധ ഭാഗങ്ങളിൽ നിന്നും രാജ്യത്തേക്ക്​ സർവീസുമുണ്ട്​. യാത്രക്കാരൻ പുറപ്പെടുന്ന സ്​ഥലത്തിനനുസരിച്ച് നിരക്കുകളിൽ​ മാറ്റങ്ങളുണ്ടായേക്കാം.