ബൂസ്​റ്റർ ഡോസിനൊരുങ്ങി ഖത്തർ

ദോഹ: കോവിഡ്​ പ്രതിരോധ പ്രവർത്തനങ്ങളിൽ നിർണായക ചുവടുവെപ്പുമായി ഖത്തർ ബൂസ്​റ്റർ ഡോസുകളിലേക്ക്​. ലോകത്ത്​ വിവിധ രാജ്യങ്ങളിൽ വാക്​സിനേഷൻ പ്രവർത്തനങ്ങൾ മന്ദഗതിയിൽ മുന്നോട്ടുപോവുന്നതിനിടെയാണ്​ കഴിഞ്ഞ ദിവസം ഖത്തർ ആരോഗ്യ മന്ത്രാലയം ബൂസ്​റ്റർ ഡോസ്​ പ്രഖ്യാപിച്ചത്​.

ബുധനാഴ്​ച മുതൽ വാക്​സിനേഷൻ നടപടികൾ തുടങ്ങുമെന്നാണ്​ അറിയിപ്പ്​. കോ​വി​ഡ്​ വൈ​റ​സി​നെ​തി​രെ കൂ​ടു​ത​ൽ പ്ര​തി​രോ​ധശേ​ഷി ആ​ർ​ജി​ക്കു​ന്ന​തി​െൻറ ഭാ​ഗ​മാ​യാ​ണ്​ ബൂ​സ്​​റ്റ​ർ ഡോ​സ്​ ന​ൽ​കു​ന്ന​ത്.

ഡിസംബറിൽ ആരംഭിച്ച കോവിഡ്​ വാക്​സിനേഷൻ കാമ്പയിനിലെ നിർണായക ഘട്ടത്തിലേക്കാണ്​ ഖത്തർ ബുധനാഴ്​ച കാൽവെക്കുന്നത്​. നേരത്തെ കോവിഡ്​ വാക്​സിനേഷൻ ആരംഭിച്ചത്​ പോലെ ഹൈറിസ്​ക്​ വിഭാഗങ്ങളിലൂടെയാണ്​ ബൂസ്​റ്റർ ഡോസിൻെറയും നടപടിക്രമങ്ങൾ ആരംഭിക്കുന്നത്​. ആദ്യഘട്ടത്തിൽ 65 വയസ്സ്​ പിന്നിട്ടവർ, ഗുരുതര രോഗങ്ങൾ കാരണം പ്രതിരോധശേഷി കുറഞ്ഞവർ, ആരോഗ്യ പ്രവർത്തകർ, മറ്റ്​ കോവിഡ്​ വിരുദ്ധ പ്രവർത്തകർ എന്നിവർക്കാണ്​ വാക്​സിനേഷന്​ മുൻഗണന.

ബൂസ്​റ്റർ ഡോസ്​

ലഭിക്കാൻ​?

അർഹതപ്പെട്ട വിഭാഗങ്ങൾക്ക്​ പ്രാഥമികാരോഗ്യ കേന്ദ്രങ്ങളിൽനിന്ന്​ വാക്​സിൻ ലഭ്യമാവും. അപ്പോയിൻ​മെൻറ്​ സംബന്ധിച്ച്​ സെൻററിൽനിന്ന്​ അറിയിപ്പ്​ ലഭിക്കുന്നതിനനുസരിച്ച്​ നേരി​ട്ടെത്തി വാക്​സിൻ സ്വീകരിക്കാം.

അതേസമയം, രണ്ടാം ഡോസിന്​ ശേഷം എട്ടു മാസം പിന്നിട്ടിട്ടും അപ്പോയിൻ​മെൻറ്​ ലഭിച്ചില്ലെങ്കിൽ 4027 7077 നമ്പറിൽ വിളിച്ച്​ വാക്​സിൻ ബുക്കിങ്​ എടുക്കണമെന്ന്​ ആരോഗ്യമന്ത്രാലയം അറിയിച്ചു.

ആർക്കൊക്കെ?

