സ്നേഹ ടോമിന് ശാന്തിനികേതൻ സ്കൂളിൻെറ അഭിനന്ദനം
text_fieldsസ്നേഹ ടോമിന് ശാന്തിനികേതൻ സ്കൂളിൻെറ അഭിനന്ദനംദോഹ: ഗൾഫ് മാധ്യമം സംഘടിപ്പിച്ച 'സ്പീക്കപ് ഖത്തർ' പ്രസംഗ മത്സരത്തിൽ ഇരട്ട നേട്ടം സ്വന്തമാക്കിയ സ്നേഹ ടോമിന് ശാന്തിനികേതൻ ഇന്ത്യൻ സ്കൂളിൻെറ അഭിനന്ദനം. വെള്ളിയാഴ്ച നടന്ന 'സ്പീക്കപ് ഖത്തറിൽ' സ്നേഹ സീനിയർ ഇംഗ്ലീഷ് പ്രസംഗത്തിൽ ഒന്നും മലയാളത്തിൽ രണ്ടും സ്ഥാനം നേടിയിരുന്നു. ശാന്തിനികേതൻ സ്കൂളിലെ 11ാം ക്ലാസുകാരിയാണ് എറണാകുളം അങ്കമാലി സ്വദേശിയായ സ്നേഹ.
ഫേസ്ബുക്ക്-സൂം പ്ലാറ്റ്ഫോം വഴി നടന്ന മത്സരത്തിൽ എ.പി.എം മുഹമ്മദ് ഹനീഷ്, കെ.ഇ.എൻ കുഞ്ഞഹമ്മദ്, മുൻ എം.പി ഡോ. സെബാസ്റ്റ്യൻ പോൾ, മാധ്യമം അസോസിയറ്റ് എഡിറ്റർ ഡോ. യാസീൻ അഷ്റഫ്, മീഡിയ വൺ അസി. എക്സിക്യൂട്ടിവ് എഡിറ്റർ അഭിലാഷ് മോഹനൻ എന്നിവരായിരുന്നു വിധി കർത്താക്കൾ.
ഇരട്ട നേട്ടം സ്വന്തമാക്കിയ സ്നേഹയെ സ്കൂൾ അധ്യാപക -ജീവനക്കാർക്കും മാനേജ്മെൻറ് കമ്മിറ്റിക്കും വേണ്ടി അഭിനന്ദിക്കുന്നതായി പ്രിൻസിപ്പൽ ഡോ. സുഭാഷ് ബി. നായർ പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.