റയൽ മഡ്രിഡ്​ ഖത്തറിൽ കളിക്കാനെത്തുന്നു

ദോഹ: യൂറോപ്യൻ ക്ലബ്​ ചാമ്പ്യന്മാരായ റയൽ മഡ്രിഡ്​ ഖത്തറിൽ പന്തുതട്ടാനെത്തുന്നു. പ്രഥമ ഫിഫ ഇൻറർകോണ്ടിനെന്റൽ കപ്പ്​ ഫുട്​ബാളിന്റെ അവസാന ഘട്ട മത്സരങ്ങളുടെ വേദിയായി ഖത്തറിനെ തെരഞ്ഞെടുത്തതോടെയാണ്​ കിലിയൻ എംബാപ്പെയും റോ​ഡ്രിഗോയും ലൂകാ മോഡ്രിചുമെല്ലാം കളിക്കുന്ന റയൽ മഡ്രിഡിന്റെ മത്സരത്തിന്​ വേദിയാകാനുള്ള അവസരം ലഭിച്ചത്​. ഡിസംബർ 18ന്​ ഖത്തർ ദേശീയ ദിനത്തിലാണ്​​ ഫിഫ ഇൻറർകോണ്ടിനെന്റൽ കപ്പ്​ ഫൈനൽ.

യുവേഫ ചാമ്പ്യൻസ് ലീഗ്​ ജേതാക്കളായ റയൽ മഡ്രിഡ്​ ​നേരിട്ട്​ ​ഫൈനൽ പ്രവേശനം ലഭിച്ചാണ്​ ഖത്തറിലെത്തുന്നത്​. ​േപ്ല ​ ഓഫിലെ രണ്ടു മത്സരങ്ങൾക്കും ഖത്തർ വേദിയാകും. ഡിസംബർ 11നും 14നുമാണ്​ ​േപ്ല ഓഫ്​ മത്സരങ്ങൾ. ഈ കളിയിലെ വിജയികളാകും ഫൈനലിൽ റയലിന്റെ എതിരാളികൾ.

2022 ലോകകപ്പ്​ ഫൈനലിൽ ഫ്രഞ്ചു കുപ്പായത്തിൽ കിലിയൻ എംബാപ്പെ കളിച്ച അതേ ദിവസം തന്നെ മറ്റൊരു കിരീടപ്പോരാട്ടത്തിൽ താരം ഖത്തറിൽ കളിക്കുന്നുവെന്ന പ്രത്യേകതയുമുണ്ട്​.