ഖ​ത്ത​റി​ന്റെ സ്വ​ന്തം സാ​ങ്കേ​തി​ക വി​ദ്യ​ക​ൾ ഉ​ട​ൻ വാ​ണി​ജ്യ ഉ​പ​യോ​ഗ​ത്തി​ന്

ദോ​ഹ: രാ​ജ്യ​ത്തി​ന്റെ സു​സ്ഥി​ര പ​ദ്ധ​തി​ക​ളു​ടെ ഭാ​ഗ​മാ​യി, കു​റ​ഞ്ഞ കാ​ർ​ബ​ൺ സ​മ്പ​ദ് വ്യ​വ​സ്ഥ​യി​ലേ​ക്കു​ള്ള മാ​റ്റം സു​ഗ​മ​മാ​ക്കു​ന്ന​തി​ന് ല​ക്ഷ്യ​മി​ട്ടു​ള്ള ഖ​ത്ത​രി പേ​റ്റ​ൻ​റു​ള്ള നൂ​ത​ന സാ​ങ്കേ​തി​ക വി​ദ്യ​ക​ൾ വാ​ണി​ജ്യ ഉ​ൽ​പാ​ദ​ന​ത്തി​ലേ​ക്ക് പ്ര​വേ​ശി​ക്കാ​ൻ ഒ​രു​ങ്ങു​ന്ന​താ​യി വി​ദ​ഗ്ധ​ർ.

കു​റ​ഞ്ഞ കാ​ർ​ബ​ൺ സ​മ്പ​ദ് വ്യ​വ​സ്ഥ​യി​ലേ​ക്കു​ള്ള മാ​റ്റം സം​ബ​ന്ധി​ച്ച് സം​ഘ​ടി​പ്പി​ച്ച വ​ട്ട​മേ​ശ ച​ർ​ച്ച​യോ​ട​നു​ബ​ന്ധി​ച്ച് ഖ​ത്ത​ർ സ​യ​ൻ​സ് ആ​ൻ​ഡ് ടെ​ക്‌​നോ​ള​ജി പാ​ർ​ക്ക്, ഗ​ൾ​ഫ് ഓ​ർ​ഗ​നൈ​സേ​ഷ​ൻ ഫോ​ർ റി​സ​ർ​ച് ആ​ൻ​ഡ് ഡെ​വ​ല​പ്‌​മെ​ന്റ്, ഗ്ലോ​ബ​ൽ കാ​ർ​ബ​ൺ കൗ​ൺ​സി​ൽ എ​ന്നീ സ്ഥാ​പ​ന​ങ്ങ​ളു​ടെ ഉ​ദ്യോ​ഗ​സ്ഥ​രാ​ണ് ഇ​ക്കാ​ര്യം പ​ങ്കു​വെ​ച്ച​ത്.

നെ​റ്റ് സീ​റോ കാ​ർ​ബ​ണി​ലേ​ക്കു​ള്ള യാ​ത്ര​യി​ൽ സാ​ങ്കേ​തി​ക വി​ദ്യ​യും ഗ​വേ​ഷ​ണ​വും എ​ങ്ങ​നെ​യാ​ണ് രാ​ജ്യ​ത്തി​ന്റെ സു​സ്ഥി​ര​ത​യും ഹ​രി​ത​ഭാ​വി​യും നി​യ​ന്ത്രി​ക്കു​ന്ന​തെ​ന്ന് ച​ർ​ച്ച ചെ​യ്തു. പു​റ​ന്ത​ള്ള​പ്പെ​ടു​ന്ന കാ​ർ​ബ​ൺ ഡൈ ​ഓ​ക്‌​സൈ​ഡി​നെ പി​ടി​ച്ചെ​ടു​ക്കു​ന്ന​തി​നാ​ൽ വാ​യു​വി​നെ ശു​ദ്ധീ​ക​രി​ക്കു​ന്നു​വെ​ന്ന​താ​ണ് ഈ ​പ​ദ്ധ​തി​യു​ടെ വി​ജ​യ​മെ​ന്ന് അ​ഭി​പ്രാ​യ​പ്പെ​ട്ടു.

