ഒ​റ്റ​പ്പെ​ട​ലി​ന് അ​വ​സാ​നം; അവർ ഇനി അ​മ്മ​ത്ത​ണ​ലി​ൽ

ദോ​ഹ: അ​ന്താ​രാ​ഷ്ട്ര ത​ല​ത്തി​ൽ ഖ​ത്ത​റി​ന്റെ ന​യ​ത​ന്ത്ര മി​ക​വി​ന്റെ അ​ട​യാ​ള​മാ​യി വീ​ണ്ടു​മൊ​രു വി​ജ​യ​ക​ര​മാ​യ മ​ധ്യ​സ്ഥ ദൗ​ത്യം. ര​ണ്ടു വ​ർ​ഷ​ത്തി​ലേ​റെ​യാ​യി നീ​ണ്ടു​നി​ൽ​ക്കു​ന്ന യു​ദ്ധ​ത്തെ തു​ട​ർ​ന്ന് ബ​ന്ധു​ക്ക​ളി​ൽ നി​ന്നും വേ​ർ​പി​രി​ഞ്ഞ്, ദു​രി​ത​മു​ഖ​ത്താ​യ യു​ക്രെ​യ്നി​ലെ​യും റ​ഷ്യ​യി​ലെ​യും കു​ട്ടി​ക​ളെ ഖ​ത്ത​റി​ന്റെ ഇ​ട​പെ​ട​ലി​ലൂ​ടെ അ​വ​രു​ടെ കു​ടും​ബ​ങ്ങ​ളി​ലേ​ക്ക് തി​രി​കെ​യെ​ത്തി​ച്ചു. ക​ഴി​ഞ്ഞ ദി​വ​സം ദോ​ഹ​യി​ലെ ഹോ​ട്ട​ലി​ലാ​യി​രു​ന്നു റ​ഷ്യ-​യു​ക്രെ​യ്ൻ അ​ധി​കൃ​ത​ർ മു​ഖാ​മു​ഖം ച​ർ​ച്ച​ക്കി​രു​ന്ന് വി​ട്ടു​വീ​ഴ്ച​യു​ടെ മാ​ർ​ഗ​ങ്ങ​ൾ സ്വീ​ക​രി​ച്ച് കു​ട്ടി​ക​ളെ കൈ​മാ​റാ​ൻ സ​ന്ന​ദ്ധ​ത അ​റി​യി​ച്ച​ത്. റ​ഷ്യ​ൻ ബാ​ലാ​വ​കാ​ശ ക​മീ​ഷ​ണ​ർ മ​രി​യ എ​ൽ​വോ​വ ബെ​ലോ​വ​യും, യു​ക്രെ​യ്ൻ മ​നു​ഷ്യാ​വ​കാ​ശ ക​മീ​ഷ​ണ​ർ ദി​മി​ത്രോ ലു​ബി​ന​റ്റ്‌​സും പ​​ങ്കെ​ടു​ത്ത ച​ർ​ച്ച​യി​ൽ 48 കു​ട്ടി​ക​ളെ​യാ​ണ് ബ​ന്ധു​ക്ക​ൾ​ക്ക് കൈ​മാ​റി​യ​ത്. 29 യു​ക്രെ​യ്ൻ കു​ട്ടി​ക​ളെ റ​ഷ്യ കൈ​മാ​റി​യ​പ്പോ​ൾ, 19 റ​ഷ്യ​ൻ കു​ട്ടി​ക​ളെ യു​ക്രെ​യ്നും കൈ​മാ​റി. യു​ദ്ധം ആ​രം​ഭി​ച്ച ശേ​ഷം, ഇ​രു രാ​ജ്യ​ങ്ങ​ളു​ടെ​യും പ്ര​തി​നി​ധി​ക​ൾ ആ​ദ്യ​മാ​യി മു​ഖാ​മു​ഖ​മി​രു​ന്ന്, പു​നഃ​സ​മാ​ഗ​മ​ത്തി​ന് നേ​തൃ​ത്വം ന​ൽ​കി​യെ​ന്ന പ്ര​ത്യേ​ക​ത​യു​മു​ണ്ട്.

