ഇ​ന്നു​മു​ത​ൽ റോ​ഡി​ൽ ജാ​ഗ്ര​​തൈ

ദോ​ഹ: ഇ​തു​വ​രെ​യു​ള്ള ശീ​ല​ങ്ങ​ളെ​ല്ലാം മാ​റ്റി​വെ​ച്ചേ​ക്കൂ... ഇ​ന്ന് മു​ത​ൽ ഡ്രൈ​വി​ങ്ങി​നി​ട​യി​ൽ ഫോ​ണി​ൽ തൊ​ട്ടു​ക​ളി​ച്ചാ​ൽ പോ​ക്ക​റ്റ് കാ​ലി​യാ​കു​മെ​ന്നു​റ​പ്പ്. തി​ര​ക്കേ​റി​യ റോ​ഡി​ലെ യാ​ത്ര​ക്കി​ട​യി​ൽ ഒ​രു കൈ​യി​ൽ ഫോ​ണും മ​റു​കൈ​യി​ൽ സ്റ്റി​യ​റി​ങ്ങു​മാ​യു​ള്ള അ​ഭ്യാ​സം ഇ​നി​യും ആ​വ​ർ​ത്തി​ച്ചാ​ൽ, വ​ഴി​യി​ലു​ട​നീ​ളം കാ​ത്തി​രി​ക്കു​ന്ന റ​ഡാ​ർ കാ​മ​റ​ക്ക​ണ്ണു​ക​ൾ നി​ങ്ങ​ളെ ഒ​പ്പി​യെ​ടു​ത്ത് പ​ണി​ത​രും. ആ​ഭ്യ​ന്ത​ര മ​ന്ത്രാ​ല​യ​ത്തി​നു കീ​ഴി​ലെ ജ​ന​റ​ൽ ഡ​യ​റ​ക്ട്രേ​റ്റ് ഓ​ഫ് ട്രാ​ഫി​ക് സ്ഥാ​പി​ച്ച റോ​ഡ് റ​ഡാ​ർ കാ​മ​റ​ക​ൾ ക​ണ്ടെ​ത്തു​ന്ന നി​യ​മ​ലം​ഘ​ന​ങ്ങ​ൾ​ക്ക് ഞാ​യ​റാ​ഴ്ച മു​ത​ൽ പി​ഴ​ചു​മ​ത്തി​ത്തു​ട​ങ്ങും. ​

ഡ്രൈ​വി​ങ്ങി​നി​ട​യി​ലെ മൊ​ബൈ​ൽ ഫോ​ൺ ഉ​പ​യോ​ഗം ഒ​ഴി​വാ​ക്കു​ക, സീ​റ്റ് ബെ​ൽ​റ്റ് അ​ണി​യു​ക തു​ട​ങ്ങി​യ നി​ർ​ദേ​ശ​ങ്ങ​ൾ പാ​ലി​ക്കു​ന്നു​വെ​ന്ന് ഉ​റ​പ്പാ​ക്കു​ന്ന​തി​​നു​വേ​ണ്ടി​യാ​ണ് ട്രാ​ഫി​ക് വി​ഭാ​ഗം രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ഓ​ട്ടോ​മേ​റ്റ​ഡ് റ​ഡാ​റു​ക​ൾ സ്ഥാ​പി​ച്ച​ത്.

ക​ഴി​ഞ്ഞ ഞാ​യ​റാ​ഴ്ച മു​ത​ൽ​ത​ന്നെ ഇ​വ പ്ര​വ​ർ​ത്ത​നം ആ​രം​ഭി​ച്ചി​രു​ന്നു​വെ​ങ്കി​ലും പി​ഴ ചു​മ​ത്തി​യി​രു​ന്നി​ല്ല. ആ​ദ്യ​ഘ​ട്ട​ത്തി​ൽ താ​ക്കീ​ത് എ​ന്ന​നി​ല​യി​ലാ​ണ് നി​യ​മ​ലം​ഘ​ന​ങ്ങ​ൾ രേ​ഖ​പ്പെ​ടു​ത്തി വാ​ഹ​ന ഉ​ട​മ​ക​ളെ അ​റി​യി​ച്ച​ത്.

