ഖ​ത്ത​ർ ചേം​ബ​ർ മെ​ഡി​ക്ക​ൽ എ​ക്‌​സി​ബി​ഷ​ൻ സം​ഘ​ടി​പ്പി​ക്കും

ദോ​ഹ: ആ​ഗോ​ള​ത​ല​ത്തി​ൽ ആ​രോ​ഗ്യ​മേ​ഖ​ല​യി​ലെ പു​തി​യ ക​ണ്ടു​പി​ടി​ത്ത​ങ്ങ​ളും സാ​ങ്കേ​തി​ക​വി​ദ്യ​ക​ളും അ​വ​ത​രി​പ്പി​ക്കു​ന്ന​തി​നാ​യി സ​മ​ഗ്ര മെ​ഡി​ക്ക​ൽ എ​ക്‌​സി​ബി​ഷ​ൻ സം​ഘ​ടി​പ്പി​ക്കാ​നൊ​രു​ങ്ങി ഖ​ത്ത​ർ ചേം​ബ​ർ. ദു​ബൈ​യി​ൽ ന​ട​ന്ന ‘അ​റ​ബ് ഹെ​ൽ​ത്ത് എ​ക്‌​സി​ബി​ഷ​ൻ ആ​ൻ​ഡ് കോ​ൺ​ഗ്ര​സ് 2023’ൽ ​പ​ങ്കെ​ടു​ക്കു​ന്ന​തി​നി​ടെ​യാ​ണ് ഖ​ത്ത​ർ ചേം​ബ​ർ ബോ​ർ​ഡ് അം​ഗ​വും ഹെ​ൽ​ത്ത് ക​മ്മി​റ്റി ചെ​യ​ർ​മാ​നു​മാ​യ ഇ​ബ്തി​ഹാ​ജ് അ​ൽ അ​ഹ്മ​ദാ​നി ഇ​ക്കാ​ര്യം സൂ​ചി​പ്പി​ച്ച​ത്.

ആ​രോ​ഗ്യ സം​ര​ക്ഷ​ണ മേ​ഖ​ല​യി​ലെ പു​തി​യ ക​ണ്ടു​പി​ടി​ത്ത​ങ്ങ​ളി​ലേ​ക്ക് വെ​ളി​ച്ചം വീ​ശു​ന്ന മെ​ഡി​ക്ക​ൽ എ​ക്‌​സി​ബി​ഷ​ൻ ന​ട​ത്താ​നാ​ണ് ല​ക്ഷ്യം. മു​ൻ​നി​ര അ​ന്ത​ർ​ദേ​ശീ​യ ക​മ്പ​നി​ക​ളെ ആ​ക​ർ​ഷി​ക്കു​ക​യും പ്രാ​ദേ​ശി​ക​വും മേ​ഖ​ലാ​ത​ല​ത്തി​ലും അ​ന്ത​ർ​ദേ​ശീ​യ​വു​മാ​യി ആ​രോ​ഗ്യ​മേ​ഖ​ല​യു​ടെ വി​ക​സ​നം ഉ​യ​ർ​ത്തി​ക്കാ​ട്ടും. മെ​ഡി​ക്ക​ൽ സേ​വ​ന​ങ്ങ​ളു​ടെ വി​ക​സ​ന​ത്തി​ന് സം​ഭാ​വ​ന ന​ൽ​കു​ന്ന രീ​തി​യി​ലു​ള്ള പു​ത്ത​ൻ സാ​ങ്കേ​തി​ക ക​ണ്ടു​പി​ടി​ത്ത​ങ്ങ​ൾ​ക്ക് സാ​ക്ഷ്യം വ​ഹി​ക്കു​ന്ന സു​പ്ര​ധാ​ന മേ​ഖ​ല​ക​ളി​ലൊ​ന്നാ​ണ് ആ​രോ​ഗ്യ​മേ​ഖ​ല​യെ​ന്ന് അ​ൽ അ​ഹ്മ​ദാ​നി പ​റ​ഞ്ഞു.

ഖ​ത്ത​റി​ന്റെ ആ​രോ​ഗ്യ സം​ര​ക്ഷ​ണ മേ​ഖ​ല സ​മീ​പ​കാ​ല​ത്ത് വ​ലി​യ കു​തി​ച്ചു​ചാ​ട്ടം ന​ട​ത്തി. വി​വേ​ക​പൂ​ർ​ണ​മാ​യ നേ​തൃ​ത്വ​ത്തി​ന്റെ ഉ​ൾ​ക്കാ​ഴ്ച​യു​ള്ള കാ​ഴ്ച​പ്പാ​ടാ​ണ് അ​തി​ന് വ​ഴി​യൊ​രു​ക്കു​ന്ന​ത്. ആ​രോ​ഗ്യ മേ​ഖ​ല​ക്ക് രാ​ജ്യ​ത്ത് വ​ലി​യ ശ്ര​ദ്ധ ല​ഭി​ക്കു​ന്നു​ണ്ടെ​ന്നും അ​വ​ർ പ​റ​ഞ്ഞു. 2022ലെ ​ഫി​ഫ ലോ​ക​ക​പ്പി​ൽ മി​ക​ച്ച സം​ഘാ​ട​ന​ത്തി​ന് ആ​രോ​ഗ്യ​സേ​വ​ന മേ​ഖ​ല​യു​ടെ ഭാ​ഗ​ത്തു​നി​ന്നും നി​റ​ഞ്ഞ സം​ഭാ​വ​ന ന​ൽ​കി. പൊ​തു-​സ്വ​കാ​ര്യ മേ​ഖ​ല​ക​ൾ ത​മ്മി​ലു​ള്ള സം​യോ​ജ​ന​വും ആ​രോ​ഗ്യ പ​രി​പാ​ല​ന മേ​ഖ​ല​യി​ലെ വ​ലി​യ വി​ക​സ​ന​വും ഇ​തി​ന് ഏ​റെ സ​ഹാ​യ​ക​മാ​യെ​ന്നും അ​ൽ അ​ഹ്മ​ദാ​നി ചൂ​ണ്ടി​ക്കാ​ട്ടി.