പ്ര​വാ​സി ബി​സി​ന​സി​ന് വ​ഴി​കാ​ട്ടാ​ൻ ‘റൈ​സ് എ​ബൗവ് 2025’

ദോ​ഹ: ഖ​ത്ത​റി​ലെ ബി​സി​ന​സു​കാ​ർ​ക്കും സം​രം​ഭ​ക​ർ​ക്കും വ​ഴി​കാ​ട്ടി​യാ​വാ​ൻ വേ​റി​ട്ട വേ​ദി​യു​മാ​യി ​മ​ല​പ്പു​റം ജി​ല്ല​ക്കാ​രു​ടെ കൂ​ട്ടാ​യ്മ​യാ​യ ഡ​യ​സ്പോ​റ ഓ​ഫ് മ​ല​പ്പു​റ​വും (ഡോം ​ഖ​ത്ത​ർ), ഇ​ന്ത്യ​ൻ എം​ബ​സി അ​പെ​ക്സ് ബോ​ഡി​യാ​യ ഇ​ന്ത്യ​ൻ ബി​സി​ന​സ് ആ​ൻ​ഡ് പ്ര​ഫ​ഷ​ന​ൽ കൗ​ൺ​സി​ലും (ഐ.​ബി.​പി.​സി). ബേ​ക്ക​ർ​ട്ടി​ലി​യു​ടെ പി​ന്തു​ണ​യോ​ടെ ‘റൈ​സ് എ​ബൗ​വ് 2025: നാ​വി​ഗേ​റ്റി​ങ് ബി​സി​ന​സ് സ​ക്സ​സ് ഇ​ൻ ഖ​ത്ത​ർ’ എ​ന്ന പേ​രി​ലാ​ണ് പ്ര​വാ​സി ബി​സി​ന​സി​ലെ മാ​ർ​ഗ​നി​ർ​ദേ​ശം ന​ൽ​കു​ന്ന സെ​ഷ​ൻ ​സം​ഘ​ടി​പ്പി​ക്കു​ന്ന​ത്. സാ​മ്പ​ത്തി​ക, വ്യാ​പാ​ര മേ​ഖ​ല​യി​ലെ വി​ദ​ഗ്ധ​ർ ന​യി​ക്കു​ന്ന പ​രി​പാ​ടി ഫെ​ബ്രു​വ​രി 22 ശ​നി​യാ​ഴ്ച വൈ​കീ​ട്ട് ആ​റ് മു​ത​ൽ ദോ​ഹ ഷെ​റാ​ട്ട​ണി​ൽ ന​ട​ക്കു​മെ​ന്ന് സം​ഘാ​ട​ക​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

വി​പ​ണി​യി​ലെ അ​വ​സ​ര​ങ്ങ​ൾ പ്ര​യോ​ജ​ന​പ്പെ​ടു​ത്തി​യും വെ​ല്ലു​വി​ളി​ക​ളെ കൃ​ത്യ​മാ​യ ആ​സൂ​ത്ര​ണ​ങ്ങ​ളി​ലൂ​ടെ മ​റി​ക​ട​ക്കു​ക​യും ചെ​യ്യും വി​ധ​ത്തി​ൽ വ്യാ​പാ​ര, നി​ക്ഷേ​പ മേ​ഖ​ല​യെ കു​റി​ച്ച് അ​വ​ബോ​ധം പ​ക​രു​ക​യാ​ണ് സെ​ഷ​നു​ക​ളി​ലൂ​ടെ ല​ക്ഷ്യ​മി​ടു​ന്ന​ത്. ബേ​ക്ക​ർ​ട്ടി​ലി ഖ​ത്ത​ർ മാ​നേ​ജി​ങ് പാ​ർ​ട്ണ​റും ക്യു.​എ​സ്.​ഇ ലി​സ്റ്റ​ഡ് ക​മ്പ​നി ബോ​ർ​ഡ് അം​ഗ​വു​മാ​യ രാ​ജേ​ഷ് മേ​നോ​ൻ മു​ഖ്യ​പ്ര​ഭാ​ഷ​ണം നി​ർ​വ​ഹി​ക്കും. തു​ട​ർ​ന്ന് വി​ദ​ഗ്ധ​ർ പ​​ങ്കെ​ടു​ക്കു​ന്ന സെ​ഷ​നു​ക​ൾ​ക്ക് നേ​തൃ​ത്വ​വും ന​ൽ​കും.

കെ.​പി.​എം.​ജി ഖ​ത്ത​ർ സീ​നി​യ​ർ പാ​ർ​ട്ണ​ർ ഗോ​പാ​ൽ ബാ​ല​സു​ബ്ര​ഹ്മ​ണ്യം, ക്യു.​എ​ൻ.​ബി ഗ്രൂ​പ്പി​ലെ എ​ക്സി​ക്യൂ​ട്ടി​വ് വൈ​സ് പ്ര​സി​ഡ​ന്റും ഗ്ലോ​ബ​ൽ അ​സ​റ്റ് മാ​നേ​ജ്‌​മെ​ന്റ് മേ​ധാ​വി​യു​മാ​യ അ​ജ​യ് കു​മാ​ർ, മെ​ക്ഡാം ഹോ​ൾ​ഡി​ങ് ഗ്രൂ​പ് ജ​ന​റ​ൽ മാ​നേ​ജ​ർ എ​ൻ​ജി​നീ​യ​ർ മു​ഹ​മ്മ​ദ് അ​ൽ ബ​റാ സാ​മി പാ​ന​ൽ ച​ർ​ച്ച​യി​ൽ പ​ങ്കെ​ടു​ക്കും.

കൂ​ടു​ത​ൽ വി​വ​ര​ങ്ങ​ൾ​ക്കും ര​ജി​സ്ട്രേ​ഷ​നും 7702 9729, 3159 5987 എ​ന്ന ന​മ്പ​റി​ൽ ബ​ന്ധ​പ്പെ​ടാം. നേ​ര​ത്തേ ര​ജി​സ്റ്റ​ർ​ ചെ​യ്യു​ന്ന 200 പേ​ർ​ക്കാ​ണ് അ​വ​സ​രം. വാ​ർ​ത്ത​സ​മ്മേ​ള​ന​ത്തി​ൽ ബേ​ക്ക​ർ​ട്ടി​ലി ഖ​ത്ത​ർ മാ​നേ​ജി​ങ് പാ​ർ​ട്ണ​ർ രാ​ജേ​ഷ് മേ​നോ​ൻ, ഐ.​ബി.​പി.​സി ഖ​ത്ത​ർ പ്ര​സി​ഡ​ന്റ് താ​ഹ മു​ഹ​മ്മ​ദ്, ഡോം ​ഖ​ത്ത​ർ ചീ​ഫ് അ​ഡ്വൈ​സ​ർ മ​ഷ്ഹൂ​ദ് വി.​സി, ആ​ക്ടി​ങ് പ്ര​സി​ഡ​ന്റ് അ​ബ്ദു​ൽ റ​ഷീ​ദ് പി.​പി, ജ​ന​റ​ൽ സെ​ക്ര​ട്ട​റി എ.​സി.​കെ മൂ​സ, പ​ബ്ലി​ക് റി​ലേ​ഷ​ൻ ആ​ൻ​ഡ് മീ​ഡി​യ കോ​ഓ​ഡി​നേ​റ്റ​ർ രാ​ഹു​ൽ എ​ന്നി​വ​ർ പ​ങ്കെ​ടു​ത്തു.