സ​മാ​ധാ​ന​ത്തി​ന്റെ ഒ​ലി​വ് പ​ച്ച​യ​ണി​യ​ട്ടെ...

ദോ​ഹ: മു​ക്കാ​ൽ നൂ​റ്റാ​ണ്ടി​ലേ​റെ നീ​ണ്ട അ​ധി​നി​വേ​ശ​ത്തി​ന്റെ ച​രി​ത്രം അ​റി​ഞ്ഞും സ്വ​സ്ഥ​ത​യും സ​മാ​ധാ​ന​വും തി​രി​കെ​വ​രു​മെ​ന്ന പ്രാ​ർ​ഥ​ന​യോ​ടെ ഒ​ലി​വ് മ​രം മ​ണ്ണി​ലേ​ക്കു​വെ​ച്ച് വെ​ള്ള​മൊ​ഴി​ച്ചും വി​ദ്യാ​ർ​ഥി​ക​ൾ നി​ല​ക്കാ​ത്ത യു​ദ്ധം കാ​ര​ണം ദു​രി​ത​മ​നു​ഭ​വി​ക്കു​ന്ന ഫ​ല​സ്തീ​ൻ ജ​ന​ത​യോ​ട് ഐ​ക്യ​പ്പെ​ട്ടു. ഖ​ത്ത​ർ ഫൗ​ണ്ടേ​ഷ​നു കീ​ഴി​ലെ വി​വി​ധ സ്‌​കൂ​ളു​ക​ളി​ലെ വി​ദ്യാ​ർ​ഥി​ക​ളാ​യി​രു​ന്നു ഇ​സ്രാ​യേ​ലി​ന്റെ ആ​ക്ര​മ​ണ​ത്തി​ൽ ന​ര​ക​യാ​ത​ന തി​ന്നു​ന്ന ഫ​ല​സ്തീ​നി​ക​ളോ​ട് ഐ​ക്യ​പ്പെ​ട്ട് ഒ​രു ദി​വ​സം വി​വി​ധ പ​രി​പാ​ടി​ക​ളു​മാ​യി ഒ​ന്നി​ച്ച​ത്.

ഖ​ത്ത​ർ ഫൗ​ണ്ടേ​ഷ​ന്റെ പ്രീ ​യൂ​നി​വേ​ഴ്‌​സി​റ്റി ഭാ​ഗ​മാ​യ മു​ശൈ​രി​ബി​ലെ ഖ​ത്ത​ർ അ​ക്കാ​ദ​മി​യി​ൽ ഫ​ല​സ്തീ​ൻ ഐ​ക്യ​ദാ​ർ​ഢ്യ പ​രി​പാ​ടി​യു​ടെ ഭാ​ഗ​മാ​യി യൂ​നി​ഫോം ഇ​ല്ലാ​തെ​യാ​ണ് വി​ദ്യാ​ർ​ഥി​ക​ൾ സ്‌​കൂ​ളി​ലെ​ത്തി​യ​ത്. ഫ​ല​സ്തീ​ൻ പ​താ​ക​യു​ടെ നി​റ​ങ്ങ​ൾ അ​ല്ലെ​ങ്കി​ൽ പ​ര​മ്പ​രാ​ഗ​ത ഫ​ല​സ്തീ​ൻ വ​സ്ത്ര​ങ്ങ​ൾ ധ​രി​ക്കാ​നാ​യി​രു​ന്നു പ്രോ​ത്സാ​ഹ​നം ന​ൽ​കി​യ​ത്. പ്രാ​ർ​ഥ​ന സ​ദ​സ്സ്, ബോ​ധ​വ​ത്ക​ര​ണ പ​രി​പാ​ടി​ക​ൾ തു​ട​ങ്ങി വൈ​വി​ധ്യ​മാ​ർ​ന്ന പ​രി​പാ​ടി​ക​ൾ ന​ട​ന്നു.

ഏ​റെ പ്രാ​ധാ​ന്യ​ത്തോ​ടെ​യാ​ണ് പ​രി​പാ​ടി സം​ഘ​ടി​പ്പി​ക്കു​ന്ന​തെ​ന്നും ഫ​ല​സ്തീ​നെ പി​ന്തു​ണ​ക്കു​ന്ന​തി​ൽ വി​ദ്യാ​ർ​ഥി​ക​ളെ ബോ​ധ​വ​ത്ക​രി​ക്കു​ന്ന​തി​നു​ള്ള അ​വ​സ​ര​മാ​യാ​ണ് ഇ​തി​നെ കാ​ണു​ന്ന​തെ​ന്നും ഖ​ത്ത​ർ അ​ക്കാ​ദ​മി മു​ശൈ​രി​ബി​ലെ അ​സി. പ്രി​ൻ​സി​പ്പ​ൽ ലാ​മ ക​ലാ​ഷ് പ​റ​ഞ്ഞു.

