യു​ക്രെ​യ്ൻ പു​ന​ർ​നി​ർ​മാ​ണ​ത്തി​ന് ഖ​ത്ത​റി​ന്റെ ക​രു​ത​ൽ

ദോ​ഹ: റ​ഷ്യ​യു​ടെ സൈ​നി​ക ക​ട​ന്നു​ക​യ​റ്റ​ത്തെ തു​ട​ർ​ന്ന് തീ​രാ​ദു​രി​ത​ത്തി​ലാ​യ യു​ക്രെ​യ്ന്റെ പു​ന​ർ​നി​ർ​മാ​ണ​ത്തി​ന് 10 കോ​ടി ഡോ​ള​റി​ന്റെ മാ​നു​ഷി​ക​സ​ഹാ​യം പ്ര​ഖ്യാ​പി​ച്ച് ഖ​ത്ത​ർ. പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ​റ​ഹ്മാ​ൻ ബി​ൻ ജാ​സിം ആ​ൽ​ഥാ​നി​യു​ടെ യു​ക്രെ​യ്ൻ സ​ന്ദ​ർ​ശ​ന​വേ​ള​യി​ലാ​ണ് അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​​ടെ നി​ർ​ദേ​ശ പ്ര​കാ​രം മാ​നു​ഷി​ക​സ​ഹാ​യം പ്ര​ഖ്യാ​പി​ച്ച​ത്.

ആ​രോ​ഗ്യ, വി​ദ്യാ​ഭ്യാ​സ മേ​ഖ​ല​യി​ലെ അ​ടി​സ്ഥാ​ന സൗ​ക​ര്യ​ങ്ങ​ളു​ടെ വി​ക​സ​ന​വും പു​ന​ർ​നി​ർ​മാ​ണ​വും കു​ടി​വെ​ള്ള സം​വി​ധാ​ന​ങ്ങ​ൾ ഒ​രു​ക്ക​ൽ, ജീ​വ​കാ​രു​ണ്യ-​മാ​നു​ഷി​ക സ​ഹാ​യ​ങ്ങ​ൾ തു​ട​ങ്ങി​യ​വ​ക്കൊ​പ്പം ഖ​ത്ത​ർ സ​ർ​വ​ക​ലാ​ശാ​ല​യി​ലെ യു​ക്രെ​യ്നി​യ​ൻ വി​ദ്യാ​ർ​ഥി​ക​ൾ​ക്കാ​യി ഈ ​അ​ധ്യ​യ​ന​വ​ർ​ഷ​ത്തി​ൽ 50 സ്കോ​ള​ർ​ഷി​പ്പു​ക​ളും പ്ര​ഖ്യാ​പി​ച്ചു.

കി​യ​വി​ലെ സ​ന്ദ​ർ​ശ​ന​ത്തി​ന്റെ ഭാ​ഗ​മാ​യി യു​ക്രെ​യ്ൻ പ്ര​ധാ​ന​മ​ന്ത്രി ഡെ​നി​സ് ഷ​മി​ഹ​ലി​നൊ​പ്പം ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ലാ​യി​രു​ന്നു ഖ​ത്ത​ർ പ്ര​ധാ​ന​മ​ന്ത്രി സ​ഹാ​യം പ്ര​ഖ്യാ​പി​ച്ച​ത്. യു​ക്രെ​യ്ൻ-​റ​ഷ്യ പ്ര​തി​സ​ന്ധി​യു​ടെ ആ​ഘാ​തം കു​റ​ക്കു​ന്ന​തി​നും യു​ക്രെ​യ്ൻ ജ​ന​ത​യു​ടെ ദു​രി​ത​മ​ക​റ്റു​ന്ന​തി​നു​മാ​യി ന​ട​പ്പാ​ക്കി​യ വി​വി​ധ പ​ദ്ധ​തി​ക​ളു​ടെ തു​ട​ർ​ച്ച​യാ​യാ​ണി​ത്. യു​ക്രെ​യ്നി​ന്റെ ധാ​ന്യ ക​യ​റ്റു​മ​തി സം​രം​ഭ​ങ്ങ​ളു​ടെ പി​ന്തു​ണ​ക്കാ​യി ഖ​ത്ത​ർ നേ​ര​ത്തെ 20 ദ​ശ​ല​ക്ഷം ഡോ​ള​ർ സ​ഹാ​യം ന​ൽ​കി​യി​രു​ന്നു.

