യു​ദ്ധം ഒ​റ്റ​പ്പെ​ടു​ത്തി​യ കു​ട്ടി​ക​ളെ കു​ടും​ബ​ങ്ങ​ളി​ലെ​ത്തി​ച്ച് ഖ​ത്ത​ർ

ദോഹ: റഷ്യൻ യുദ്ധത്തിനിടെ ഒറ്റപ്പെട്ട യുക്രെയ്ൻ കുട്ടികളെ കുടുംബങ്ങളിൽ തിരികെയെത്താൻ സൗകര്യമൊരുക്കി ഖത്തർ. സം​ഘ​ർ​ഷം മൂ​ലം വേ​ർ​പി​രി​ഞ്ഞ കു​ടും​ബ​ങ്ങ​ളെ വീ​ണ്ടും ഒ​ന്നി​പ്പി​ക്കു​ന്ന​തി​നു​ള്ള മ​ധ്യ​സ്ഥ ശ്ര​മ​ങ്ങ​ളു​ടെ ഭാ​ഗ​മാ​യാ​ണി​തെ​ന്ന് അ​ന്താ​രാ​ഷ്ട്ര സ​ഹ​ക​ര​ണ സ​ഹ​മ​ന്ത്രി ലു​ൽ​വ റാ​ഷി​ദ് അ​ൽ​ഖാ​തി​ർ പ​റ​ഞ്ഞു. മോ​സ്‌​കോ​യി​ൽ ഖ​ത്ത​ർ എം​ബ​സി ആ​സ്ഥാ​ന​ത്ത് കു​ട്ടി​ക​ളെ സ്വീ​ക​രി​ച്ച​താ​യും യാ​ത്ര​യി​ലു​ട​നീ​ളം സു​ര​ക്ഷ​യും പ​രി​ച​ര​ണ​വും ഉ​റ​പ്പാ​ക്കു​ന്ന​തി​ന് മി​ൻ​സ്‌​ക് വ​ഴി അ​വ​രെ യു​ക്രെ​യ്നി​ലേ​ക്ക് കൊ​ണ്ടു​പോ​യ​താ​യും ലു​ൽ​വ അ​ൽ ഖാ​തി​ർ കൂ​ട്ടി​ച്ചേ​ർ​ത്തു.

യു​ദ്ധ​വേ​ള​യി​ൽ വേ​ർ​പി​രി​ഞ്ഞ കു​ടും​ബ​ങ്ങ​ളെ ഒ​ന്നി​പ്പി​ക്കു​ന്ന ശ്ര​മ​ങ്ങ​ൾ വി​ജ​യ​ത്തി​ലെ​ത്തി​ക്കു​ന്ന​തി​ന് പൂ​ർ​ണ പി​ന്തു​ണ ന​ൽ​കി​യ റ​ഷ്യ​ൻ ബാ​ലാ​വ​കാ​ശ ക​മീ​ഷ​ണ​ർ മ​രി​യ എ​ൽ​വോ​വ ബെ​ലോ​വ​ക്കും യു​ക്രെ​യ്ൻ പാ​ർ​ല​മെ​ന്റ് മ​നു​ഷ്യാ​വ​കാ​ശ ക​മീ​ഷ​ണ​ർ ദി​മി​ട്രോ ലു​ബി​ന​റ്റ്‌​സി​നും ലു​ൽ​വ അ​ൽ ഖാ​തി​ർ പ്ര​ത്യേ​കം ന​ന്ദി രേ​ഖ​പ്പെ​ടു​ത്തി.

പു​ന​രൈ​ക്യ ശ്ര​മ​ങ്ങ​ൾ തു​ട​രു​ന്ന​തി​നും അ​വ​രു​ടെ സു​ര​ക്ഷ ഉ​റ​പ്പാ​ക്കു​ന്ന​തി​നു​മു​ള്ള ശ്ര​മ​ങ്ങ​ൾ​ക്ക് പു​റ​മേ, സം​ഘ​ർ​ഷം ബാ​ധി​ച്ച എ​ല്ലാ സാ​ധാ​ര​ണ​ക്കാ​രു​ടെ​യും സു​ര​ക്ഷ​ക്കാ​യി ഖ​ത്ത​ർ ഒ​രു മ​ധ്യ​സ്ഥ​ൻ എ​ന്ന നി​ല​യി​ലു​ള്ള പ്ര​വ​ർ​ത്ത​ന​ങ്ങ​ൾ തു​ട​രു​മെ​ന്ന് മ​ന്ത്രി ഊ​ന്നി​പ്പ​റ​ഞ്ഞു. ഏ​പ്രി​ൽ മാ​സ​ത്തി​ൽ മ​ധ്യ​സ്ഥ ശ്ര​മ​ങ്ങ​ളു​ടെ ഭാ​ഗ​മാ​യി റ​ഷ്യ, യു​ക്രെ​യ്ൻ കു​ടും​ബ​ങ്ങ​ൾ​ക്ക് ദോ​ഹ ആ​തി​ഥേ​യ​ത്വം വ​ഹി​ച്ച​തും കു​ട്ടി​ക​ളെ തി​രി​കെ കു​ടും​ബ​ങ്ങ​ളി​ലെ​ത്തി​ച്ച​തും അ​വ​ർ പ്ര​ത്യേ​കം ഓ​ർ​മി​പ്പി​ച്ചു.