ആ​ഗ​സ്റ്റ് 20നാ​യി​രു​ന്നു ട്രാ​ഫി​ക് വി​ഭാ​ഗം ഓ​ട്ടോ​മേ​റ്റ​ഡ് റ​ഡാ​ർ കാ​മ​റ​ക​ളു​ടെ പ്ര​വ​ർ​ത്ത​നം സം​ബ​ന്ധി​ച്ച് അ​റി​യി​പ്പ് പു​റ​ത്തു​വി​ട്ട​ത്. പി​ന്നാ​ലെ, സ​മൂ​ഹ​മാ​ധ്യ​മ പേ​ജു​ക​ൾ വ​ഴി​യും പ​ത്ര-​ദൃ​ശ്യ-​ശ്രാ​വ്യ മാ​ധ്യ​മ​ങ്ങ​ൾ വ​ഴി​യും അ​ധി​കൃ​ത​ർ പ്ര​ചാ​ര​ണം സ​ജീ​വ​മാ​ക്കി​യി​രു​ന്നു.

ക​ണ്ണു​തു​റ​ന്ന് ഓ​ട്ടോ​മേ​റ്റ​ഡ് റ​ഡാ​ർ

വാ​ഹ​ന​മോ​ടി​ക്കു​ന്ന​വ​രെ സൂ​ക്ഷ്​​മ​മാ​യി നി​രീ​ക്ഷി​ക്കു​ന്ന​തി​നു​ള്ള റ​ഡാ​ർ നി​രീ​ക്ഷ​ണ​സം​വി​ധാ​ന​ങ്ങ​ൾ രാ​ജ്യ​ത്തി​ന്റെ എ​ല്ലാ​യി​ട​ങ്ങ​ളി​ലും ഇ​തി​ന​കം ത​ന്നെ സ്ഥാ​പി​ച്ചു​ക​ഴി​ഞ്ഞു.

രാ​ത്രി​യി​ലും പ​ക​ൽ​വെ​ളി​ച്ച​ത്തി​ലും ഒ​രു​പോ​ലെ റോ​ഡി​ലെ നി​രീ​ക്ഷ​ണ​ത്തി​ന്​ ശേ​ഷി​യു​ള്ള കാ​മ​റ​ക​ളോ​ടെ​യാ​ണ്​ ​ഓ​​ട്ടോ​മേ​റ്റ​ഡ്​ റ​ഡാ​റു​ക​ൾ സ്ഥാ​പി​ച്ച​ത്.

വാ​ഹ​ന​ങ്ങ​ൾ​ക്കു​ള്ളി​ൽ ഡ്രൈ​വ​ർ​മാ​രു​ടെ ചെ​റി​യ നി​യ​മ​ലം​ഘ​ന​ങ്ങ​ൾ​പോ​ലും തി​രി​ച്ച​റി​യാ​നും ക​​ണ്ടെ​ത്താ​നും ക​ഴി​യു​ന്ന​ത​ര​ത്തി​ലാ​ണ്​ ഇ​വ സ്ഥാ​പി​ച്ചി​രി​ക്കു​ന്ന​ത്. ക​ഴി​ഞ്ഞ വ​ർ​ഷം ത​ന്നെ രാ​ജ്യ​ത്തി​ന്റെ വി​വി​ധ​ഭാ​ഗ​ങ്ങ​ളി​ൽ റോ​ഡു​ക​ളി​ൽ റ​ഡാ​റു​ക​ൾ സ്ഥാ​പി​ക്കു​ന്ന ന​ട​പ​ടി​ക​ൾ പൂ​ർ​ത്തി​യാ​ക്കി​യി​രു​ന്നു.

മൊ​ബൈ​ൽ, സീ​റ്റ്​ ബെ​ൽ​റ്റ്​ എ​ന്നി​വ​ക്ക്​ പു​റ​മെ അ​മി​ത വേ​ഗ​ത​യും ഇ​വ ക​ണ്ടെ​ത്തും. രാ​ത്രി​യി​ലും പ്ര​വ​ർ​ത്ത​ന​ക്ഷ​മ​മാ​വു​ന്ന സെ​ൻ​സ​റു​ക​ളോ​ടെ​യാ​ണ് റ​ഡാ​റു​ക​ൾ സ്ഥാ​പി​ച്ച​ത്. റോ​ഡി​ലെ ആ​റ്​ ട്രാ​ക്കു​ക​ളി​ലെ വ​രെ വാ​ഹ​ന​ങ്ങ​ളു​ടെ അ​തി​വേ​ഗ​ത​യു​ള്ള കു​തി​പ്പി​നി​ട​യി​ലും നി​യ​മ​ലം​ഘ​ന​ങ്ങ​ൾ പി​ടി​കൂ​ടാ​ൻ ശേ​ഷി​യു​ള്ള​താ​ണ്​ റ​ഡാ​ർ സെ​ൻ​സ​റു​ക​ൾ. ഡേ​റ്റ​ക​ൾ ത​ത്സ​മ​യം നാ​ഷ​ന​ൽ ക​മാ​ൻ​ഡ്​ സെൻറ​റി​ലേ​ക്ക്​ കൈ​മാ​റും.

