സാഹോദര്യവും മാനവികതയും വിളംബരം ചെയ്ത് റമദാൻ മീറ്റ്

ദോ​ഹ: സാ​ഹോ​ദ​ര്യ​ത്തി​ന്റെ​യും പ​ര​സ്പ​ര സ​ഹ​വ​ർ​ത്തി​ത്വ​ത്തി​ന്റെ​യും വി​ളം​ബ​ര വേ​ദി​യാ​യി ദോ​ഹ റ​മ​ദാ​ൻ മീ​റ്റ്. പ​ര​സ്പ​ര ബ​ഹു​മാ​ന​വും സ​ഹി​ഷ്ണു​ത​യും കൈ​മു​ത​ലാ​ക്കി മാ​ന​വി​ക​ത​ക്ക് വേ​ണ്ടി നി​ല​കൊ​ള്ള​ണ​മെ​ന്നും വ​ർ​ധി​ച്ചു​വ​രു​ന്ന ഇ​സ്‍ലാ​മോ​ഫോ​ബി​യ​യെ​യും വി​ദ്വേ​ഷ പ്ര​ചാ​ര​ണ​ങ്ങ​ളെ​യും ഒ​റ്റ​ക്കെ​ട്ടാ​യി ചെ​റു​ത്ത് പ​രാ​ജ​യ​പ്പെ​ടു​ത്ത​ണ​മെ​ന്നും ദോ​ഹ റ​മ​ദാ​ൻ മീ​റ്റ് ആ​ഹ്വാ​നം ചെ​യ്തു.

ദോ​ഹ അ​ന്താ​രാ​ഷ്ട്ര മ​താ​ന്ത​ര സം​വാ​ദ​കേ​ന്ദ്ര​വു​മാ​യി സ​ഹ​ക​രി​ച്ച് യൂ​ത്ത് ഫോ​റം ഖ​ത്ത​ർ സം​ഘ​ടി​പ്പി​ച്ച ദോ​ഹ റ​മ​ദാ​ൻ മീ​റ്റ് ഡി.​ഐ.​സി.​ഐ.​ഡി മേ​ധാ​വി മു​ഹ​മ്മ​ദ് അ​ൽ ഗാ​മി​ദി ഉ​ദ്ഘാ​ട​നം ചെ​യ്തു. വ്യ​ത്യ​സ്ത​മാ​യ സം​സ്‌​കാ​ര​ങ്ങ​ളി​ലും നാ​ഗ​രി​ക​ത​ക​ളി​ലും വ​ള​ർ​ന്നു​വ​രു​ന്ന ന​മു​ക്കി​ട​യി​ൽ സ​മാ​ധാ​ന​വും സ്‌​നേ​ഹ​വും പ​ര​സ്പ​ര ധാ​ര​ണ​യും കെ​ട്ടി​പ്പ​ടു​ക്കാ​നു​ള്ള വ​ലി​യ അ​വ​സ​ര​ങ്ങ​ളാ​ണ് ഇ​ത്ത​രം ഇ​ഫ്താ​ർ സം​ഗ​മ​ങ്ങ​ളെ​ന്ന് മു​ഹ​മ്മ​ദ് അ​ൽ ഗാ​മി​ദി പ​റ​ഞ്ഞു.

ക​ഴി​ഞ്ഞ ദി​വ​സം അ​ന്ത​രി​ച്ച ഖ​ത്ത​ർ ചാ​രി​റ്റി​യി​ലെ ദീ​ർ​ഘ​കാ​ല ജീ​വ​ന​ക്കാ​ര​നാ​യി​രു​ന്ന കെ.​സി. അ​ബ്ദു​ർ​റ​ഹ്മാ​നെ അ​നു​സ്മ​രി​ച്ചു​കൊ​ണ്ടാ​ണ് അ​ൽ ഗാ​മി​ദി സം​സാ​രം ആ​രം​ഭി​ച്ച​ത്. എ​ല്ലാ മേ​ഖ​ല​യി​ലും നി​റ​ഞ്ഞു​നി​ൽ​ക്കു​ന്ന ഇ​ന്ത്യ​ൻ ക​മ്യൂ​ണി​റ്റി​യു​മാ​യു​ള്ള ഖ​ത്ത​റി​ന്റെ ബ​ന്ധം വ​ർ​ഷ​ങ്ങ​ളു​ടെ പ​ഴ​ക്ക​മു​ള്ള​താ​ണെ​ന്നും ഇ​ന്ത്യ​ൻ സ​മൂ​ഹ​ത്തി​ന് വേ​ണ്ടി പ​രി​പാ​ടി സം​ഘ​ടി​പ്പി​ച്ച യൂ​ത്ത് ഫോ​റം ഖ​ത്ത​റി​ന് ന​ന്ദി​യും അ​ഭി​ന​ന്ദ​ന​ങ്ങ​ളും നേ​രു​ന്നു​വെ​ന്നും അ​ദ്ദേ​ഹം വ്യ​ക്ത​മാ​ക്കി.

