വാ​ഹ​ന​ങ്ങ​ളു​ടെ ര​ജി​സ്ട്രേ​ഷ​നി​ൽ വ​ർ​ധ​ന

ദോ​ഹ: രാ​ജ്യ​ത്ത് സ്വ​കാ​ര്യ വാ​ഹ​ന​ങ്ങ​ളു​ടെ ര​ജി​സ്ട്രേ​ഷ​നി​ൽ പ്ര​തി​വ​ർ​ഷം 2.9 ശ​ത​മാ​നം വ​ർ​ധ​ന. ദേ​ശീ​യ ആ​സൂ​ത്ര​ണ കൗ​ൺ​സി​ൽ പു​റ​ത്തു​വി​ട്ട ക​ണ​ക്കു​പ്ര​കാ​രം ട്രെ​യി​ല​റു​ക​ൾ, മോ​ട്ടോ​ർ സൈ​ക്കി​ളു​ക​ൾ, ഭാ​ര​വാ​ഹ​ന​ങ്ങ​ൾ, സ്വ​കാ​ര്യ വാ​ഹ​ന​ങ്ങ​ൾ എ​ന്നി​വ​യി​ലെ​ല്ലാം വ​ള​ർ​ച്ച റി​പ്പോ​ർ​ട്ട് ചെ​യ്തു. ക​ഴി​ഞ്ഞ ഏ​പ്രി​ലി​ൽ 7011 പു​തി​യ വാ​ഹ​ന​ങ്ങ​ളാ​ണ് ര​ജി​സ്റ്റ​ർ ചെ​യ്ത​ത്. ഏ​പ്രി​ലി​ൽ 6188 ഡ്രൈ​വി​ങ് ലൈ​സ​ൻ​സ് അ​നു​വ​ദി​ച്ചു. ഇ​തി​ൽ 4,916 എ​ണ്ണം വി​ദേ​ശ പു​രു​ഷ​ന്മാ​ർ​ക്കാ​ണ്.

വി​ദേ​ശ സ്ത്രീ​ക​ൾ​ക്ക് 892 ലൈ​സ​ൻ​സും ഖ​ത്ത​രി പു​രു​ഷ​ന്മാ​ർ​ക്ക് 275 എ​ണ്ണ​വും ഖ​ത്ത​രി സ്ത്രീ​ക​ൾ​ക്ക് 105 എ​ണ്ണ​വു​മാ​ണ് അ​നു​വ​ദി​ച്ച​ത്. ഏ​പ്രി​ലി​ൽ 43 ട്രെ​യി​ല​റു​ക​ൾ ര​ജി​സ്റ്റ​ർ ചെ​യ്തു. ക​ഴി​ഞ്ഞ വ​ർ​ഷം ഇ​തേ കാ​ല​യ​ള​വു​മാ​യി താ​ര​ത​മ്യം ചെ​യ്യു​മ്പോ​ൾ 186 ശ​ത​മാ​നം വ​ർ​ധ​ന. മോ​ട്ടോ​ർ സൈ​ക്കി​ൾ ര​ജി​സ്ട്രേ​ഷ​ൻ 185 ആ​ണ് (28.5 ശ​ത​മാ​നം വ​ള​ർ​ച്ച). സ്വ​കാ​ര്യ വാ​ഹ​ന ര​ജി​സ്ട്രേ​ഷ​ൻ 9.9 ശ​ത​മാ​നം വ​ർ​ധി​ച്ചു. ഈ ​വ​ർ​ഷം ഏ​പ്രി​ലി​ൽ 5642 എ​ണ്ണം ര​ജി​സ്റ്റ​ർ ചെ​യ്തു. 951 ട്രാ​ൻ​സ്​​പോ​ർ​ട്ട് വാ​ഹ​ന​ങ്ങ​ൾ ര​ജി​സ്റ്റ​ർ ചെ​യ്ത​പ്പോ​ൾ വ​ള​ർ​ച്ച 6.1 ശ​ത​മാ​ന​മാ​ണ്. അ​തേ​സ​മ​യം, 2024 മാ​ർ​ച്ചു​മാ​യി താ​ര​ത​മ്യം ചെ​യ്യു​മ്പോ​ൾ ഏ​പ്രി​ലി​ൽ വാ​ഹ​ന ര​ജി​സ്ട്രേ​ഷ​ൻ കു​റ​യു​ക​യാ​ണ് ചെ​യ്ത​ത്.