ഫോണിൽ തൊടരുത്

ഡ്രൈ​വി​ങ്ങി​നി​ട​യി​ൽ ഫോ​ൺ ഉ​പ​യോ​ഗം തീ​രെ ഒ​ഴി​വാ​ക്കു​ക​യെ​ന്ന​താ​ണ് സു​ര​ക്ഷി​തം.

അ​തേ​സ​മ​യം, അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ സം​സാ​രി​ക്കാ​നും മ​റ്റും ഹെ​ഡ്ഫോ​ൺ സം​വി​ധാ​ന​ങ്ങ​ളോ, ലൗ​ഡ് സ്പീ​ക്ക​റോ ഉ​പ​യോ​ഗ​​പ്പെ​ടു​ത്താ​വു​ന്ന​താ​ണ്. ഇ​ത്ത​ര​ത്തി​ൽ ഫോ​ൺ ഉ​പ​യോ​ഗി​ക്കു​ന്ന​ത് ഡ്രൈ​വി​ങ്ങി​നി​ട​യി​ലെ ശ്ര​ദ്ധ​ക്കു​റ​വി​ന് കാ​ര​ണ​മാ​യേ​ക്കു​മെ​ന്ന​തി​നാ​ൽ ഈ ​ശീ​ല​വും ന​ല്ല​ത​ല്ല.

ഡ്രൈ​വി​ങ്ങി​നി​ടെ ഫോ​ണി​ൽ ഏ​ത് ത​ര​ത്തി​ലു​ള്ള സ്പ​ർ​ശ​ന​മു​ണ്ടാ​യാ​ലും റ​ഡാ​ർ സെ​ൻ​സ​റു​ക​ൾ തി​രി​ച്ച​റി​ഞ്ഞ് പി​ഴ​ചു​മ​ത്തും. നാ​വി​ഗേ​ഷ​നാ​യി ഫോ​ൺ ഉ​പ​യോ​ഗി​ക്കു​ന്ന​വ​ർ യാ​ത്ര തു​ട​ങ്ങും മു​മ്പ് ത​ന്നെ റൂ​ട്ട് സെ​റ്റ് ചെ​യ്ത് ഡാ​ഷ്ബോ​ർ​ഡ് ഹാ​ൻ​ഡി​ലി​ൽ സ്ഥാ​പി​ക്ക​ണം. ഡ്രൈ​വി​ങ്ങി​നി​ടെ തി​ര​ച്ചി​ലി​നോ ടൈ​പ് ചെ​യ്യു​ന്ന​തി​നോ ഫോ​ൺ എ​ടു​ക്കു​ന്ന​ത് ഒ​ഴി​വാ​ക്കാ​വു​ന്ന​താ​ണ്.

മൊ​ബൈ​ൽ ഫോ​ൺ; റോ​ഡി​ലെ കി​ല്ല​ർ

​റോ​ഡ് അ​പ​ക​ട​ങ്ങ​ളി​ലെ ഏ​റ്റ​വും പ്ര​ധാ​ന വി​ല്ല​നാ​ണ് മൊ​ബൈ​ൽ ഫോ​ൺ. രാ​ജ്യ​ത്തെ ഡ്രൈ​വ​ർ​മാ​രി​ൽ വ​ലി​യൊ​രു ശ​ത​മാ​ന​വും ​​വാ​ഹ​ന​മോ​ടി​ക്കു​ന്ന​തി​നി​ട​യി​ലെ മൊ​ബൈ​ൽ ഫോ​ൺ ഉ​പ​യോ​ഗം ശീ​ല​മാ​ണെ​ന്ന് ഖ​ത്ത​ർ ട്രാ​ൻ​സ്​​പോ​ർ​ട്ടേ​ഷ​ൻ ആ​ൻ​ഡ് ട്രാ​ഫി​ക് സേ​ഫ്റ്റി സെൻറ​ർ സ​ർ​വേ​യി​ലും വ്യ​ക്ത​മാ​ക്കു​ന്നു. 2022 മേ​യി​ലെ സ​ർ​വേ റി​പ്പോ​ർ​ട്ട് പ്ര​കാ​രം, അ​ഞ്ചി​ൽ ഒ​രാ​ൾ വീ​തം മൊ​ബൈ​ൽ ഫോ​ൺ ഉ​പ​യോ​ഗി​ക്കു​ന്നു.

സ​ർ​വേ​യി​ൽ പ​​ങ്കെ​ടു​ത്ത 256ൽ 13 ​ശ​ത​മാ​നം മാ​ത്ര​മാ​യി​രു​ന്നു അ​വ​സാ​ന 10 ​ഡ്രൈ​വി​ങ്​ ട്രി​പ്പി​നി​ടെ ഒ​രി​ക്ക​ൽ പോ​ലും ഫോ​ൺ ഉ​പ​യോ​ഗി​ച്ചി​ല്ലെ​ന്ന്​ പ്ര​തി​ക​രി​ച്ച​ത്.

