ജി.​സി.​സി​യി​ലെ സാ​മ്പ​ത്തി​ക ക​രു​ത്താ​യി ഖ​ത്ത​ർ

ദോ​ഹ: വ​രും വ​ർ​ഷ​ങ്ങ​ളി​ലും മേ​ഖ​ല​യി​ലെ സാ​മ്പ​ത്തി​ക വ​ള​ർ​ച്ച​യി​ൽ ഖ​ത്ത​റി​ന്റെ കു​തി​പ്പ് പ്ര​വ​ചി​ച്ച് ലോ​ക​ബാ​ങ്ക്. ലോ​ക​ക​പ്പി​നു ശേ​ഷ​വും സാ​മ്പ​ത്തി​ക വ​ള​ര്‍ച്ച​യി​ല്‍ ജി.​സി.​സി​യി​ല്‍ ഖ​ത്ത​ര്‍ ഒ​ന്നാ​മ​തെ​ത്തു​മെ​ന്ന് ലോ​ക​ബാ​ങ്കി​ന്റെ ഗ്ലോ​ബ​ൽ ഇ​ക്ക​ണോ​മി​ക് പ്രോ​സ്‍പെ​ക്ട് റി​പ്പോ​ർ​ട്ടി​ൽ വ്യ​ക്ത​മാ​ക്കു​ന്നു. ഖ​ത്ത​റി​ന് ഈ ​വ​ര്‍ഷം 3.3 ശ​ത​മാ​നം വ​ള​ര്‍ച്ച​യാ​ണ് പ്ര​തീ​ക്ഷി​ക്കു​ന്ന​ത്. യു.​എ.​ഇ 2.8 ശ​ത​മാ​ന​വും സൗ​ദി 2.2 ശ​ത​മാ​ന​വും വ​ള​ര്‍ച്ച നേ​ടും.

ബ​ഹ്റൈ​നി​ല്‍ 2.7 ശ​ത​മാ​നം വ​ള​ര്‍ച്ച​യാ​ണ് പ്ര​തീ​ക്ഷി​ക്കു​ന്ന​ത്. ഒ​മാ​ന്‍ 1.5 ശ​ത​മാ​നം, കു​വൈ​ത്ത് 1.3 ശ​ത​മാ​നം എ​ന്നി​ങ്ങ​നെ​യാ​ണ് മ​റ്റു ജി.​സി.​സി രാ​ജ്യ​ങ്ങ​ളി​ല്‍ പ്ര​തീ​ക്ഷി​ക്കു​ന്ന സാ​മ്പ​ത്തി​ക വ​ള​ര്‍ച്ച. ലോ​ക​ക​പ്പ് ഫു​ട്ബാ​ള്‍ സ​മ​യ​ത്തെ റെ​ക്കോ​ഡ് നേ​ട്ട​ത്തി​ന് പി​ന്നാ​ലെ ഈ ​വ​ര്‍ഷം ആ​ദ്യ​ഘ​ട്ട​ത്തി​ല്‍ ഖ​ത്ത​റി​ന്റെ സ​മ്പ​ദ്ഘ​ട​ന​യി​ല്‍ നേ​രി​യ കു​റ​വു​ണ്ടാ​യി​രു​ന്നു.

മാ​ത്ര​മ​ല്ല, ആ​ഗോ​ള സാ​മ്പ​ത്തി​ക മാ​ന്ദ്യ​വും എ​ണ്ണ​വി​പ​ണി​യി​ലെ ഏ​റ്റ​ക്കു​റ​ച്ചി​ലു​ക​ളും കാ​ര​ണം മി​ഡി​ലീ​സ്റ്റ് വ​ട​ക്കേ ആ​ഫ്രി​ക്ക മേ​ഖ​ല​യി​ല്‍ ഒ​ന്നാ​കെ സാ​മ്പ​ത്തി​ക വ​ള​ര്‍ച്ച​യി​ല്‍ കു​റ​വ് രേ​ഖ​പ്പെ​ടു​ത്തു​ന്നു​ണ്ട്. അ​തേ​സ​മ​യം, ഈ ​വ​ര്‍ഷം ആ​ദ്യ പാ​ദ​ത്തി​ല്‍ ഖ​ത്ത​റി​ന് 19.7 ബി​ല്യ​ണ്‍ റി​യാ​ലി​ന്റെ ബ​ജ​റ്റ് മി​ച്ചം ഉ​ണ്ടാ​യി​രു​ന്നു. ഇ​ത് സ​ര്‍വ​കാ​ല റെ​ക്കോ​ഡാ​ണ്.

ആ​ദ്യ പാ​ദ​ത്തി​ൽ 6860 കോ​ടി റി​യാ​ലി​ന്റെ വ​രു​മാ​ന​മാ​ണ് ഖ​ത്ത​റി​ൽ റി​പ്പോ​ർ​ട്ട് ചെ​യ്ത​ത്. ഓ​യി​ൽ, ഗ്യാ​സ് വ​ക​യി​ൽ 6340 കോ​ടി റി​യാ​ലാ​ണ് വ​രു​മാ​നം. ഓ​യി​ൽ ഇ​ത​ര വി​ഭാ​ഗ​ങ്ങ​ളി​ൽ​നി​ന്ന് 520 കോ​ടി റി​യാ​ലും. ക​ഴി​ഞ്ഞ സാ​മ്പ​ത്തി​ക വ​ർ​ഷ​ങ്ങ​ളി​ലും രാ​ജ്യ​ത്തി​ന്റെ സാ​മ്പ​ത്തി​ക മേ​ഖ​ല മി​ക​ച്ച പ്ര​ക​ട​നം കാ​ഴ്ച​വെ​ച്ച​താ​യും ധ​ന​മ​ന്ത്രി അ​ലി ബി​ൻ അ​ൽ കു​വാ​രി ദോ​ഹ ഇ​ക്ക​ണോ​മി​ക് ഫോ​റ​ത്തി​ൽ പ​റ​ഞ്ഞി​രു​ന്നു. 32 ശ​ത​മാ​ന​മാ​യി​രു​ന്നു ജി.​ഡി.​പി വ​ള​ർ​ച്ച രേ​ഖ​പ്പെ​ടു​ത്തി​യ​ത്.