ശൂറാ കൗൺസിൽ അംഗങ്ങൾക്ക്​ അമീറി‍െൻറ സ്വീകരണം

ദോഹ: ​​ശൂറാകൗൺസിലി‍െൻറ 50ാമത്​ സെഷ​െൻറ ആദ്യ സമ്മേളനത്തിനു പിന്നാലെ അംഗങ്ങൾക്ക്​ അമീർ ശൈഖ്​ തമീം ബിൻ ഹമദ്​ ആൽഥാനിയുടെ സ്വീകരണം. അമിരി ദീവാനിൽ വ്യാഴാഴ്​ച രാവിലെയായിരുന്നു സ്​പീക്കർ, ഡെപ്യൂട്ടി സ്​​പീക്കർ മറ്റു അംഗങ്ങൾ തുടങ്ങിയവരെ അമീർ സ്വീകരിച്ചത്​. വിശാലമായ ഹാളിൽ കൂടിക്കാഴ്​ച നടത്തിയ അമീർ പുതിയ അംഗങ്ങളെ അഭിനന്ദിച്ചു. രാജ്യത്തെ ഏറ്റവും മികച്ച രീതിയിൽ തന്നെ സേവിക്കാനും, പൗരന്മാരുടെയും രാജ്യത്തി‍െൻറയും വികസനത്തിൽ ​​​ക്രിയാത്​മക പങ്കു വഹിക്കാനും അംഗങ്ങൾക്ക്​ കഴിയ​ട്ടേ എന്ന്​ ആശംസിക്കുകയും ചെയ്​തു. ജനാധിപത്യ വോ​ട്ടെടുപ്പിലൂടെ തെരഞ്ഞെടുക്കപ്പെട്ട ആദ്യ ശൂറ കൗൺസിലി‍െൻറ ഉദ്​ഘാടന സെഷൻ ചൊവ്വാഴ്​ചയായിരുന്നു നടന്നത്​. അമീറി‍െൻറ ഉദ്​ഘാടന പ്രസംഗം ഏറെ ശ്രദ്ധിക്കപ്പെട്ടിരുന്നു. മന്ത്രിമാരും വിവിധ രാഷ്​ട്ര പ്രതിനിധികളും പ്രസംഗത്തെ അഭിനന്ദിച്ചു.അമിരി ദീവാനിലെ സ്വീകരണത്തിന്​ സ്​പീക്കർ ഹസൻ ബിൻ അബ്​ദുല്ല അൽ ഗാനിം അൽ മആദീദ്​ നന്ദി പറഞ്ഞു. ചടങ്ങിൽ ഡെപ്യൂട്ടി അമീർ ശൈഖ്​ അബ്​ദുല്ല ബിൻ ഹമദ്​ ആൽഥാനി, പ്രധാനമന്ത്രിയും ആഭ്യന്തര മന്ത്രിയുമായ ശൈഖ്​ ഖാലിദ്​ ബിൻ ഖലീഫ ബിൻ അബ്​ദുൽ അസീസ്​ ആൽഥാനി എന്നിവർ പ​ങ്കെടുത്തു.