സൗദി രാജാവിൻെറ ക്ഷണം സ്വീകരിച്ചു, ഖത്തർ അമീർ സൗദി സന്ദർശിക്കുന്നു

ദോഹ: ഖത്തർ അമീർ ശൈഖ്​ തമീം ബിൻ ഹമദ്​ ആൽഥാനി ഔദ്യോഗിക സന്ദർശനത്തിനായി സൗദിയിലേക്ക്​ പോയി. സൗദി ഭരണാധികാരി സൽമാൻ രാജാവിൻെറ ക്ഷണം സ്വീകരിച്ചാണ്​ അമീർ തിങ്കളാഴ്​ച വൈകുന്നേരം ജിദ്ദയിലേക്ക്​ യാത്രതിരിച്ചത്​.

സൗദി കിരീടാവകാശിയും പ്രതിരോധമന്ത്രിയുമായ മുഹമ്മദ്​ ബിൻ സൽമാനുമായി ശൈഖ്​​ തമീം കൂടിക്കാഴ്​ച നടത്തും. ഇരുരാജ്യങ്ങളും തമ്മിലുള്ള ഉഭയകക്ഷി സഹകരണം, പരസ്​പരം താൽപര്യമുള്ള മറ്റ്​ വിഷയങ്ങൾ എന്നിവയും ചർച്ചയാകും. അമീ​റിനൊപ്പം ഉന്നതതല ഖത്തർ സംഘവും സൗദിയിലെത്തുന്നുണ്ട്​.