ഗ​സ്സ​യി​ലെ ഹ​മ​ദ് ആ​ശു​പ​ത്രി​​ക്കെ​തി​രാ​യ ആ​രോ​പ​ണം ത​ള്ളി ഖ​ത്ത​ർ

ദോ​ഹ: ഗ​സ്സ​യി​ൽ ഖ​ത്ത​ർ നി​ർ​മി​ച്ച ശൈ​ഖ് ഹ​മ​ദ് ആ​ശു​പ​ത്രി​ക്കെ​തി​രെ ഇ​സ്രാ​യേ​ൽ അ​ധി​നി​വേ​ശ സേ​ന ഉ​ന്ന​യി​ച്ച ആ​രോ​പ​ണ​ങ്ങ​ളെ ത​ള്ളി ഗ​സ്സ പു​ന​ർ​നി​ർ​മാ​ണ ക​മ്മി​റ്റി ചെ​യ​ർ​മാ​ൻ. ആ​ശു​പ​ത്രി കെ​ട്ടി​ട​ത്തി​ന് അ​ടി​യി​ലാ​യി ഭൂ​ഗ​ർ​ഭ തു​ര​ങ്ക​ങ്ങ​ൾ ഉ​ണ്ടെ​ന്നാ​യി​രു​ന്നു ​ഇ​സ്രാ​യേ​ൽ സൈ​നി​ക വ​ക്താ​വ് ക​ഴി​ഞ്ഞ ദി​വ​സം ആ​രോ​പ​ണ​മു​ന്ന​യി​ച്ച​ത്.

എ​ന്നാ​ൽ, ഗ​സ്സ​യി​ലെ നി​ര​പ​രാ​ധി​ക​ളാ​യ സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ​യു​ള്ള സി​വി​ലി​യ​ന്മാ​ർ​ക്കും ആ​ശു​പ​ത്രി​ക​ൾ, സ്കൂ​ൾ, അ​ഭ​യാ​ർ​ഥി ക്യാ​മ്പു​ക​ൾ തു​ട​ങ്ങി​യ ഇ​ട​ങ്ങ​ളി​ലും വ്യോ​മാ​ക്ര​മ​ണം ന​ട​ത്തി നി​ര​പ​രാ​ധി​ക​ളെ കൊ​ന്നൊ​ടു​ക്കു​ന്ന അ​ധി​നി​വേ​ശ സേ​ന ​കൃ​ത്യ​മാ​യ തെ​ളി​വു​ക​ളോ അ​ടി​സ്ഥാ​ന​മോ ഇ​ല്ലാ​തെ​യാ​ണ് ആ​ശു​പ​ത്രി​ക​ൾ​ക്കെ​തി​രെ ആ​രോ​പ​ണ​മു​ന്ന​യി​ക്കു​ന്ന​തെ​ന്ന് ഗ​സ്സ പു​ന​ർ​നി​ർ​മാ​ണ ക​മ്മി​റ്റി ചെ​യ​ർ​മാ​ൻ കൂ​ടി​യാ​യ അം​ബാ​സ​ഡ​ർ മു​ഹ​മ്മ​ദ് അ​ൽ ഇ​മാ​ദി വ്യ​ക്ത​മാ​ക്കി.

സാ​ധാ​ര​ണ​ക്കാ​രെ ഉ​ന്നം​വെ​ച്ചു​ള്ള ആ​ക്ര​മ​ണ​ങ്ങ​ള്‍ക്കു​ള്ള ന്യാ​യീ​ക​ര​ണ​മാ​ണ് ഇ​ത്ത​രം ആ​ക്ഷേ​പ​ങ്ങ​ൾ. അ​ന്താ​രാ​ഷ്ട്ര മാ​ന​ദ​ണ്ഡ​ങ്ങ​ള്‍ പാ​ലി​ച്ച് തീ​ര്‍ത്തും സു​താ​ര്യ​മാ​യാ​ണ് ഗ​സ്സ​യി​ലെ ആ​ശു​പ​ത്രി നി​ര്‍മി​ച്ച​ത്. കെ​ട്ടി​ട​ത്തി​ന് ഇ​സ്രാ​യേ​ലി​ന്റെ അ​നു​മ​തി​യും ല​ഭി​ച്ചി​രു​ന്നു. ഒ​രു അ​ടി​സ്ഥാ​ന​വു​മി​ല്ലാ​തെ​യാ​ണ് ഇ​സ്രാ​യേ​ല്‍ ആ​ക്ഷേ​പം ഉ​ന്ന​യി​ക്കു​ന്ന​ത്. സാ​ധാ​ര​ണ​ക്കാ​രാ​യ ജ​ന​ങ്ങ​ള്‍ക്കു​മേ​ല്‍ ബോം​ബി​ടാ​ന്‍ ഇ​തൊ​രു ന്യാ​യ​മാ​യി ഉ​പ​യോ​ഗി​ക്ക​രു​ത്.

ആ​ശു​പ​ത്രി​ക​ള്‍ക്കും ആം​ബു​ല​ന്‍സു​ക​ള്‍ക്കും നേ​രെ തു​ട​ര്‍ച്ച​യാ​യി ന​ട​ത്തു​ന്ന ആ​ക്ര​മ​ണ​ങ്ങ​ള്‍ക്കെ​തി​രെ അ​ന്താ​രാ​ഷ്ട്ര സ​മൂ​ഹം രം​ഗ​ത്തി​റ​ങ്ങ​ണ​മെ​ന്നും മു​ഹ​മ്മ​ദ് അ​ല്‍ ഇ​മാ​ദി ആ​വ​ശ്യ​പ്പെ​ട്ടു. ഖ​ത്ത​ര്‍ ഫ​ണ്ട് ഫോ​ര്‍ ഡെ​വ​ല​പ്മെ​ന്റാ​ണ് ആ​യി​ര​ങ്ങ​ള്‍ക്ക് ആ​ശ്ര​യ​മാ​യ ഗ​സ്സ​യി​ലെ ശൈ​ഖ് ഹ​മ​ദ് ആ​ശു​പ​ത്രി നി​ര്‍മി​ച്ച​ത്. 2019ലാ​ണ് ഗ​സ്സ​യി​ലെ ആ​ദ്യ പ്രോ​സ്തെ​റ്റി​ക് സ്‍പെ​ഷ​ലി​സ്റ്റ് ആ​ശു​പ​ത്രി​യാ​യി നി​ർ​മി​ച്ച ഈ ​ആ​തു​രാ​ല​യം ഉ​ദ്ഘാ​ട​നം ചെ​യ്യ​പ്പെ​ട്ട​ത്.