പുതിയ ഖത്തർ യാത്രാചട്ടം: നിലവിൽ ഹോട്ടൽ ക്വാറൻറീൻ ബുക്ക്​ ചെയ്​തവർ എന്തുചെയ്യണം?

ദോഹ: ഖത്തറിലേക്കുള്ള പുതിയയാത്രാനിബന്ധനകൾ ഏപ്രിൽ 29 മുതലാണ്​​ പ്രാബല്യത്തിൽ വരുന്നത്​. ഇന്ത്യയിൽ നിന്ന്​ വരുന്ന എല്ലാവർക്കും ഖത്തറിൽ 10 ദിവസം ഹോട്ടൽ ക്വാറൻറീൻ നിർബന്ധം​​. ഖത്തറിൽ നിന്നടക്കം വാക്​സിൻ എടുത്തവർക്കും ഇത്​ നിർബന്ധം​. ഏപ്രിൽ 29ന്​ ദോഹ സമയം അർധരാത്രി 12 മുതൽ (ഇന്ത്യൻ സമയം പുലർ​െച്ച 2.30 മുതൽ) ആണ്​ പുതിയ ചട്ടം നിലവിൽ വരിക. ഇന്ത്യ, നേപ്പാൾ, ബംഗ്ലാദേശ്​, ശ്രീലങ്ക, പാകിസ്​താൻ, ഫിലിപ്പീൻസ്​ രാജ്യങ്ങളിൽ നിന്ന്​ വരുന്ന എല്ലാവർക്കുമാണ്​​ പത്ത്​ ദിവസം ഹോട്ടൽ ക്വാറൻറീൻ നിർബന്ധമാക്കിയത്​. ഈ രാജ്യങ്ങളിൽ നിന്ന്​ നേരിട്ട്​ വരുന്നവർക്കും ഈ രാജ്യങ്ങൾ വഴി വരുന്നവർക്കും (ട്രാൻസിറ്റ്​ യാത്രക്കാർ) പുതിയ നിബന്ധന ബാധകമാണ്​. 48 മണിക്കൂർ മുമ്പുള്ള കോവിഡ്​ നെഗറ്റീവ്​ സർട്ടിഫിക്കറ്റും​ നിർബന്ധം​. അതത്​ രാജ്യങ്ങളിലെ അംഗീകൃത ലാബുകളിൽ നിന്നുള്ളതായിരിക്കണം ഇത്​. ഇന്ത്യയിൽ കൊറോണവൈറസിൻെറ പുതിയവകഭേദം​ കണ്ടെത്തിയതിൻെറ അടിസ്​ഥാനത്തിലാണ്​ ഖത്തറിൻെറ നടപടികൾ.

ക്വാറൻറീൻ ബുക്ക്​ ചെയ്​തവർ ഏ​പ്രിൽ 29ന്​ ശേഷം എത്തു​േമ്പാൾ

1. നേരത്തേ ഹോട്ടൽ ക്വാറൻറീൻ ബുക്ക്​ ചെയ്യുകയും ഏ​പ്രിൽ 29ന്​ ദോഹ സമയം രാത്രി 12മണിക്ക്​ ശേഷം ഖത്തറിൽ എത്തുന്നവരുമാണെങ്കിൽ അവർക്ക്​ നാട്ടിൽ നിന്ന്​ വിമാനം കയറുന്നതിന്​ മു​േമ്പ നിലവിലുള്ള ബുക്കിങ്​ കാൻസൽ ചെയ്​തതായ അറിയിപ്പ്​ ലഭിച്ചിരിക്കും. ഇൗ മെയിലിലെ നിർദേശപ്രകാരം നിങ്ങൾ പുതിയ ബുക്കിങ്​ നടത്തണം.

2. ഇത്തരത്തിൽ നേരത്തേയുള്ള ബുക്കിങ്​ കാൻസൽ ആയവർക്ക്​ മുഴുവൻ തുകയും റീഫണ്ട്​ ലഭിക്കും. മുഴുവൻ തുകയും 15 പ്രവൃത്തി ദിവസത്തിനുള്ളിലാണ്​ മടക്കിക്കിട്ടുക.

ഏപ്രിൽ 28നോ അതിന്​ മു​േമ്പാ എത്താനുള്ള ബുക്കിങ്​ ഉള്ളവർ:

1. ഏപ്രിൽ 28നോ അതിന്​ മു​േമ്പാ എത്താനുള്ള ഡിസ്​കവർ ഖത്തർ വൗച്ചർ യാത്രക്ക്​ സാധുവായിരുന്നു​. ആ സമയം നിങ്ങൾ ഖത്തറിൽ എത്തിയെങ്കിൽ ദോഹ വിമാനത്താവളത്തിൽ വച്ച്​ ഏ​െതങ്കിലും തരത്തിലുള്ള മാറ്റം ബുക്കിങിലോ ക്വാറൻറീൻ സംബന്ധമായോ ആവശ്യമെങ്കിൽ അത്​ ഡിസ്​കവർ ഖത്തർ അറിയിക്കുന്നതായിരിക്കും.

2. ഇത്തരക്കാർക്ക്​ ബുക്​ ​െചയ്യു​േമ്പാഴുള്ള ഹോട്ടൽ തുകയേക്കാൾ കൂടുതൽ പണം അട​​േക്കണ്ടതില്ല. ആ സമയത്ത്​ ലഭ്യമായ ക്വാറൻറീൻ ഹോട്ടൽ ബുക്കിങിനേക്കാൾ കൂടുതലാണ്​ നിങ്ങളുടെ നേരത്തേതയുള്ള ഹോട്ടൽ ക്വാറൻറീൻ തുകയെങ്കിൽ നിങ്ങൾക്ക്​ റീ ഫണ്ടിന്​ അപേക്ഷിക്കാം.

പുതുതായി ഹോട്ടൽ ക്വാറൻറീൻ ബുക്ക്​ ​ചെയ്യാൻ

1. എല്ലാ പുതിയ ഹോട്ടൽ ക്വാറൻറീൻ ബുക്കിങുകളും ഖത്തറി​െൻറ പുതിയ യാത്രാചട്ടങ്ങൾക്ക്​ അനുസരിച്ചായിരിക്കണം. ഈ രാജ്യങ്ങളിൽ നിന്ന്​​​ വരുന്നവർ 10 ദിവസം ഹോട്ടൽ ക്വാറൻറീനിൽ കഴിയണം.

2. നാട്ടിൽ നിന്നുള്ള ബോർഡിങിന്​ മുമ്പ്​ ഇതനുസരിച്ചുള്ള ക്വാറൻറീൻ ഹോട്ടൽ വൗച്ചർ കാണിക്കണം.

ഏപ്രിൽ 27 മുതൽ ബുക്ക്​ ചെയ്​തവർ

1. ഖത്തറിൻെറ പുതിയ യാത്രാചട്ടങ്ങൾ നിലവിൽവന്ന ശേഷം ഏപ്രിൽ 27നോ അതിന്​ ശേഷമോ ഈ രാജ്യത്ത്​ നിന്ന്​ വരുന്നവർ ചട്ടപ്രകാരമുള്ള ഹോട്ടൽ ക്വാറൻീൻ അല്ല ബുക്ക്​ ​െചയ്​തതെങ്കിൽ ബുക്കിങ്​ കാൻസൽ ചെയ്യപ്പെടും. മുഴുവൻ തുകയും കാൻസലേഷൻ ഫീസ്​ ആയി ഈടാക്കുകയും ചെയ്യും. ഒരുപൈസയും തിരിച്ചുകിട്ടില്ല