മാ​റ്റ​ങ്ങ​ൾ​ക്കു മു​ന്നി​ൽ​നി​ന്ന് ഖ​ത്ത​ർ

ദോ​ഹ: നി​ർ​മി​ത ബു​ദ്ധി​യും സാ​​ങ്കേ​തി​ക വി​ദ്യാ ന​വീ​ക​ര​ണ​വും ഉ​ൾ​പ്പെ​ടെ വി​വ​ര​സാ​​ങ്കേ​തി​ക ലോ​ക​ത്തെ വി​പ്ല​വ​ക​ര​മാ​യ മാ​റ്റ​ങ്ങ​ൾ​ക്ക് പ്രോ​ത്സാ​ഹ​ന​വു​മാ​യി ഖ​ത്ത​ർ സാ​മ്പ​ത്തി​ക ഫോ​റ​ത്തി​ന് തു​ട​ക്ക​മാ​യി. ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ നി​ന്നു​ള്ള ചി​ന്ത​ക​രും, സാ​മ്പ​ത്തി​ക വി​ദ​ഗ്ധ​രും മാ​നേ​ജ്മെ​ന്റ് പ്ര​തി​നി​ധി​ക​ളും രാ​ഷ്ട്ര നേ​താ​ക്ക​ളും പ​​ങ്കെ​ടു​ക്കു​ന്ന സാ​മ്പ​ത്തി​ക ഫോ​റം ദോ​ഹ റാ​ഫ്ൾ​സ് ഫെ​യ​ർ​മോ​ണ്ട് ഹോ​ട്ട​ലി​ൽ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി ഉ​ദ്ഘാ​ട​നം നി​ർ​വ​ഹി​ച്ചു. ഖ​ത്ത​റി​ന്റെ സാ​മ്പ​ത്തി​ക, വ്യ​വ​സാ​യി​ക, സാ​​ങ്കേ​തി​ക മേ​ഖ​ല​ക​ളി​ലേ​ക്കു​ള്ള അ​തി​വേ​ഗ കു​തി​പ്പി​നെ വി​ശ​ദീ​ക​രി​ച്ചു​കൊ​ണ്ട് പ്ര​ധാ​ന​മ​ന്ത്രി ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ​റ​ഹ്മാ​ൻ ആ​ൽ​ഥാ​നി സം​സാ​രി​ച്ചു. നി​ർ​മി​ത ബു​ദ്ധി ഉ​ൾ​പ്പെ​ടെ മേ​ഖ​ല​ക​ളി​ലെ വി​ക​സ​ന സം​രം​ഭ​ങ്ങ​ൾ​ക്കാ​യി 900 കോ​ടി റി​യാ​ലി​ന്റെ നി​ക്ഷേ​പ പ​ദ്ധ​തി​ക​ൾ പ്ര​ധാ​ന മ​ന്ത്രി പ്ര​ഖ്യാ​പി​ച്ചു. വി​വി​ധോ​ദ്ദേ​ശ്യ പ​ദ്ധ​തി​ക​ൾ​ക്കാ​യു​ള്ള പ്രോ​ത്സാ​ഹ​ന പാ​ക്കേ​ജാ​യാ​ണ് നി​ക്ഷേ​പം പ്ര​ഖ്യാ​പി​ച്ച​ത്. സാ​ങ്കേ​തി​ക മേ​ഖ​ല​യി​ല്‍ ഖ​ത്ത​ര്‍ കൂ​ടു​ത​ല്‍ നി​ക്ഷേ​പ​ങ്ങ​ള്‍ ന​ട​ത്തു​മെ​ന്ന് ഖ​ത്ത​ര്‍ പ്ര​ധാ​ന​മന്ത്രി വ്യ​ക്ത​മാ​ക്കി. രാ​ഷ്ട്ര നേ​താ​ക്ക​ളും ന​യ​ത​ന്ത്ര പ്ര​തി​നി​ധി​ക​ളും ‌സാ​മ്പ​ത്തി​ക വി​ദ​ഗ്ധ​രും ഉ​ള്‍പ്പെ​ടെ ആ​യി​ര​ത്തി​ലേ​റെ ‌പേ​രാ​ണ് മൂ​ന്ന് ദി​വ​സ​മാ​യി ന​ട​ക്കു​ന്ന ഖ​ത്ത​ര്‍ ഇ​ക്ക​ണോ​മി​ക് ഫോ​റ​ത്തി​ന്റെ ഭാ​ഗ​മാ​കു​ന്ന​ത്. ഉ​ദ്ഘാ​ട​ന ച​ട​ങ്ങി​ൽ പോ​ള​ണ്ട് പ്ര​സി​ഡ​ന്റ് ആ​ന്ദ്രേ​സ് ഡ്യൂ​ഡ, മ​ലേ​ഷ്യ​ൻ പ്ര​ധാ​ന​മ​ന്ത്രി അ​ൻ​വ​ർ ഇ​ബ്‌​റാ​ഹിം, ഇ​ന്തോ​നേ​ഷ്യ​ൻ പ്ര​തി​രോ​ധ മ​ന്ത്രി പ്ര​ബാ​വോ സു​ബി​യാ​ൻ​തോ, മ​ലേ​ഷ്യ​ൻ പ്ര​ധാ​ന​മ​ന്ത്രി ഡോ. ​അ​ൻ​വ​ർ ഇ​ബ്രാ​ഹിം തു​ട​ങ്ങി​യ​വ​ര്‍ സ​ന്നി​ഹി​ത​രാ​യി​രു​ന്നു.