യു​ദ്ധ​ത്തി​ൽ മാ​താ​പി​താ​ക്ക​ളെ ന​ഷ്ട​മാ​യ​വ​രും, പ​രി​ക്കു​പ​റ്റി അം​ഗ​ഭം​ഗം സം​ഭ​വി​ച്ച​വ​രും ഉ​ൾ​പ്പെ​ടെ​യു​ള്ള കു​ട്ടി​ക​ളും അ​വ​രു​ടെ ര​ക്ഷി​താ​ക്ക​ളു​മെ​ല്ലാം ഒ​ത്തു​ചേ​ർ​ന്ന ​ദോ​ഹ​യി​ലെ ചേ​ഡി ഹോ​ട്ട​ലാ​യി​രു​ന്നു വൈ​കാ​രി​ക മു​ഹൂ​ർ​ത്ത​ങ്ങ​ളു​ടെ വേ​ദി​യാ​യ​ത്. പു​തു​വ​സ്ത്ര​ങ്ങ​ള​ണി​ഞ്ഞ്, പ്രി​യ​പ്പെ​ട്ട​വ​രു​ടെ കൈ​പി​ടി​ച്ച് കു​ഞ്ഞു​പ്രാ​യ​ക്കാ​ർ മു​ത​ൽ 12 വ​യ​സ്സു​കാ​ർ വ​രെ എ​ത്തി​യ​പ്പോ​ൾ അ​വ​രെ സ​മ്മാ​ന​ങ്ങ​ൾ ന​ൽ​കി​യും ഓ​മ​നി​ച്ചും ഖ​ത്ത​ർ വി​ദേ​ശ​കാ​ര്യ​ മ​​ന്ത്രാ​ല​യ​ത്തി​ലെ അ​ന്താ​രാ​ഷ്ട്ര സ​ഹ​ക​ര​ണ വി​ഭാ​ഗം മ​ന്ത്രി ലു​ൽ​വ ബി​ൻ​ത് റാ​ഷി​ദ് അ​ൽ ഖാ​തി​ർ സ്വീ​ക​രി​ച്ചു. മ​ന്ത്രി​യു​ടെ നേ​തൃ​ത്വ​ത്തി​ലാ​യി​രു​ന്നു ഇ​രു രാ​ജ്യ​ങ്ങ​ളു​ടെ​യും പ്ര​തി​നി​ധി​ക​ൾ പ​​ങ്കെ​ടു​ത്ത മ​ധ്യ​സ്ഥ ച​ർ​ച്ച ന​ട​ന്ന​ത്. അ​തേ​സ​മ​യം, യു​ക്രെ​യ്നി​ൽ​നി​ന്നു​ള്ള പ്ര​തി​നി​ധി സം​ഘ​ത്തോ​ടൊ​പ്പം 16 കു​ട്ടി​ക​ൾ തു​ട​ർ ചി​കി​ത്സ​ക്കാ​യി ഖ​ത്ത​റി​ലു​ണ്ടെ​ന്ന് പ്ര​സി​ഡ​ന്റ് വ്‌​ളാ​ദി​മി​ർ സെ​ല​ൻ​സ്‌​കി വ്യ​ക്ത​മാ​ക്കി​യി​രു​ന്നു. റ​ഷ്യ​യി​ലേ​ക്ക് നി​ർ​ബ​ന്ധി​ത​രാ​യി നാ​ടു​ക​ട​ത്ത​പ്പെ​ട്ട​വ​രാ​യി​രു​ന്നു കു​ട്ടി​ക​ൾ. എ​ന്നാ​ൽ, സൗ​ഹൃ​ദ രാ​ഷ്ട്ര​മാ​യ ഖ​ത്ത​റി​ന്റെ മ​ധ്യ​സ്ഥ ശ്ര​മ​ങ്ങ​ളി​ൽ അ​വ​രി​ല​ധി​ക പേ​രെ​യും മോ​ചി​പ്പി​ക്കാ​ൻ സാ​ധി​ച്ചു​വെ​ന്നും, ഖ​ത്ത​റി​ന് ന​ന്ദി അ​റി​യി​ക്കു​ന്നു​വെ​ന്നും സെ​ല​ൻ​സ്‌​കി