നാലു വിഭാഗങ്ങൾക്കാണ്​ ആദ്യഘട്ടത്തിൽ ബൂസ്​റ്റർ ഡോസിന്​ അനുവാദം നൽകുന്നത്​. 65 വയസ്സ്​ പിന്നിട്ടവരാണ്​ ആദ്യവിഭാഗം. ഇവർക്ക്​ രോഗപ്രതിരോധ ശേഷി താരതമ്യേനെ കുറഞ്ഞതിനാൽ രണ്ടാം ഡോസിൻെറ കാലവധി കഴിയുന്ന മുറക്ക്​ ബൂസ്​റ്റർ ഡോസ്​ സ്വീകരിച്ച്​ പ്ര​തിരോധം നിലനിർത്താം.

മാറാരോഗങ്ങൾ കാരണം പ്രതിരോധശേഷി കുറഞ്ഞവരാണ്​ മറ്റൊരുവിഭാഗം. ഇത്തരത്തിലുള്ളവർക്ക്​ ബൂസ്​റ്റർ ഡോസ്​ നൽകാൻ രണ്ടാഴ്​ച മുമ്പുതന്നെ ​ആരോഗ്യമന്ത്രാലയം അനുവാദം നൽകിയിരുന്നു.

മാറാരോഗങ്ങൾക്കുള്ള ചികിത്സ തുടരവെ പ്രതിരോധശേഷി കുറയുന്നതിനാൽ ഇവർക്ക്​ കോവിഡ്​ ബാധിച്ചാൽ രോഗം തീവ്രമായേക്കാമെന്നാണ്​ ആശങ്ക.

അർബുദബാധിതരായി ചികിത്സയിൽ കഴിയുന്നവർ, അവയവമാറ്റ ശസ്​ത്രക്രിയ കഴിഞ്ഞവർ, രണ്ടു വർഷത്തിനുള്ളിൽ മൂലകോശമാറ്റ ശസ്​ത്രക്രിയക്ക്​ വിധേയരാവുകയും രോഗപ്രതിരോധ ശേഷി കുറക്കുന്ന മരുന്നുകൾ ഉപയോഗിക്കുകയും ചെയ്യുന്നവർ, കിഡ്​നി രോഗം ഗുരുതമരായി​ ചികിത്സയിൽ കഴിയുന്നവർ എന്നിവർ ഉൾപ്പെ​ടുന്ന വിഭാഗത്തിൻെറ പട്ടിക നേരത്തെ മന്ത്രാലയം പുറത്തു വിട്ടിരുന്നു.

ആരോഗ്യപ്രവർത്തകരും കോവിഡിനെതിരെ പൊരുതുന്ന മറ്റ്​ വിഭാഗങ്ങളുമാണ്​ മൂന്നാം ഗണത്തിൽപെടുന്നത്​. ഡോക്​ടർമാർ, നഴ്​സുമാർ എന്നിവർ കോവിഡ്​ വാക്​സിൻെറ ആദ്യ ഡോസും പ്രാരംഭ ഘട്ടത്തിൽതന്നെ സ്വീകരിച്ചിരുന്നു.

അർഹരായവർ എത്രയുംവേഗം വാക്​സിൻ സ്വീകരിക്കണമെന്നും ആരോഗ്യ സുരക്ഷ ഉറപ്പാക്കണമെന്നും ​പി.എച്ച്​.സി.സി എക്​സിക്യൂട്ടിവ്​ ഡയറക്​ടർ ഡോ. സംയാ അൽ അബ്​ദുല്ല അറിയിച്ചു.

എപ്പോൾ വാക്​സിൻ സ്വീകരിക്കാം?

നിശ്ചിതവിഭാഗത്തിൽ പെടുന്നവർ​ രണ്ടാം ഡോസ്​ സ്വീകരിച്ച്​ എട്ടു മാസം പൂർത്തിയായശേഷം ബൂസ്​റ്റർ ഡോസിന്​ അർഹരാവും. എന്നാൽ, ഇവർ 12 മാസം തികയുന്നതിന്​ മുമ്പായി ബൂസ്​റ്റർ ഡോസ്​ സ്വീകരിച്ചിരിക്കണം. ഫൈസർ, മൊഡേണ വാക്​സിനുകൾ സ്വീകരിച്ചവർക്കാണ്​ അതേ വാക്​സിൻെറ മൂന്നാം ഡോസ്​ നൽകുന്നത്​.