പ്ര​കൃ​തി​വാ​ത​ക മേ​ഖ​ല​യി​ല്‍ നി​ക്ഷേ​പം ന​ട​ത്തു​ന്ന​ത് ഖ​ത്ത​ർ തു​ട​രു​മെ​ന്ന് പ്ര​ധാ​ന​മ​ന്ത്രി ഫോ​റ​ത്തി​ൽ ന​ട​ത്തി​യ പ്ര​സം​ഗ​ത്തി​ൽ വ്യ​ക്ത​മാ​ക്കി. നോ​ർ​ത് ഫീ​ൽ​ഡ്, നോ​ർ​ത് വെ​സ്റ്റ് ഫീ​ൽ​ഡ് ഉ​ൾ​പ്പെ​ടെ വി​ക​സ​ന പ​ദ്ധ​തി​ക​ളി​ലൂ​ടെ 2030ഓ​ടെ ഖ​ത്ത​റി​ന്റെ എ​ൽ.​എ​ൻ.​ജി ഉ​ൽ​പാ​ദ​ന ശേ​ഷി പ്ര​തി​വ​ർ​ഷം 142 മെ​ട്രി​ക് ട​ൺ ആ​യി വ​ർ​ധി​ക്കും. ലോ​ക​മെ​മ്പാ​ടു​മു​ള്ള നി​ക്ഷേ​പ​ക​രെ ആ​ക​ര്‍ഷി​ക്കാ​ന്‍ ഖ​ത്ത​റി​ന് സാ​ധി​ക്കു​ന്നു​ണ്ട്. നി​ര​വ​ധി പേ​ര്‍ക്ക് അ​വ​സ​ര​ങ്ങ​ളു​ടെ വാ​തി​ല്‍ തു​റ​ന്നി​ടു​ക​യാ​ണ് രാ​ജ്യം. കോ​വി​ഡ് മ​ഹാ​മാ​രി​യി​ല്‍ നി​ന്നും ക​ര​ക​യ​റു​ന്ന​തി​ന് മു​മ്പ് ത​ന്നെ ലോ​കം യു​ദ്ധ​ങ്ങ​ളു​ടെ ക​രി​നി​ഴ​ലി​ലാ​ണെ​ന്ന് നി​ല​വി​ലെ അ​ന്താ​രാ​ഷ്ട്ര സ്ഥി​തി​ഗ​തി​ക​ൾ വി​ശ​ദീ​ക​രി​ച്ചു​കൊ​ണ്ട് അ​ദ്ദേ​ഹം വ്യ​ക്ത​മാ​ക്കി. യു​ക്രെ​യ്ന്‍ യു​ദ്ധം, ഗ​സ്സ യു​ദ്ധം, സു​ഡാ​നി​ലെ ആ​ഭ്യ​ന്ത​ര പ്ര​ശ്ന​ങ്ങ​ള്‍ എ​ന്നി​വ മേ​ഖ​ല​യു​ടെ​യും ലോ​ക​ത്തി​ന്റെ​യും പ്ര​തി​സ​ന്ധി​ക​ള്‍ രൂ​ക്ഷ​മാ​ക്കി. ഏ​റ്റ​വും വ​ലി​യ മാ​നു​ഷി​ക ദു​ര​ന്ത​ത്തി​നാ​ണ് ഗ​സ്സ സാ​ക്ഷ്യം​വ​ഹി​ക്കു​ന്ന​ത്. യു​ദ്ധ​ത്തി​ലൂ​ടെ സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ നി​ര​പ​രാ​ധി​ക​ളാ​യ പ​തി​നാ​യി​ര​ങ്ങ​ളു​ടെ മ​ര​ണം മ​നഃ​സാ​ക്ഷി​യെ ഉ​ണ​ർ​ത്തേ​ണ്ട​താ​ണെ​ന്നും അ​ദ്ദേ​ഹം പ​റ​ഞ്ഞു. ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​ടെ നാ​യ​ക​ത്വ​ത്തി​ലും ദീ​ർ​ഘ​വീ​ക്ഷ​ണ​ത്തി​ലും ഖ​ത്ത​ർ സാ​മ്പ​ത്തി​ക രം​ഗ​ത്തെ ശ​ക്ത​മാ​യ സാ​ന്നി​ധ്യ​മാ​യി വ​ള​രു​ക​യാ​ണെ​ന്നും അ​ദ്ദേ​ഹം പ​റ​ഞ്ഞു. സു​സ്ഥി​ര​മാ​യ സ​മ്പ​ദ്‌​വ്യ​വ​സ്ഥ​യും നി​ക്ഷേ​പ കാ​ര്യ​ക്ഷ​മ​ത​യും ഖ​ത്ത​റി​നെ ആ​ഗോ​ള സ​മ്പ​ദ് രം​ഗ​ത്ത് മു​ൻ​നി​ര​യി​ലെ​ത്തി​ച്ച​താ​യും വ്യ​ക്ത​മാ​ക്കി.

ആ​ദ്യ അ​റ​ബി​ക് എ.​ഐ ആ​വാ​ൻ അ​ൽ ഫ​നാ​ർ

നി​ർ​മി​ത ബു​ദ്ധി​യു​ടെ ലോ​ക​ത്തേ​ക്ക് ഖ​ത്ത​റി​ന്റെ സം​ഭാ​വ​ന​യാ​യി ‘അ​ൽ ഫ​നാ​ർ’ പ്ര​ധാ​ന​മ​ന്ത്രി ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ റ​ഹ്മാ​ൻ ആ​ൽ​ഥാ​നി പ്ര​ഖ്യാ​പി​ച്ചു. അ​റ​ബി ഭാ​ഷാ​ധി​ഷ്ഠി​ത നി​ർ​മി​ത ബു​ദ്ധി സം​വി​ധാ​ന​മാ​യാ​ണ് അ​ൽ ഫ​നാ​റി​നെ അ​വ​ത​രി​പ്പി​ക്കു​ന്ന​ത്. അ​റ​ബി ഭാ​ഷ ഡേ​റ്റ ക​ല​ക്ഷ​നാ​ണ് പ്രൊ​ജ​ക്ട് വ​ഴി ല​ക്ഷ്യ​മി​ടു​ന്ന​ത്. ​ലോ​ക​ത്ത് 20ലേ​റെ രാ​ജ്യ​ങ്ങ​ളി​ലെ ദേ​ശീ​യ​ഭാ​ഷ​യും, വ​ലി​യൊ​രു ജ​ന​വി​ഭാ​ഗ​ത്തി​ന്റെ ആ​ശ​യ​വി​നി​മ​യ ഉ​പാ​ധി​യു​മാ​യ അ​റ​ബി​യെ സാ​​ങ്കേ​തി​ക മാ​റ്റ​ങ്ങ​ൾ​ക്കൊ​പ്പം മെ​ച്ച​പ്പെ​ടു​ത്തു​ക​യു​മാ​ണ് പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്. അ​ൽ ഫ​നാ​ർ എ.​ഐ പ​ദ്ധ​തി അ​റ​ബി ഭാ​ഷ​യെ സ​മ്പ​ന്ന​മാ​ക്കാ​നും ഭാ​ഷ​യു​ടെ അ​സ്തി​ത്വം ​നി​ല​നി​ർ​ത്താ​നും വ​ഴി​യൊ​രു​ക്കു​മെ​ന്ന് പ്ര​ഖ്യാ​പ​നം ന​ട​ത്തി​ക്കൊ​ണ്ട് പ്ര​ധാ​ന​മ​ന്ത്രി പ്ര​സ്താ​വി​ച്ചു.