ദോഹ മെ​േട്രാ പുനരാരംഭിക്കുന്നു

ദോഹ: കോവിഡ് ​പ്രതിരോധ നടപടികളുടെ ഭാഗമായി നിർത്തിവെച്ച ദോഹ മെട്രാേ, ട്രാം സർവിസുകൾ പുനരാരംഭിക്കുന്നതിനുള്ള തയാറെടുപ്പുകൾ ആരംഭിച്ചതായി അധികൃതർ വ്യക്തമാക്കി. നിയന്ത്രണങ്ങൾ നീക്കുന്നതി​െൻറ നാലാം ഘട്ടമായ സെപ്റ്റംബർ ഒന്നിനുതന്നെ സർവിസുകൾ പുനരാരംഭിക്കുമെന്നാണ് പ്രതീക്ഷിക്കുന്നത്.രാജ്യത്ത് കോവിഡ്–19 വ്യാപനം റിപ്പോർട്ട് ചെയ്തതിനെ തുടർന്നാണ് മെ​േട്രാ അടക്കമുള്ള പൊതു ഗതാഗത സേവനങ്ങൾ നിർത്തിവെക്കാൻ ഭരണകൂടം തീരുമാനിച്ചത്.

സെപ്റ്റംബർ ഒന്നുമുതൽ മെട്രോ, ട്രാം സർവിസുകൾ പുനരാരംഭിക്കുന്നതി​െൻറ ഭാഗമായി ജീവനക്കാർക്ക് കൃത്യമായ പരിശീലനം നൽകിവരുകയാണെന്നും എല്ലാ സ്​റ്റേഷനുകളിലെയും പ്രധാന കേന്ദ്രങ്ങളിൽ 300ലധികം ഹാൻഡ് സാനിറ്റൈസറുകൾ സ്ഥാപിച്ചതായും ദോഹ മെട്രാേ അറിയിച്ചു.മെട്രാേ സ്​റ്റേഷനിലും െട്രയിനുകളിലും യാത്രക്കാരും ജീവനക്കാരും മറ്റും സ്ഥിരം സ്​പർശിക്കുന്ന ഭാഗങ്ങൾ നിരന്തരം അണുമുക്തമാക്കുന്ന നടപടികൾ ആരംഭിച്ചു. ഉപഭോക്താക്കളുടെ ശരീരോഷ്മാവ് പരിശോധിക്കുന്നതിന് അത്യാധുനിക തെർമൽ മോണിറ്ററുകൾ സ്ഥാപിച്ചതായും അധികൃതർ വ്യക്തമാക്കിയിരുന്നു.

സെപ്റ്റംബർ ഒന്നുമുതൽ ലുസൈൽ ട്രാം സർവിസ്​ കൂടി പ്രാബല്യത്തിൽ വരുമെന്നാണ് ദോഹ മെട്രാേ വൃത്തങ്ങൾ വ്യക്തമാക്കുന്നത്. മുശൈരിബ്, എജുക്കേഷൻ സിറ്റി ട്രാം സർവിസുകൾ നേരത്തേ തന്നെ ആരംഭിച്ചിരുന്നു.ഈയടുത്ത് ചാർട്ടേഡ് ഇൻസ്​റ്റിറ്റ്യൂട്ട് ഓഫ് ഹൈവേസ്​ ആൻഡ് ട്രാൻസ്​പോർട്ടേഷ‍െൻറ (സി.എച്ച്.ഐ.ടി) ഈ വർഷത്തെ അന്താരാഷ്​ട്ര പുരസ്​കാരം ദോഹ മെ​േട്രായെ തേടിയെത്തിയിരുന്നു.

അമേരിക്ക, ആഫ്രിക്ക, ഏഷ്യ, ബാൽക്കൺ രാജ്യങ്ങളിലെ ഭീമൻ പദ്ധതികളെ പിന്തള്ളിയാണ് ഖത്തറിലെ ദോഹ മെട്രോ മുന്നിലെത്തിയത്. ഹൈവേ, ഗതാഗത അടിസ്ഥാന സൗകര്യം, സേവനരംഗങ്ങളിലെ ദോഹ മെ​േട്രായുടെ മികവ്​ എന്നിവക്കുള്ള അംഗീകാരമായിരുന്നു പുരസ്​കാരം. പദ്ധതി നിർമാണ കാലയളവിൽ ജി.എസ്.ഐ.എസി​െൻറ പഞ്ചനക്ഷത്ര പദവിയും ലീഡ് ഗോൾഡ് പുരസ്​കാരങ്ങളും ദോഹ മെട്രോയെ തേടിയെത്തിയിട്ടുണ്ട്.ദോഹ മെട്രോ െട്രയിനുകളുടെ എണ്ണം കൂട്ടുന്നതി​െൻറ ഭാഗമായി പുതിയ െട്രയിനുകളും ഈയിടെ ഹമദ് തുറമുഖത്തെത്തിയിരുന്നു. രണ്ടു െട്രയിനുകളാണ് എത്തിയത്. 35 അധിക െട്രയിനുകൾ വരുന്ന മാസങ്ങളിലായി രാജ്യത്തെത്തുമെന്ന് അധികൃതർ അറിയിച്ചിരുന്നു.

പുതിയ െട്രയിനുകൾ എത്തുന്നതോടെ ദോഹ മെട്രോയിലെ ട്രെയിനുകളുടെ എണ്ണം 75ൽനിന്ന്​ 110 ആയി വർധിക്കും. മെട്രോ ശൃംഖലയുടെ ശേഷി വർധിപ്പിക്കുന്നതിന് പുതിയ െട്രയിനുകൾ നിർണായക പങ്കുവഹിക്കും. 2022ലെ ലോകകപ്പുമായി ബന്ധപ്പെട്ട് 1.5 ദശലക്ഷം ഫുട്ബാൾ േപ്രമികളാണ് ലോകത്തി​െൻറ വിവിധ ഭാഗങ്ങളിൽനിന്നായി ഖത്തറിലെത്തുന്നത്. ദോഹ മെട്രോയുടെ ഭാവി വിപുലീകരണ പദ്ധതികൂടി കണക്കിലെടുത്താണ് െട്രയിനുകളുടെ എണ്ണം കൂട്ടുന്നത്.രാജ്യത്ത് മെട്രോ സർവിസ്​ ആരംഭിച്ചത് മുതൽ ഇതുവരെയായി 17 ദശലക്ഷം യാത്രക്കാർ മെട്രോ വഴി യാത്ര ചെയ്തുവെന്ന് ഖത്തർ റെയിൽ വ്യക്തമാക്കി.