ഉയരെ ഉയരെ ഖത്തർ

ദോഹ: ഖത്തറിലെ ഫുട്​ബാൾ ആരാധകർക്ക്​ ആഘോഷിക്കൻ ഒരുപിടി അവസരമൊരുക്കി ദേശീയ ടീമിൻെറ കുതിപ്പ്​. അമേരിക്കയിൽ നടക്കുന്ന കോൺകകാഫ്​ ഗോൾഡ്​ കപ്പ്​ ഫുട്​ബാളിൽ എൽസാൽവദോറിനെതിരെ ആധികാരിക ജയത്തോടെ സെമിയിൽ കടന്ന ഖത്തറിൻെറ അടുത്ത ലക്ഷ്യം കലാശപ്പോരാട്ടം. അരിസോണയിലെ ​െഗ്ലൻഡെയ്​ലിൽ ഖത്തർ ആരാധകർ നിറഞ്ഞ സ്​റ്റേഡിയത്തിൽ ആധികാരികമായിരുന്നു ജയം. സ്​റ്റാർ സ്​ട്രൈക്കർ അൽമോയസ്​ അലി ടൂർണമെൻറിൽ ആദ്യമായി മിന്നും ഫോമിലേക്കുയർന്ന​േപ്പാൾ രണ്ട്​ മിനിറ്റ്​ തികയും മു​േമ്പ ഖത്തർ മുന്നിലെത്തി. അക്രം അഫീഫി നീട്ടി നൽകിയ പന്ത്​ അൽമോയസ്​ അലിയാണ്​ വലയിലെത്തിച്ചത്​. എട്ടാം മിനിറ്റിൽ അബ്​ദുല ഹാതിമിൻെറ സുന്ദരമായൊരു ലോബിലൂടെ എൽസാൽവദോർ പ്രതിരോധത്തിന്​ മുകളിലൂടെ ഖത്തർ രണ്ടാ ഗോളും നേടി. 55ാം മിനിറ്റിൽ അ​ൽമോയസ്​ പെനാൽറ്റി ഗോൾ കൂടി ലക്ഷ്യത്തിലെത്തിച്ചതോടെ ഖത്തർ 3-0ത്തിന്​ വ്യക്​തമായ ലീഡ്​ പിടിച്ചു.

പിന്നീടായിരുന്നു സാൽവദോർ രണ്ട്​ ഗോളുകൾ തിരിച്ചടിച്ചത്​. ആത്​മവിശ്വാസം വിനയാകുമോ എന്ന്​ പ്രതീക്ഷിച്ച നിമിഷമായിരുന്നു അത്​. പ്രതിരോധത്തിലെ പിഴവ്​ മുതലെടുത്ത ജൊക്വിൻ അ​േൻറാണിയോ റിവാസ്​ മൂന്ന്​ മിനിറ്റ്​ഇടവേളയിൽ (63, 66 മിനിറ്റുകൾ) ഗോൾ നേടിയതോടെ ഖത്തർ ഒന്നു പകച്ചു. എന്നാൽ, പിന്നീട്​ നാല്​ സബ്​സ്​റ്റിറ്റ്യൂഷനുകളുമായാണ്​ ടീം പിടിച്ചു നിന്ന്​ കളി ജയിച്ചത്​.

സെമിയിൽ കടന്നതോടെ, ഖത്തറിൻെറ കിരീട പ്രതീക്ഷകൾക്കും ചിറകുമുളച്ചു. ഇന്ന്​ പുലർച്ചെ നടക്കന്ന അമേരിക്ക - ജമൈക്ക മത്സരത്തിലെ വിജയികളാവും ഫൈനലിൽ ഖത്തറിൻെറ എതിരാളികൾ.മറ്റൊരു ക്വാർട്ടറിൽ മെക്​സികോ 3-0ത്തിന്​ ഹോണ്ടുറസിനെ തോൽപിച്ചു.