ഖുർആൻ സ്​റ്റഡി സെൻറർ 250ൽ പരം പഠിതാക്കൾ പരീക്ഷയെഴുതി

ദോഹ: ഖത്തറി​​െൻറ വിവിധ ഭാഗങ്ങളിൽ പ്രവർത്തിച്ചുവരുന്ന ഖുർആൻ സ്​റ്റഡി സ​െൻററുകളിലെ 250ൽ പരം പഠിതാക്കൾ ശാന്തിനികേതൻ ഇന്ത്യൻ സ്​കൂളിൽ വാർഷികപ്പരീക്ഷ എഴുതി. പ്രവാസി ഭൂമിയിലും വിശുദ്ധ ഖുർആൻ അർഥവും ആശയവും ഉൾക്കൊണ്ട്​ പഠിക്കാൻ അവസരമൊരുക്കി പതിനഞ്ചുവർഷത്തിലധികമായി വ്യവസ്​ഥിതമായി പ്രവർത്തിച്ചുവരുന്ന പഠന സംവിധാനമാണ്​ ഖുർആൻ സ്​റ്റഡി സ​െൻററുകൾ. വിവിധ തലങ്ങളിലായി 1  മുതൽ 13 വരെ ക്ലാസുകളിലായി മുന്നൂറോളം പഠിതാക്കൾ വിശുദ്ധ ഖുർആൻ പഠിച്ചുവരുന്നു.

പാണ്​ഡിത്യവും പരിശീലനവും സിദ്ധിച്ച അനുഭവ സമ്പന്നരായ അധ്യാപകരാണ്​ സ​െൻററുകളിൽ പഠിപ്പിക്കുന്നത്​. ഖത്തറി​​െൻറ വിവിധ ഭാഗങ്ങളിൽ എൺപതോളം സ​െൻററുകൾ പ്രവർത്തിച്ചുവരുന്നു. കോഴിക്കോട്​ ആസ്​ഥാനമായി പ്രവർത്തിക്കുന്ന വിദ്യാഭ്യാസ ഏജൻസിയായ മജ്​ലിസ്​ എജുക്കേഷൻ ട്രസ്​റ്റ്​ ഡയറകട്​ർ സുശീർ ഹസൻ, ശാന്തിനികേതൻ ഇന്ത്യൻ സ്​കൂൾ പ്രസിഡൻറ്​ കെ.സി. അബ്​ദുൽ ലത്തീഫ്​, എം.എസ്​.എ റസാഖ്​ എന്നിവർ പരീക്ഷാ സ​െൻറർ സന്ദർശിച്ചു. വാർഷികപ്പരീക്ഷക്ക്​ പി. മുഹമ്മദലി, അബ്​ദുൽ ഷുക്കൂർ, പി.കെ.ഒ പോക്കർ എന്നിവർ നേതൃത്വം നൽകി.