ഫ​ല​സ്​​തീ​നെ ചേ​ർ​ത്തു​പി​ടി​ച്ച്​ ക​ളി​ച്ചൂ​ടി​ലേ​ക്ക്​

ദോ​ഹ: ക​ലീ​ല വ ​ദിം​ന​യു​ടെ ക​ഥ​യി​ലൂ​ടെ തു​ട​ങ്ങി, ​ഗ​സ്സ​യി​ൽ പൊ​രു​തു​ന്ന ഫ​ല​സ്​​തീ​ൻ ജ​​ന​ത​യോ​ടു​ള്ള ഐ​ക്യ​ദാ​ർ​ഢ്യ​മാ​യി അ​വ​രു​ടെ നാ​യ​ക​ൻ മു​സാ​ബ്​ അ​ൽ ബ​ത്താ​തി​നെ ചേ​ർ​ത്തു​പി​ടി​ച്ചു​കൊ​ണ്ട്​ വേ​റി​​ട്ടൊ​രു മാ​തൃ​ക​യി​ൽ ഏ​ഷ്യ​ൻ ക​പ്പ്​ ഫു​ട്​​ബാ​ളി​ന്​ തു​ട​ക്ക​മാ​യി. ലു​സൈ​ൽ സ്​​റ്റേ​ഡി​യ​ത്തി​ലെ 80,000ത്തോ​ളം ഇ​രി​പ്പി​ട​ങ്ങ​ളി​ലാ​യി നി​റ​ഞ്ഞു ക​വി​ഞ്ഞ ആ​രാ​ധ​ക​രെ സാ​ക്ഷി​യാ​ക്കി വെ​ള്ളി​യാ​ഴ്​​ച വൈ​കു​ന്നേ​രം അ​ഞ്ചു മ​ണി​യോ​ടെ ത​ന്നെ ഉ​ദ്​​ഘാ​ട​ന ച​ട​ങ്ങു​ക​ൾ​ക്ക്​ തു​ട​ക്കം കു​റി​ച്ചു. ഒ​രു മ​ണി​ക്കൂ​ർ നീ​ണ്ട പ​രി​പാ​ടി ‘ദി ​ലോ​സ്​​റ്റ്​ ചാ​പ്​​റ്റ​ർ- ക​ലീ​ല വ​ദിം​ന’ എ​ന്ന പേ​രി​ൽ അ​റ​ബ്​ പ​ഞ്ച​ത​ന്ത്ര ക​ഥ​ക​ളു​ടെ പു​തു​മ​യേ​റി​യ അ​വ​ത​ര​ണ​മാ​യി മാ​റി. പാ​ട്ടും ശി​ൽ​പ​ങ്ങ​ളും നൃ​ത്ത​ങ്ങ​ളു​മാ​യി ഹ​ൃ​ദ്യ​മാ​യ അ​വ​ത​ര​ണ​ത്തി​ലൂ​ടെ​യാ​യി​രു​ന്നു പൗ​രാ​ണി​ക​മാ​യ ക​ഥ​യു​ടെ ദൃ​ശ്യാ​വി​ഷ്​​കാ​രം നി​റ​ഞ്ഞു​ക​വി​ഞ്ഞ ഗാ​ല​റി​ക്കു മു​മ്പാ​കെ അ​വ​ത​രി​പ്പി​ച്ച​ത്.

വെ​ളി​ച്ച​വും ക​ലാ​പ്ര​ക​ട​ന​വും വെ​ടി​ക്കൊ​ട്ടും​കൊ​ണ്ട്​ ശ്ര​ദ്ധേ​യ​മാ​യ ച​ട​ങ്ങി​നൊ​ടു​വി​ൽ ഫ​ല​സ്​​തീ​ൻ ദേ​ശീ​യ ഗാ​നം​കൂ​ടി മു​ഴ​ങ്ങി​യാ​യി​രു​ന്നു ഉ​ദ്​​ഘാ​ട​ന ആ​ഘോ​ഷ പ​രി​പാ​ടി​ക​ൾ​ക്ക്​ സ​മാ​പ​ന​മാ​യ​ത്. ഏ​ഷ്യ​ൻ ക​പ്പി​ന്റെ ഔ​ദ്യോ​ഗി​ക ഗാ​ന​മാ​യ ‘ഹ​ദ​ഫ്​ ഹ​ദ​ഫ്...’ ഉം ​ലു​സൈ​ലി​ൽ ആ​ര​വം തീ​ർ​ത്തു. തു​ട​ർ​ന്ന്​ ആ​തി​ഥേ​യ​രാ​യ ഖ​ത്ത​റി​ന്റെ നാ​യ​ക​ൻ ഹ​സ​ൻ ​അ​ൽ ഹൈ​ദോ​സും ഫ​ല​സ്​​തീ​ൻ നാ​യ​ക​ൻ മു​സാ​ബ്​ അ​ൽ ബ​ത്തും ചേ​ർ​ന്ന്​ ടൂ​ർ​ണ​മെ​ന്റി​ന്റെ പ്ര​തി​ജ്ഞ​കൂ​ടി ചൊ​ല്ലി​യ​തോ​ടെ 18ാമ​ത്​ ഏ​ഷ്യ​ൻ ക​പ്പി​ന്റെ പോ​രാ​ട്ട​ങ്ങ​ൾ​ക്ക്​ കി​ക്കോ​ഫ്​ ആ​യി.

ഖ​ത്ത​ർ അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി, ഫി​ഫ പ്ര​സി​ഡ​ന്റ്​ ജി​യാ​നി ഇ​ൻ​ഫ​ന്റി​നോ, എ.​എ​ഫ്.​സി പ്ര​സി​ഡ​ന്റ്​ ശൈ​ഖ്​ സ​ൽ​മാ​ൻ ഇ​ബ്രാ​ഹിം ആ​ൽ ഖ​ലീ​ഫ എ​ന്നി​വ​രു​ൾ​പ്പെ​ടെ ഉ​ദ്​​ഘാ​ട​ന ച​ട​ങ്ങി​നും ഖ​ത്ത​ർ ല​ബ​നാ​ൻ മ​ത്സ​ര​ത്തി​നും സാ​ക്ഷി​യാ​വാ​നെ​ത്തി.