ഖത്തറിൽ ഉന്നത ആരോഗ്യ പരിചരണവുമായി 'റിയാദ മെഡിക്കൽ സെന്‍റർ' പ്രവർത്തനമാരംഭിച്ചു

ദോഹ: ഖത്തറിന്‍റെ ആരോഗ്യ പരിചരണ മേഖലയിൽ പുതിയ ചുവടുവയ്പായി റിയാദ മെഡിക്കൽ സെന്‍ററർ ദോഹ സി റിങ്ങ് റോഡിൽ പ്രവർത്തനം ആരംഭിച്ചു. റിയാദ മെഡിക്കൽ സെന്‍ററിൽ നടന്ന സോഫ്റ്റ് ലോഞ്ചിങ്ങ് ചടങ്ങിൽ മുഖ്യാഥിതിയായി റിയാദ ഹെൽത്ത് കെയർ ഗ്രൂപ്പ് ചെയർമാൻ ശൈഖ്​ ജാസിം ബിൻ മുഹമ്മദ് ബിൻ ഹമദ് ആൽഥാനി പങ്കെടുത്തു. മാനേജിങ് ഡയറക്ടർ ജംഷീർ ഹംസ, എക്സിക്യുട്ടീവ് ഡയറക്ടർ ഡോ. അബ്ദുൽകലാം എന്നിവർ റിയാദ മെഡിക്കൽ സെന്‍ററിന്‍റെ പ്രവർത്തനങ്ങളും ലക്ഷ്യവും വിശദീകരിച്ചു.

'ഇൻസ്​പെയറിങ് ബെറ്റർ ഹെൽത്ത്' എന്ന ടാഗ്​ലൈനിൽ മികച്ച ചികിത്സയും ആരോഗ്യ പരിചരണവും വാഗ്ദാനം ചെയ്താണ്​ ആതുരശുശ്രൂഷ മേഖലയിൽ പ്രവർത്തനത്തിന്​ തുടക്കം കുറിക്കുന്നത്​. മിതമായ നിരക്കിൽ എല്ലാവർക്കും ചികൽസ സൗകര്യം ലഭ്യമാക്കുകയും ആരോഗ്യവും സുരക്ഷാ ബോധവുമുള്ള ഒരു തലമുറയെ സൃഷ്ടിച്ചെടുക്കലുമാണ് റിയാദ ഹെൽത്ത് കെയർ ഗ്രൂപ്പിന്‍റെ ലക്ഷ്യമെന്ന് മാനേജിങ്ങ് ഡയറക്ടർ ജംഷീർ ഹംസ വിശദീകരിച്ചു.

ആരോഗ്യ സേവനരംഗത്ത് പ്രാഗ്യം തെളിയിച്ച ഡോക്ടർമാർ, മെഡിക്കൽ -മെഡിക്കലേതര വിഭാഗങ്ങളിൽ പരിചയ സമ്പന്നരായ ജീവനക്കാരുമടങ്ങുന്ന സംഘമാണ് റിയാദയുടെ കരുത്തെന്ന് ചെയർമാൻ ശൈഖ്​ ജാസിം മുഹമ്മദ് ബിൻ ഹമദ് ആൽഥാനി പറഞ്ഞു. ഖത്തറിലെ ആരോഗ്യ സംരക്ഷണ മേഖലയിൽ റിയാദ മെഡിക്കൽ സെന്‍റർ വേറിട്ട മുഖമാവുമെന്ന് അദ്ദേഹം ആശംസിച്ചു.

ആരോഗ്യ സംരക്ഷണ മേഖലയിൽ ആധുനിക ചികിൽസ സംവിധാനങ്ങൾ എല്ലാവർക്കും ഉപയോഗപ്പെടുത്തുകയും സാധാരണക്കാരെ ശാക്​തീകരിക്കുകയുമാണ് തങ്ങളുടെ കാഴ്ചപ്പാടെന്ന് ജംഷീർ ഹംസ കൂട്ടിച്ചേർത്തു.

ഭാവിയിൽ ഉത്തരവാദിത്തവും ഗുണനിലവാരവും ഉറപ്പ് നൽകുന്ന ഹെൽത്ത് കെയർ ഗ്രൂപ്പിനു തുടക്കം കുറിക്കുന്ന ചരിത്ര നിമിഷമാണിതെന്ന് എക്സിക്യുട്ടീവ് ഡയറക്ടർ ഡോ. അബ്​ദുൽ കലാം പറഞ്ഞു.

പൂർണമായും ഡിജിറ്റലൈസ്​ ചെയ്ത മെഡിക്കൽ സെന്‍ററിൽ പരിചയസമ്പന്നരായ ഡോക്ടർമാരുടെയും ജീവനക്കാരുടെയും സേവനമാണ് ലഭിക്കുന്നത്​. നിലവിൽ 10 ഡിപ്പാർട്ട്മെന്‍റുകളാണ് പ്രവർത്തനമാരംഭിച്ചിട്ടുള്ളത്. ഇന്‍റേണൽ മെഡിസിൻ, അസ്​ഥിരോഗം, ശിശുരോഗം, നേത്രരോഗം, ഇ.എൻ.ടി, റേഡിയോളജി, ആധുനിക സൗകര്യങ്ങളോടുകൂടിയ ലബോറട്ടറി, ദന്തരോഗം തുടങ്ങിയ വിഭാഗങ്ങൾ പ്രവർത്തനമാരംഭിച്ചു.

ഒൻപത് വിഭാഗങ്ങൾ കൂടി താമസിയാതെ പ്രവർത്തനമാരംഭിക്കും. പ്രഗരായ ഡോക്ടർമാർ അത്യാധുനിക റേഡിയോ ഡയോസ്​റ്റിക്, ലബോറട്ടറി, ഫാർമസി, ഒപ്റ്റിക്കൽ തുടങ്ങിയവയാണ് റിയാദ മെഡിക്കൽ സെന്‍ററിന്‍റെ പ്രത്യേകത. ആഗസ്​ത് അവസാന വാരം ഔദ്യോഗിക ഉദ്​ഘാടനം നിർവഹിക്കും. സി റിങ്ങ് റോഡിൽ കാർ പാർക്കിങ്ങിനും മറ്റുമായി വിശാലമായ സ്​ഥലമുള്ള റിയാദ മെഡിക്കൽ സെന്‍റർ ആഴ്ചയിൽ എല്ലാ ദിവസവും രാവിലെ ഏഴ്​ മുതൽ രാത്രി 12 മണി വരെ പ്രവർത്തിക്കുന്നതാണ്.