പ​റ​ഞ്ഞു. യു​ക്രെ​യ്നെ സ​ഹാ​യി​ച്ച അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​ക്കും അ​ദ്ദേ​ഹം ന​ന്ദി അ​റി​യി​ച്ചു. കു​ട്ടി​ക​ൾ അ​വ​രു​ടെ കു​ടും​ബ​ത്തി​ൽ നി​ന്നും മാ​തൃ​രാ​ജ്യ​ത്തി​ൽ നി​ന്നും വേ​റി​ട്ട് വ​ള​രു​ന്ന​ത് ഹൃ​ദ​യ​ഭേ​ദ​ക​മാ​ണ്. കു​ട്ടി​ക​ളെ വീ​ണ്ടും വീ​ടു​ക​ളി​ലെ​ത്തി​ക്കാ​ൻ എ​ല്ലാ ശ്ര​മ​ങ്ങ​ളും ന​ട​ത്തേ​ണ്ട​തു​ണ്ട്. ഈ ​ദൗ​ത്യ​ത്തി​ൽ ഞ​ങ്ങ​ളെ സ​ഹാ​യി​ക്കു​ന്ന​വ​ർ​ക്കെ​ല്ലാം ന​ന്ദി -സെ​ല​ൻ​സ്‌​കി പ​റ​ഞ്ഞു.

2022ൽ ​റ​ഷ്യ​ൻ അ​ധി​നി​വേ​ശം ആ​രം​ഭി​ച്ച​തി​നു​ശേ​ഷം 19,000 യു​ക്രെ​യ്ൻ കു​ട്ടി​ക​ളെ റ​ഷ്യ നാ​ടു​ക​ട​ത്തി​യെ​ന്നാ​ണ് സെ​ല​ൻ​സ്കി​യു​ടെ ആ​രോ​പ​ണം. ഇ​തി​ൽ 400 കു​ട്ടി​ക​ളെ തി​രി​ച്ചെ​ത്തി​ക്കാ​ൻ സാ​ധി​ച്ചി​ട്ടു​ണ്ടെ​ന്ന് എ.​എ​ഫ്.​പി റി​പ്പോ​ർ​ട്ട് ചെ​യ്യു​ന്നു. ശ​നി​യാ​ഴ്ച 37 കു​ട്ടി​ക​ളു​ൾ​പ്പെ​ടെ 20 റ​ഷ്യ​ൻ, യു​ക്രെ​യ്ൻ കു​ടും​ബ​ങ്ങ​ൾ ദോ​ഹ​യി​ലെ​ത്തി​യി​രു​ന്നു. ചി​കി​ത്സ​യും ഒ​പ്പം വി​നോ​ദ സ​ഞ്ചാ​ര​ത്തി​നും അ​വ​സ​രം ന​ൽ​കി​യ ശേ​ഷം, ഇ​വ​ർ വ​രും ദി​വ​സം ജ​ന്മ​നാ​ടു​ക​ളി​ലേ​ക്ക് മ​ട​ങ്ങും. ക​ഴി​ഞ്ഞ വ​ർ​ഷം ജൂ​ണി​ൽ റ​ഷ്യ​യും യു​ക്രെ​യ്നും സ​ന്ദ​ർ​ശി​ച്ച ഖ​ത്ത​ർ പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് അ​ബ്ദു​റ​ഹ്‌​മാ​ൻ ബി​ൻ ജാ​സിം ആ​ൽ​ഥാ​നി​യു​ടെ ഇ​ട​പെ​ട​ലു​ക​ൾ​ക്കു പി​ന്നാ​ലെ​യാ​ണ് കു​ട്ടി​ക​ളു​ടെ കൈ​മാ​റ്റം സം​ബ​ന്ധി​ച്ച ച​ർ​ച്ച​ക​ളാ​രം​ഭി​ച്ച​ത്.