കോ​വി​ഡ്​ നി​യ​ന്ത്ര​ണ​ങ്ങ​ളി​ൽ ഇ​ള​വ്​

ദോ​ഹ: ഒ​മി​ക്രോ​ൺ വ്യാ​പ​ന​ത്തി​നു പി​ന്നാ​ലെ ക​ർ​ക്ക​ശ​മാ​ക്കി​യ നി​യ​ന്ത്ര​ണ​ങ്ങ​ളി​ൽ ഇ​ള​വു​ക​ൾ പ്ര​ഖ്യാ​പി​ച്ചു​കൊ​ണ്ട്​ ഖ​ത്ത​ർ സാ​ധാ​ര​ണ ജീ​വി​ത​ത്തി​ലേ​ക്ക്. ബു​ധ​നാ​ഴ്​​ച പ്ര​ധാ​ന​മ​ന്ത്രി ​ശൈ​ഖ്​ ഖാ​ലി​ദ് ബി​ന്‍ ഖ​ലീ​ഫ ബി​ന്‍ അ​ബ്ദു​ല്‍ അ​സീ​സ് ആ​ൽ​ഥാ​നി​യു​ടെ അ​ധ്യ​ക്ഷ​ത​യി​ൽ ഓ​ൺ​ലൈ​നാ​യി ചേ​ര്‍ന്ന മ​ന്ത്രി​സ​ഭ യോ​ഗ​ത്തി​ൽ വി​വി​ധ മേ​ഖ​ല​ക​ളി​ലെ നി​യ​ന്ത്ര​ണ​ങ്ങ​ളി​ൽ ഇ​ള​വു ന​ൽ​കാ​ൻ തീ​രു​മാ​നി​ച്ചി​രു​ന്നു. കോ​വി​ഡ്​ കേ​സു​ക​ൾ കു​റ​ഞ്ഞു വ​രു​ന്ന​തും, രോ​ഗ​മു​ക്തി കൂ​ടു​ന്ന​തും ക​ണ​ക്കി​ലെ​ടു​ത്താ​യി​രു​ന്നു നി​യ​ന്ത്ര​ണ​ങ്ങ​ളി​ലെ ഇ​ള​വു​ക​ൾ.

• മാ​ളു​ക​ളി​ൽ എ​ല്ലാ​വ​ർ​ക്കും ​പ്ര​വേ​ശ​നം

പു​തി​യ നി​ർ​ദേ​ശ​പ്ര​കാ​രം മാ​ളു​ക​ളി​ൽ കു​ട്ടി​ക​ൾ​ക്കും വാ​ക്സി​ൻ സ്വീ​ക​രി​ക്കാ​ത്ത മു​തി​ർ​ന്ന​വ​രും ഉ​ൾ​പ്പെ​ടെ എ​ല്ലാ​വ​ർ​ക്കും മാ​ളു​ക​ളി​ലും ഷോ​പ്പി​ങ്​ കോം​പ്ല​ക്‌​സു​ക​ളി​ലും പ്ര​വേ​ശ​നം അ​നു​വ​ദി​ക്കും. നൂ​റു​​ശ​ത​മാ​നം ശേ​ഷി​യി​ൽ​ത​ന്നെ പ്ര​വ​ർ​ത്ത​നം പു​ന​രാ​രം​ഭി​ക്കാ​നും അ​നു​വാ​ദ​മു​ണ്ട്. എ​ന്നാ​ല്‍, മാ​ളു​ക​ളി​ലെ​യും കോം​പ്ല​ക്സു​ക​ളി​ലെ​യും ഭ​ക്ഷ​ണ​ശാ​ല​ക​ള്‍ക്ക് 50 ശ​ത​മാ​നം ശേ​ഷി​യി​ലേ പ്ര​വ​ര്‍ത്ത​നാ​നു​മ​തി​യു​ള്ളൂ.

