കൊ​റി​യ​​യെ വീ​ഴ്ത്താ​ൻ ഖ​ത്ത​ർ

ദോ​ഹ: അ​ഞ്ചു ദി​വ​സം മു​മ്പ് സ്വ​ന്തം മ​ണ്ണി​ൽ നാ​ട്ടു​കാ​രു​ടെ മു​ന്നി​ലേ​റ്റ തോ​ൽ​വി​യു​ടെ ആ​ഘാ​തം തേ​ച്ചു​മാ​യ്ക്കാ​ൻ ഉ​റ​ച്ച് ഖ​ത്ത​ർ ഇ​ന്ന് ര​ണ്ടാം അ​ങ്ക​ത്തി​ൽ ബൂ​ട്ട​ണി​യു​ന്നു. ലോ​ക​ക​പ്പ് ഏ​ഷ്യ​ൻ യോ​ഗ്യ​ത​യു​ടെ മൂ​ന്നാം റൗ​ണ്ടി​ലെ നി​ർ​ണാ​യ​ക അ​ങ്ക​ത്തി​ൽ ഉ​ത്ത​ര കൊ​റി​യ​യാ​ണ് എ​തി​രാ​ളി​ക​ൾ.

കൊ​റി​യ​ക്കാ​രു​ടെ ഹോം ​ഗ്രൗ​ണ്ടാ​യ ലാ​വോ​സി​ലെ വീ​ൻ​ന്റി​യാ​ൻ ന്യൂ ​ലാ​വോ​സ് സ്റ്റേ​ഡി​യ​ത്തി​ൽ ഖ​ത്ത​ർ സ​മ​യം വൈ​കു​ന്നേ​രം മൂ​ന്നി​നാ​ണ് കി​ക്കോ​ഫ്. ബെ​ൽ​ജി​യം വം​ശ​ജ​നാ​യ എ​ഡ്മി​ൽ​സ​ൺ ജൂ​നി​യ​റും, മു​ന്നേ​റ്റ നി​ര​ക്കാ​ര​ൻ അ​ഹ​മ​ദ് അ​ൽ റാ​വി​യും ഉ​ൾ​പ്പെ​ടെ പു​ത്ത​ൻ ഊ​ർ​ജം നി​റ​ച്ചാ​ണ് അ​ക്രം അ​ഫീ​ഫും, അ​ൽ മു​ഈ​സ് അ​ലി​യും ഉ​ൾ​പ്പെ​ടെ​യു​ള്ള താ​ര​ങ്ങ​ളു​മാ​യി ഖ​ത്ത​ർ ഇ​റ​ങ്ങു​ന്ന​ത്.

അ​ഹ്മ​ദ് ബി​ൻ അ​ലി സ്റ്റേ​ഡി​യ​ത്തി​ൽ ന​ട​ന്ന ഗ്രൂ​പ്പി​ലെ ആ​ദ്യ മ​ത്സ​ര​ത്തി​ൽ യു.​എ.​ഇ​യോ​ട് 3-1ന് ​ദ​യ​നീ​യ​മാ​യി തോ​റ്റ​ത് ചി​ല്ല​റ​യൊ​ന്നു​മ​ല്ല ഖ​ത്ത​റി​ന് തി​രി​ച്ച​ടി​യാ​യ​ത്.

ആ​ദ്യ പ​കു​തി​യി​ൽ ഒ​രു ഗോ​ളി​ന് ലീ​ഡ് നേ​ടി​യ ശേ​ഷം, നി​ശ്ശേ​ഷം ത​ക​ർ​ന്ന പ്ര​തി​രോ​ധ നി​ര​യും, ആ​ക്ര​മ​ണ​ത്തി​ൽ മൂ​ർ​ച്ച കു​റ​ഞ്ഞ ​മു​ന്നേ​റ്റ​വും തോ​ൽ​വി​ക്ക് കാ​ര​ണ​മാ​യി. ഈ ​വീ​ഴ്ച​ക​ൾ തി​രു​ത്തി​യാ​വും ഖ​ത്ത​ർ ഫി​ഫ റാ​ങ്കി​ങ്ങി​ൽ 110ാം സ്ഥാ​ന​ത്തു​ള്ള കൊ​റി​യ​ക്കെ​തി​രെ ഇ​റ​ങ്ങു​ന്ന​ത്.

ക​ഴി​ഞ്ഞ ക​ളി​യി​​ലെ വീ​ഴ്ച​യെ ക​ളി​യു​ടെ ഭാ​ഗ​മെ​ന്ന് വി​ശേ​ഷി​പ്പി​ച്ച കോ​ച്ച് മാ​ർ​ക്വേ​സ് ലോ​പ​സ്, അ​ടു​ത്ത അ​ങ്കം ജ​യി​ക്കു​ക​യാ​ണ് ല​ക്ഷ്യ​മെ​ന്ന് വ്യ​ക്ത​മാ​ക്കു​ന്നു.

എ​തി​രാ​ളി​ക​ളാ​യ കൊ​റി​യ​യും മി​ക​ച്ച ഫു​ട്ബാ​ളാ​ണ് ക​ളി​ക്കു​ന്ന​തെ​ന്നും, അ​വ​ർ​ക്കെ​തി​രാ​യ മ​ത്സ​രം അ​നാ​യാ​സ​മാ​യി​രി​ക്കി​ല്ലെ​ന്നും അ​ദ്ദേ​ഹം പ​റ​ഞ്ഞു. വി​ജ​യി​ക്കാ​ൻ ഉ​റ​ച്ചാ​ണ് നി​ർ​ണാ​യ​ക മ​ത്സ​ര​ത്തി​ൽ ബൂ​ട്ടു​കെ​ട്ടു​ന്ന​തെ​ന്ന് ഖ​ത്ത​ർ താ​രം യൂ​സു​ഫ് അ​ബ്ദു​ൽ റ​സാ​ഖും വ്യ​ക്ത​മാ​ക്കി.