ചൂടിനിടയിൽ ആശ്വാസ മഴ; ഖത്തറിന്റെ വിവിധ ഭാഗങ്ങളിൽ വെ​ള്ളി​യാ​ഴ്ച വൈകുന്നേരത്തോടെ മഴയെത്തി

ദോഹ: വി​യ​ർ​ത്തൊ​ലി​ക്കു​ന്ന ഹ്യു​മി​ഡി​റ്റി​ക്കും എ​രി​പൊ​രി കൊ​ള്ളി​ക്കു​ന്ന ചൂ​ടി​നു​മി​ട​യി​ൽ ഖ​ത്ത​റി​ന്റെ ചി​ല​യി​ട​ങ്ങ​ളി​ൽ ആ​ശ്വാ​സ​മാ​യി മ​ഴ​യെ​ത്തി. വെ​ള്ളി​യാ​ഴ്ച വൈ​കീ​ട്ടോ​ടെ​യാ​യി​രു​ന്നു ഖ​ത്ത​റി​ന്റെ വ​ട​ക്ക്, തെ​ക്ക്, മ​ധ്യ​ഭാ​ഗ​ങ്ങ​ളി​ലാ​യി പ​ല​യി​ട​ങ്ങ​ളി​ലും കാ​റ്റോ​ടു​കൂ​ടി​യ മ​ഴ​യെ​ത്തി​യ​ത്.

വെ​ള്ളി​യാ​ഴ്ച ഉ​ച്ച​ക​ഴി​ഞ്ഞ​പ്പോ​ൾ ത​ന്നെ പ​ല​യി​ട​ങ്ങ​ളി​ലും മ​ഴ​ക്കോ​ളു​ക​ൾ പ്ര​ത്യ​ക്ഷ​പ്പെ​ട്ടി​രു​ന്നു. അ​ന്ത​രീ​ക്ഷം മൂ​ടി, മേ​ഘാ​വൃ​ത​മാ​യ സാ​ഹ​ച​ര്യം. തു​ട​ർ​ന്ന് നാ​ലു മ​ണി​ക്കു ശേ​ഷ​മാ​ണ് പ​ല​യി​ട​ങ്ങ​ളി​ലും ചു​ട്ടു​പൊ​ള്ളു​ന്ന മ​ണ്ണി​നെ ത​ണു​പ്പി​ച്ച് മ​ഴ​യെ​ത്തി​യ​ത്. അ​തേ​സ​മ​യം, ദോ​ഹ​യി​ലൊ​ന്നും മ​ഴ പെ​യ്തി​ല്ല. ​എ​ന്നാ​ൽ, ചൂ​ടി​നും ഹ്യു​മി​ഡി​റ്റി​ക്കും ഒ​ട്ടും കു​റ​വു​മി​ല്ലാ​യി​രു​ന്നു. മി​കൈ​നീ​സ്, അ​ൽ ക​റാ​ന എ​ന്നി​വി​ട​ങ്ങ​ളി​ലാ​ണ് ഏ​റ്റ​വും കൂ​ടു​ത​ൽ മ​ഴ​യെ​ത്തി​യ​തെ​ന്ന് ഖ​ത്ത​ർ കാ​ലാ​വ​സ്ഥ കേ​ന്ദ്രം അ​റി​യി​ച്ചു. 16 മി​ല്ലി​മീ​റ്റ​ർ വ​രെ​യാ​യി​രു​ന്നു ഇ​വി​ടെ മ​ഴ​പെ​യ്ത​ത്.

അ​ൽ ഷ​ഹാ​നി​യ, റൗ​ദ​ത് റാ​ഷി​ദ്, മി​കൈ​നീ​സ്, മു​ർ​റ തു​ട​ങ്ങി പ​ല​യി​ട​ങ്ങ​ളി​ലും മ​ഴ ല​ഭി​ച്ചു. സ​മൂ​ഹ മാ​ധ്യ​മ​ങ്ങ​ളി​ലും മ​റ്റും മ​ഴ​ച്ചി​ത്ര​ങ്ങ​ളും വി​ഡി​യോ​ക​ളും പ​ങ്കു​വെ​ച്ചാ​ണ് സ്വ​ദേ​ശി​ക​ളും വി​ദേ​ശി​ക​ളും ചൂ​ടി​നി​ട​യി​ൽ വി​രു​ന്നെ​ത്തി​യ മ​ഴ​യെ വ​ര​വേ​റ്റ​ത്. വൈ​കു​ന്നേ​ര​ത്തോ​ടെ റോ​ഡും മ​ണ്ണും ന​ന്നാ​യി ന​ന​ക്കു​ന്ന രീ​തി​യി​ൽ ശ​ക്ത​മാ​യി ത​ന്നെ മ​ഴ പെ​യ്ത​താ​യി ​ഖ​ത്ത​റി​ലെ കേ​ര​ള റെ​യി​ൻ ഫോ​ർ​കാ​സ്റ്റ​ർ ഗ്രൂ​പ് അം​ഗം കൂ​ടി​യാ​യ ഒ​റ്റ​പ്പാ​ലം സ്വ​ദേ​ശി മു​ഹ​മ്മ​ദ് റ​ഹീ​സ് പ​റ​ഞ്ഞു.

ശ​നി​യാ​ഴ്ച​യും മ​ഴ​ക്കു സാ​ധ്യ​ത​യു​ണ്ടെ​ന്ന് ഖ​ത്ത​ർ കാ​ലാ​വ​സ്ഥ വി​ഭാ​ഗം അ​റി​യി​ച്ചു. കാ​ലാ​വ​സ്ഥ മാ​റ്റ​ത്തി​ന്റെ സൂ​ച​ന​യാ​യി അ​ൽ കി​ലൈ​ബി​ൻ ന​ക്ഷ​ത്രം ഉ​ദി​ച്ച​താ​യി കാ​ലാ​വ​സ്ഥ വി​ദ​ഗ്ധ​ർ ക​ഴി​ഞ്ഞ ദി​വ​സം സൂ​ച​ന ന​ൽ​കി​യി​രു​ന്നു. വേ​ന​ൽ​ക്കാ​ല സീ​സ​ണി​ലെ അ​വ​സാ​ന ന​ക്ഷ​ത്ര​ങ്ങ​ളി​ൽ ഒ​ന്നാ​യാ​ണ് ഇ​വ അ​റി​യ​പ്പെ​ടു​ന്ന​ത്. ഈ ​വേ​ള​യി​ൽ ചൂ​ടും ഹ്യു​മി​ഡി​റ്റി​യും കൂ​ടു​ന്ന​ത് കാ​ലാ​വ​സ്ഥ മാ​റ്റ​ത്തി​ന്റെ സൂ​ച​ന​യു​മാ​വും.

ഏ​താ​നും ദി​വ​സം​കൂ​ടി ചൂ​ട് തു​ട​ർ​ന്ന​ശേ​ഷം, പി​ന്നീ​ട് കു​റ​ഞ്ഞു​വ​രു​മെ​ന്നും ഖ​ത്ത​ർ ക​ല​ണ്ട​ർ ഹൗ​സ് ​​ജ്യോ​തി​ശാ​സ്ത്ര​കാ​ര​ൻ ഡോ. ​ബാ​ഷി​ർ മ​ർ​സൂ​ഖ് പ​റ​ഞ്ഞു.