യു​ക്രെ​യ്ൻ-​ഖ​ത്ത​ർ പ്ര​തി​സ​ന്ധി​യി​ൽ ഖ​ത്ത​റി​ന്റെ നി​ല​പാ​ട് പ്ര​ധാ​ന​മ​ന്ത്രി ശൈ​ഖ് മു​ഹ​മ്മ​ദ് ബി​ൻ ജാ​സിം ആ​ൽ​ഥാ​നി വ്യ​ക്ത​മാ​ക്കി. യു​ക്രെ​യ്നി​ന്റെ പ​ര​മാ​ധി​കാ​ര​ത്തെ​യും സ്വാ​ത​ന്ത്ര്യ​ത്തെ​യും ഒ​പ്പം അ​ന്ത​ർ​ദേ​ശീ​യ​മാ​യി അം​ഗീ​ക​രി​ക്ക​പ്പെ​ട്ട അ​തി​ർ​ത്തി​ക​ളും ബ​ഹു​മാ​നി​ക്ക​പ്പെ​ട​ണ​മെ​ന്നാ​ണ് ഖ​ത്ത​റി​ന്റെ നി​ല​പാ​ട്.

അ​ന്താ​രാ​ഷ്ട്ര​നി​യ​മ​ങ്ങ​ളും ത​ത്ത്വ​ങ്ങ​ളും പാ​ലി​ക്ക​പ്പെ​ടേ​ണ്ട​തി​ന്റെ ആ​വ​ശ്യ​ക​ത അ​ടി​വ​ര​യി​ട്ടു വ്യ​ക്ത​മാ​ക്കി​യ അ​ദ്ദേ​ഹം, ത​ർ​ക്ക​ങ്ങ​ൾ സ​മാ​ധാ​ന​പ​ര​മാ​യ മാ​ർ​ഗ​ങ്ങ​ളി​ലൂ​ടെ പ​രി​ഹ​രി​ക്ക​ണ​മെ​ന്നും നി​ർ​ദേ​ശി​ച്ചു. സൈ​നി​ക ഇ​ട​പെ​ട​ലി​ലൂ​ടെ​യും അ​ക്ര​മ​ത്തി​ലൂ​ടെ​യും ഭീ​ഷ​ണി​പ്പെ​ടു​ത്തി​യും ന​ട​ത്തു​ന്ന ന​ട​പ​ടി​ക​ൾ അ​പ​ല​പ​നീ​യ​മാ​ണെ​ന്നും വ്യ​ക്ത​മാ​ക്കി.

സ​ന്ദ​ർ​ശ​ന​ത്തി​ന്റെ ഭാ​ഗ​മാ​യി യു​ക്രെ​യ്ൻ പ്ര​സി​ഡ​ന്റ് വ്ലാ​ദി​മി​ർ സെ​ല​ൻ​സ്കി​യു​മാ​യും ഖ​ത്ത​ർ പ്ര​ധാ​ന​മ​ന്ത്രി​യും സം​ഘ​വും കൂ​ടി​ക്കാ​ഴ്ച ന​ട​ത്തി. ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ​റ​ഹ്മാ​ൻ ആ​ൽ​ഥാ​നി​യു​മാ​യു​ള്ള കൂ​ടി​ക്കാ​ഴ്ച ഫ​ല​പ്ര​ദ​മാ​യി​രു​ന്നു​വെ​ന്ന് പ്ര​സി​ഡ​ന്റ് പ്ര​തി​ക​രി​ച്ചു.