വി​ഷ​യ​ത്തി​ൽ ബോ​ധ​വ​ത്ക​ര​ണം ന​ൽ​കു​ക, ദു​രി​ത​ത്തി​ന് ഇ​ര​യാ​കു​ന്ന​വ​രോ​ട് സ​ഹാ​നു​ഭൂ​തി വ​ള​ർ​ത്തു​ക, സാ​മൂ​ഹി​ക​നീ​തി, മാ​നു​ഷി​ക ച​ർ​ച്ച​ക​ൾ പ്രോ​ത്സാ​ഹി​പ്പി​ക്കു​ക എ​ന്നി​വ​യാ​യി​രു​ന്നു പ​രി​പാ​ടി​യു​ടെ ല​ക്ഷ്യ​മെ​ന്നും ക​ലാ​ഷ് വ്യ​ക്ത​മാ​ക്കി. തു​റ​ന്ന ക്ലാ​സ് റൂം ​ച​ർ​ച്ച​ക​ൾ, ചോ​ദ്യോ​ത്ത​ര സെ​ഷ​ൻ എ​ന്നി​വ​യും ഇ​തി​ന്റെ ഭാ​ഗ​മാ​യി ന​ട​ന്നു. വി​ദ്യാ​ർ​ഥി​ക​ളി​ൽ ആ​ഗോ​ള പ്ര​ശ്‌​ന​ങ്ങ​ളെ സം​ബ​ന്ധി​ച്ച ബോ​ധം വ​ള​ർ​ത്താ​നും പ്ര​ശ്‌​ന​ങ്ങ​ളെ മ​ന​സ്സി​ലാ​ക്കാ​നും മാ​റ്റ​ത്തി​നാ​യി വാ​ദി​ക്കാ​നും സ​ഹാ​യി​ക്കു​ന്നു​വെ​ന്നും അ​വ​ർ കൂ​ട്ടി​ച്ചേ​ർ​ത്തു.

ഖ​ത്ത​ർ അ​ക്കാ​ദ​മി ദോ​ഹ (ക്യു.​എ.​ഡി) പ്രൈ​മ​റി, മി​ഡി​ൽ സ്‌​കൂ​ൾ കാ​മ്പ​സു​ക​ളി​ൽ ഐ​ക്യ​ദാ​ർ​ഢ്യം പ്ര​ക​ടി​പ്പി​ച്ച് ഒ​ലി​വ് മ​രം ന​ട്ടു​പി​ടി​പ്പി​ച്ചു. ഫ​ല​സ്തീ​ൻ ല​ക്ഷ്യ​ത്തി​ന്റെ പ്ര​തീ​കം കൂ​ടി​യാ​യാ​ണ് ഒ​ലി​വി​നെ ക​ണ​ക്കാ​ക്കു​ന്ന​ത്. ഖ​ത്ത​ർ അ​ക്കാ​ദ​മി അ​ൽ​ഖോ​ർ, താ​രി​ഖ് ബി​ൻ സി​യാ​ദ് സ്‌​കൂ​ൾ, ഖ​ത്ത​ർ അ​ക്കാ​ദ​മി ഫോ​ർ സ​യ​ൻ​സ് ആ​ൻ​ഡ് ടെ​ക്‌​നോ​ള​ജി തു​ട​ങ്ങി​യ ഖ​ത്ത​ർ ഫൗ​ണ്ടേ​ഷ​ന്റെ പ്രീ ​യൂ​നി​വേ​ഴ്‌​സി​റ്റി​ക്ക് കീ​ഴി​ലു​ള്ള മ​റ്റ് സ്‌​കൂ​ളു​ക​ളി​ലും ഫ​ല​സ്തീ​ന് പി​ന്തു​ണ​യും ഐ​ക്യ​ദാ​ർ​ഢ്യ​വും അ​റി​യി​ക്കു​ന്ന​തി​ന്റെ ഭാ​ഗ​മാ​യി വി​വി​ധ പ​രി​പാ​ടി​ക​ൾ സം​ഘ​ടി​പ്പി​ച്ചു.