മാ​നു​ഷി​ക പ്ര​ശ്‌​ന​ങ്ങ​ളി​ൽ ശ്ര​ദ്ധ ചെ​ലു​ത്തു​ക​യും നാം ​ജീ​വി​ക്കു​ന്ന സ​മൂ​ഹ​ത്തി​ന്റെ വ​ള​ർ​ച്ച​യി​ൽ ശ്ര​ദ്ധ ചെ​ലു​ത്തേ​ണ്ട​തും സ​മൂ​ഹ​ത്തി​ലെ ഓ​രോ വ്യ​ക്തി​യു​ടെ​യും ഉ​ത്ത​ര​വാ​ദി​ത്ത​മാ​ണെ​ന്ന് സം​ഗ​മ​ത്തി​ന് ആ​ശം​സ നേ​ർ​ന്നു​കൊ​ണ്ട് ഖ​ത്ത​ർ ചാ​രി​റ്റി ലോ​ക്ക​ൽ പ്രോ​ജ​ക്ട്‌​സ് ഡി​പ്പാ​ർ​ട്ട്‌​മെ​ന്റ് മേ​ധാ​വി ഫ​രീ​ദ് ഖ​ലീ​ൽ അ​ൽ സി​ദ്ദീ​ഖി പ​റ​ഞ്ഞു.

ക്രി​സ്റ്റ്യ​ൻ ഇ​ൻ​സ്റ്റി​റ്റ്യൂ​ട്ട് ഫോ​ർ ദി ​സ്റ്റ​ഡി ഓ​ഫ് റി​ലീ​ജ്യ​ൻ ആ​ൻ​ഡ് സൊ​സൈ​റ്റി ത​ല​വ​ൻ ഡോ. ​വൈ.​ടി. വി​ന​യ​രാ​ജ് സം​ഗ​മ​ത്തി​ൽ മു​ഖ്യ പ്ര​ഭാ​ഷ​ണം നി​ർ​വ​ഹി​ച്ചു.

യു​ദ്ധ​വും സം​ഘ​ട്ട​ന​ങ്ങ​ളും ഭി​ന്ന​ത​ക​ളും വെ​റു​പ്പി​ന്റെ പ്ര​ത്യ​യ​ശാ​സ്ത്ര​ങ്ങ​ളും ഇ​സ്‍ലാ​മോ​ഫോ​ബി​യ​യും അ​ട​ക്കി​വാ​ഴു​ന്ന ഒ​രു കാ​ല​ഘ​ട്ട​ത്തി​ലൂ​ടെ​യാ​ണ് സ​മൂ​ഹം നീ​ങ്ങി​ക്കൊ​ണ്ടി​രി​ക്കു​ന്ന​തെ​ന്നും, സ്‌​നേ​ഹ​ത്തി​ന്റെ​യും സ​ഹ​വ​ർ​ത്തി​ത്വ​ത്തി​ന്റെ​യും സ​ഹി​ഷ്ണു​ത​യു​ടെ​യും പ്ര​ചാ​ര​ക​രാ​യി അ​വ​യെ​യെ​ല്ലാം നാം ​ചെ​റു​ക്ക​ണ​മെ​ന്ന് ഡോ. ​വൈ.​ടി. വി​ന​യ​രാ​ജ് പ​റ​ഞ്ഞു.

‘ഏ​റെ വി​ഷ​മ​ത്തോ​ടെ​യാ​ണ് ഇ​വി​ടെ നി​ങ്ങ​ൾ​ക്ക് മു​ന്നി​ൽ എ​ഴു​ന്നേ​റ്റ് നി​ൽ​ക്കു​ന്ന​ത്. ഗ​സ്സ​യി​ൽ ന​മ്മു​ടെ സ​ഹോ​ദ​ര​ന്മാ​ർ ക​ടു​ത്ത അ​തി​ക്ര​മ​ങ്ങ​ൾ​ക്ക് വി​ധേ​യ​രാ​യി​ക്കൊ​ണ്ടി​രി​ക്കു​ക​യാ​ണ്. പ​തി​നാ​യി​ര​ക്ക​ണ​ക്കി​ന് നി​ര​പ​രാ​ധി​ക​ൾ ഗ​സ്സ​യി​ൽ ഇ​സ്രാ​യേ​ൽ ആ​ക്ര​മ​ണ​ത്തി​ൽ കൊ​ല്ല​പ്പെ​ടു​ന്നു.