• പ​ള്ളി​ക​ളി​ൽ കു​ട്ടി​ക​ൾ​ക്ക്​ ​ പ്ര​വേ​ശ​നം

12നു​ ​താ​ഴെ പ്രാ​യ​മു​ള്ള കു​ട്ടി​ക​ൾ​ക്കും പ​ള്ളി​ക​ളി​ൽ പ്ര​വേ​ശ​നം ന​ൽ​കാ​ൻ ഇ​സ്​​ലാ​മി​ക മ​ത​കാ​ര്യ മ​ന്ത്രാ​ല​യ​ നി​ർ​ദേ​ശം. ​അം​ഗ​ശു​ദ്ധി വ​രു​ത്താ​നു​ള്ള സൗ​ക​ര്യ​വും ശൗ​ചാ​ല​യ​ങ്ങ​ളും തു​റ​ന്നു​ന​ൽ​കാ​നും നി​ർ​ദേ​ശി​ച്ചു. കോ​വി​ഡ്​ സു​ര​ക്ഷ മാ​ന​ദ​ണ്ഡ​ങ്ങ​ൾ പാ​ലി​ക്ക​ണം. ന​മ​സ്കാ​ര​ത്തി​നി​ട​യി​ൽ അ​ര​മീ​റ്റ​ർ ദൂ​ര​വും നി​ല​നി​ർ​ത്ത​ണം.

• മെ​ട്രോ​ക​ളി​ൽ 75 ശ​ത​മാ​നം ശേ​ഷി

ശ​നി​യാ​ഴ്ച മു​ത​ൽ ദോ​ഹ മെ​ട്രോ ഉ​ൾ​പ്പെ​ടെ പൊ​തു​ഗ​താ​ഗ​ത സം​വി​ധാ​ന​ങ്ങ​ളി​ൽ 75 ശ​ത​മാ​നം പേ​ർ​ക്ക്​ യാ​ത്രാ​നു​മ​തി. മ​ന്ത്രി​സ​ഭ തീ​രു​മാ​ന പ്ര​കാ​രം ദോ​ഹ മെ​ട്രോ, ലു​ഹൈ​ൽ ട്രാം, ​മെ​ട്രോ ലി​ങ്ക്, മെ​ട്രോ എ​ക്സ്​​പ്ര​സ്​ സ​ർ​വി​സു​ക​ളി​ൽ 75 ശ​ത​മാ​നം ശേ​ഷി​യി​ൽ യാ​ത്ര​ക്കാ​ർ​ക്ക്​ അ​നു​വാ​ദം ന​ൽ​കു​മെ​ന്ന്​ ഖ​ത്ത​ർ റെ​യി​ൽ അ​റി​യി​ച്ചു. കോ​വി​ഡ്​ വ്യാ​പ​ന​ത്തെ തു​ട​ർ​ന്ന് പൊ​തു​ഗ​താ​ഗ​ത സേ​വ​ന​ം 60 ശ​ത​മാ​ന​മാ​യി കു​റ​ച്ചി​രു​ന്നു. അ​തേ​സ​മ​യം, ഭ​ക്ഷ​ണ പാ​നീ​യ​ങ്ങ​ൾ അ​നു​വ​ദി​ക്കി​ല്ലെ​ന്ന്​ അ​ധി​കൃ​ത​ർ വ്യ​ക്ത​മാ​ക്കി.

• വി​നോ​ദ​കേ​ന്ദ്ര​ങ്ങ​ളി​ൽ ശീ​ശ അ​നു​വ​ദി​ക്കും

തു​റ​സ്സാ​യ സ്ഥ​ല​ങ്ങ​ളി​ലും വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലും ശീ​ശ ഉ​പ​യോ​ഗി​ക്കാ​ൻ വാ​ണി​ജ്യ​മ​ന്ത്രാ​ല​യം അ​നു​മ​തി. ഇ​ൻ​ഡോ​ർ ഇ​ട​ങ്ങ​ളി​ൽ വാ​ക്സി​നേ​റ്റ​ഡ്​ ആ​യ മാ​താ​പി​താ​ക്ക​ൾ​ക്കൊ​പ്പം കു​ട്ടി​ക​ൾ​ക്കും പ്ര​വേ​ശ​നാ​നു​മ​തി. ഖ​ത്ത​ർ ക്ലീ​ൻ സ​ർ​ട്ടി​ഫി​ക്ക​റ്റു​ള്ള റ​സ്​​റ്റാ​റ​ന്‍റു​ക​ളി​ൽ 75 ശ​ത​മാ​ന​വും, അ​ല്ലാ​ത്ത​വ​യി​ൽ 40 ശ​ത​മാ​ന​വും ആ​ളു​ക​ൾ​ക്ക്​ പ്ര​വേ​ശ​നം.