കു​റ​ഞ്ഞ അ​ന്ത​രീ​ക്ഷ മ​ലി​നീ​ക​ര​ണം എ​ന്ന ല​ക്ഷ്യ​ത്തെ പി​ന്തു​ണ​ക്കു​ന്ന​തി​നാ​യി ജി.​ഒ.​ആ​ർ.​ഡി ഇ​ന്റ​ലെ​ക്ച്വ​ൽ സോ​ഫ്റ്റ് വെ​യ​ർ ആ​രം​ഭി​ച്ച​താ​യി ഡോ. ​അ​ൽ ഹോ​ർ മാ​ധ്യ​മ​ങ്ങ​ളോ​ട് പ​റ​ഞ്ഞു. ഡി​സ്ട്രി​ക്ട് കൂ​ളി​ങ് പ്ലാ​ന്റു​ക​ളു​ടെ ഊ​ർ​ജ​പ്ര​ക​ട​നം വി​ശ​ക​ല​നം ചെ​യ്യു​ന്ന​തി​ന് ഇ​ത്ത​രം സോ​ഫ്റ്റ് വെ​യ​റു​ക​ളി​ലൊ​ന്നാ​യ അ​ർ​ക്കാ​ഡി​യ സ്യൂ​ട്ടാ​ണ് ഉ​പ​യോ​ഗി​ക്കു​ന്ന​ത്.

ഏ​താ​നും ദി​വ​സം മു​മ്പ് അ​മേ​രി​ക്ക​യി​ൽ പ്ര​വ​ർ​ത്ത​ന​മാ​രം​ഭി​ച്ച ഈ ​സോ​ഫ്റ്റ് വെ​യ​ർ ഖ​ത്ത​റി​ലെ 2000 പ​ദ്ധ​തി​ക​ളി​ൽ പ​രീ​ക്ഷി​ച്ച​താ​യും അ​തി​ന്റെ ഡേ​റ്റ​ബേ​സി​ൽ ലോ​ക​മെ​മ്പാ​ടു​മു​ള്ള 9000ത്തി​ല​ധി​കം ന​ഗ​ര​ങ്ങ​ളി​ലെ കാ​ലാ​വ​സ്ഥ വി​വ​ര​ങ്ങ​ൾ അ​ട​ങ്ങി​യി​രി​ക്കു​ന്നു​വെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

റെ​സി​ഡ​ൻ​ഷ്യ​ൽ, ക​മേ​ഴ്‌​സ്യ​ൽ കെ​ട്ടി​ട​ങ്ങ​ൾ, ആ​ശു​പ​ത്രി​ക​ൾ, മ​റ്റു കെ​ട്ടി​ട​ങ്ങ​ൾ തു​ട​ങ്ങി​യ ഡി​സ്ട്രി​ക്ട് കൂ​ളി​ങ് പ്ലാ​ന്റു​ക​ളി​ൽ​നി​ന്ന് വ്യ​ത്യ​സ്ത​മാ​യ കെ​ട്ടി​ട​ങ്ങ​ളു​ടെ ഊ​ർ​ജ പ്ര​ക​ട​നം വി​ല​യി​രു​ത്തു​ന്ന എ​ന​ർ​ജി​യ സ്യൂ​ട്ട് എ​ന്നൊ​രു സോ​ഫ്റ്റ് വെ​യ​ർ വ​രും ആ​ഴ്ച​ക​ളി​ൽ പു​റ​ത്തി​റ​ങ്ങു​മെ​ന്നും വി​ദ​ഗ്ധ​ർ വെ​ളി​പ്പെ​ടു​ത്തി.

പ്ര​മു​ഖ ആ​ഗോ​ള ടെ​ക് ക​മ്പ​നി​ക​ൾ​ക്ക് വേ​ദി​യൊ​രു​ക്കു​ന്ന​തി​ലും മെ​ന്റ​ർ​ഷി​പ് ന​ൽ​കു​ന്ന​തി​ലും രാ​ജ്യ​ത്തെ സ്റ്റാ​ർ​ട്ട​പ്പു​ക​ൾ​ക്കും ഉ​യ​ർ​ന്നു​വ​രു​ന്ന ടെ​ക് സം​രം​ഭ​ങ്ങ​ളു​ടെ​യും ഒ​രു ശൃം​ഖ​ല​യെ പി​ന്തു​ണ​ക്കു​ന്ന​തി​ലും ക്യു.​എ​സ്.​ടി.​പി പ​ങ്ക് ഉ​യ​ർ​ത്തി​ക്കാ​ട്ടി​യ എ​ക്‌​സി​ക്യൂ​ട്ടി​വ് ഡ​യ​റ​ക്ട​ർ യൂ​സു​ഫ് അ​ൽ സാ​ലി​ഹി, കാ​ർ​ബ​ൺ ഫൂ​ട്ട്പ്രി​ന്റു​ക​ൾ കു​റ​ക്കാ​ൻ സ​ഹാ​യി​ക്കു​ന്ന ഉ​ൽ​പ​ന്ന​ങ്ങ​ളെ ശാ​ക്തീ​ക​രി​ക്കാ​നും അ​വ​ക്ക് പി​ന്തു​ണ ന​ൽ​കാ​നും സ്ഥാ​പ​നം പ്ര​തി​ജ്ഞാ​ബ​ദ്ധ​മാ​ണെ​ന്നും പ​റ​ഞ്ഞു.