ഗ​സ്സ ഒ​രു ദു​ര​ന്ത​ഭൂ​മി​യാ​യി മാ​റി​യി​രി​ക്ക​യാ​ണ്. വി​ദ്വേ​ഷ​ത്തി​ന്റെ​യും വെ​റു​പ്പി​ന്റെ​യും വാ​ഹ​ക​രാ​യ സം​ഘ്പ​രി​വാ​ര​ത്തെ ചെ​റു​ക്കേ​ണ്ട​ത് കാ​ല​ഘ​ട്ട​ത്തി​ന്റെ ആ​വ​ശ്യ​ക​ത​യാ​ണ്. ഇ​ത്ത​രം ദു​ശ്ശ​ക്തി​ക​ൾ​ക്ക് യു​വാ​ക്ക​ൾ ചെ​വി​കൊ​ടു​ക്ക​രു​ത്’-​ഡോ. വൈ.​ടി. വി​ന​യ​രാ​ജ് ചൂ​ണ്ടി​ക്കാ​ട്ടി.

യൂ​ത്ത് ഫോ​റം ഖ​ത്ത​ർ സം​ഘ​ടി​പ്പി​ച്ച ദോ​ഹ റ​മ​ദാ​ൻ മീ​റ്റി​ന്റെ ഭാ​ഗ​മാ​കാ​ൻ സാ​ധി​ച്ച​തി​ൽ ഏ​റെ സ​ന്തോ​ഷ​മു​ണ്ടെ​ന്ന് സ​ദ​സ്സി​നെ അ​ഭി​സം​ബോ​ധ​ന ചെ​യ്ത് സം​സാ​രി​ച്ച ജ​മാ​അ​ത്തെ ഇ​സ്‍ലാ​മി ഹി​ന്ദ് ദേ​ശീ​യ പ്ര​തി​നി​ധി​സ​ഭാം​ഗം ഡോ. ​ന​ഹാ​സ് മാ​ള പ​റ​ഞ്ഞു. ജ​ന​ങ്ങ​ൾ​ക്കി​ട​യി​ൽ വെ​റു​പ്പി​ന്റെ ആ​ഴം കൂ​ടി​വ​രു​ക​യാ​ണെ​ന്നും മൃ​ഗ​ങ്ങ​ളെ പോ​ലും മ​ത​ങ്ങ​ളു​ടേ​താ​ക്കി വി​ഭ​ജി​ക്ക​പ്പെ​ട്ട കാ​ല​ത്താ​ണ് നാ​മു​ള്ള​തെ​ന്നും സ​ഹി​ഷ്ണു​ത​യും സാ​ഹോ​ദ​ര്യ​വും​കൊ​ണ്ട് ഇ​തി​നെ​യെ​ല്ലാം ചെ​റു​ക്ക​ണ​മെ​ന്നും ഡോ. ​ന​ഹാ​സ് കൂ​ട്ടി​ച്ചേ​ർ​ത്തു.

യൂ​ത്ത് ഫോ​റം ര​ക്ഷാ​ധി​കാ​രി​യും സി.​ഐ.​സി പ്ര​സി​ഡ​ന്റു​മാ​യ ടി.​കെ. ഖാ​സിം ആ​ശം​സ​ക​ള​ർ​പ്പി​ച്ചു. യൂ​ത്ത് ഫോ​റം പ്ര​സി​ഡ​ന്റ് ബി​ൻ​ഷാ​ദ് പു​ന​ത്തി​ൽ അ​ധ്യ​ക്ഷ​ത വ​ഹി​ച്ചു. കേ​ന്ദ്ര നി​ർ​വാ​ഹ​ക സ​മി​തി അം​ഗം എം.​ഐ. അ​സ്ലം തൗ​ഫീ​ഖ് സ്വാ​ഗ​ത​വും ജ​ന​റ​ൽ സെ​ക്ര​ട്ട​റി ഹ​ബീ​ബ് റ​ഹ്‌​മാ​ൻ ന​ന്ദി​യും പ​റ​ഞ്ഞു.