ബാ​ക്കി മു​ഴു​വ​ൻ പേ​രും ഒ​ന്നോ അ​തി​ല​ധി​ക​മോ ത​വ​ണ ഫോ​ൺ ഉ​പ​യോ​ഗി​ച്ച​താ​യി വെ​ളി​പ്പെ​ടു​ത്തി​യ​ത് അ​ല​സ​മാ​യ ഡ്രൈ​വി​ങ്ങി​ലേ​ക്കാ​യി​രു​ന്നു വി​ര​ൽ​ചൂ​ണ്ടി​യ​ത്. ലോ​കാ​രോ​ഗ്യ സം​ഘ​ട​ന​യു​ടെ (ഡ​ബ്ല്യൂ.​എ​ച്ച്.​ഒ) ക​ണ​ക്ക​നു​സ​രി​ച്ച്, മൊ​ബൈ​ൽ ഫോ​ൺ ഉ​പ​യോ​ഗി​ക്കു​ന്ന ഡ്രൈ​വ​ർ​മാ​ർ അ​ല്ലാ​ത്ത ഡ്രൈ​വ​ർ​മാ​രെ അ​പേ​ക്ഷി​ച്ച് അ​പ​ക​ട​ത്തി​ൽ​പെ​ടാ​നു​ള്ള സാ​ധ്യ​ത നാ​ലി​ര​ട്ടി കൂ​ടു​ത​ലാ​ണ്.

പി​ഴ 500

ഫോ​ൺ കൈ​യി​ലെ​ടു​ക്ക​ണ​മെ​ന്നി​ല്ല, ഡാ​ഷ് ബോ​ർ​ഡി​ൽ സ്ഥാ​പി​ച്ച ഫോ​ണി​ൽ ഒ​ന്ന് തൊ​ട്ടാ​ലും റ​ഡാ​ർ നി​ങ്ങ​ളെ പി​ടി​കൂ​ടും. 500 റി​യാ​ലാ​ണ് മൊ​ബൈ​ൽ ഫോ​ൺ ഉ​പ​യോ​ഗ​ത്തി​നും സീ​റ്റ് ബെ​ൽ​റ്റി​ലെ വീ​ഴ്ച​ക്കും പി​ഴ​യാ​യി ചു​മ​ത്തു​ന്ന​ത്. ​

ട്രാ​ഫി​ക് നി​യ​മം ആ​ർ​ട്ടി​ക്കി​ൾ 55 പ്ര​കാ​രം മൊ​ബൈ​ൽ ഫോ​ണോ മ​റ്റേ​തെ​ങ്കി​ലും ഉ​പ​ക​ര​ണ​മോ കൈ​യി​ൽ പി​ടി​ക്കു​ക​യോ സ്​​ക്രീ​നി​ൽ കാ​ഴ്​​ച​കാ​ണു​ന്ന തി​ര​ക്കി​ലാ​യി​രി​ക്കു​ക​യോ ചെ​യ്യു​ന്ന​ത്​ കു​റ്റ​ക​ര​മാ​ണ്. 500 റി​യാ​ലാ​ണ്​ പി​ഴ. 10 വ​യ​സ്സി​ന് താ​ഴെ പ്രാ​യ​മു​ള്ള കു​ട്ടി​ക​ളെ മു​ൻ​സീ​റ്റി​ൽ ഇ​രു​ത്തു​ന്ന​തി​നും പി​ഴ ഈ​ടാ​ക്കും.

മു​ൻ​സീ​റ്റി​ലെ യാ​ത്ര​ക്കാ​ര​നും സീ​റ്റ് ബെ​ൽ​റ്റ് നി​ർ​ബ​ന്ധ​മാ​ണ്. ഓ​ർ​ക്കു​ക, സീ​റ്റ് ബെ​ൽ​റ്റ് യാ​ത്ര​ക്കാ​ര​ന്റെ സു​ര​ക്ഷ​യി​ൽ അ​തി​പ്ര​ധാ​ന​വു​മാ​ണ്. പി​ഴ സം​ബ​ന്ധി​ച്ച അ​റി​യി​പ്പു​ക​ൾ ചി​ത്ര​ങ്ങ​ൾ സ​ഹി​തം മെ​ട്രാ​ഷ് ആ​പ്ലി​ക്കേ​ഷ​നി​ൽ ല​ഭി​ക്കു​ന്ന​താ​ണ്.