സൗദി-ഇറാൻ നയതന്ത്ര പുനഃസ്ഥാപനം: സ്വാഗതം ചെയ്ത് ഖത്തർ

ദോ​ഹ: ന​യ​ത​ന്ത്ര​ബ​ന്ധം പു​നഃ​സ്ഥാ​പി​ച്ച്, സൗ​ഹൃ​ദം ഊ​ഷ്​​മ​ള​മാ​ക്കാ​നു​ള്ള സൗ​ദി, ഇ​റാ​ൻ തീ​രു​മാ​ന​ത്തെ ഖ​ത്ത​ർ സ്വാ​ഗ​തം​ചെ​യ്​​തു. പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ അ​ബ്​​ദു​ൽ​റ​ഹ്​​മാ​ൻ ബി​ൻ ജാ​സിം ആ​ൽ​ഥാ​നി സൗ​ദി വി​ദേ​ശ​കാ​ര്യ മ​ന്ത്രി ഫൈ​സ​ൽ ബി​ൻ ഫ​ർ​ഹാ​ൻ ബി​ൻ അ​ബ്​​ദു​ല്ല അ​ൽ സൗ​ദു​മാ​യി ടെ​ലി​ഫോ​ൺ സം​ഭാ​ഷ​ണം ന​ട​ത്തി തീ​രു​മാ​ന​ത്തെ സ്വാ​ഗ​തം​ചെ​യ്​​തു.

ബെ​യ്​​ജി​ങ്ങി​ൽ ചൈ​ന​യു​ടെ മ​ധ്യ​സ്​​ഥ​ത​യി​ൽ ന​ട​ന്ന സൗ​ദി-​ഇ​റാ​ൻ ഉ​ഭ​യ​ക​ക്ഷി​ച​ർ​ച്ച​യെ ​ഖ​ത്ത​ർ പ്ര​ധാ​ന​മ​ന്ത്രി അ​ഭി​ന​ന്ദി​ച്ചു. ര​ണ്ടു മാ​സ​ത്തി​നു​ള്ളി​ൽ ഇ​രു​രാ​ജ്യ​ങ്ങ​ളി​ലും എം​ബ​സി​ക​ൾ തു​റ​ക്കാ​നും ​സു​ര​ക്ഷ സ​ഹ​ക​ര​ണ​ക്ക​രാ​ർ ന​ട​പ്പി​ലാ​ക്കാ​നും സാ​മ്പ​ത്തി​ക, വ്യാ​പാ​ര, നി​ക്ഷേ​പ, ശാ​സ്​​ത്ര- സാ​​ങ്കേ​തി​ക, കാ​യി​ക​മേ​ഖ​ല​ക​ളി​ൽ പ​ര​സ്​​പ​ര​സ​ഹ​ക​ര​ണം ആ​രം​ഭി​ക്കാ​നും മ​ധ്യ​സ്​​ഥ​ച​ർ​ച്ച​യി​ൽ ധാ​ര​ണ​യാ​യി​രു​ന്നു.

ഇ​റാ​നും സൗ​ദി​യും ത​മ്മി​ൽ ന​യ​ത​ന്ത്ര​ബ​ന്ധം പു​നഃ​സ്ഥാ​പി​ക്കു​ന്ന​തു​വ​ഴി ഗ​ൾ​ഫ്, അ​റ​ബ്​ മേ​ഖ​ല​യു​ടെ സു​ര​ക്ഷ​യും ഐ​ക്യ​വും കൂ​ടു​ത​ൽ ശ​ക്​​ത​മാ​വു​മെ​ന്ന്​ പ്ര​ധാ​ന​മ​ന്ത്രി ശൈ​ഖ്​ മു​ഹ​മ്മ​ദ്​ ബി​ൻ അ​ബ്​​ദു​ൽ റ​ഹ്​​മാ​ൻ ആ​ൽ​ഥാ​നി ചൂ​ണ്ടി​ക്കാ​ട്ടി. ഇ​റാ​ൻ വി​ദേ​ശ​കാ​ര്യ​മ​ന്ത്രി ഡോ. ​ഹു​സൈ​ൻ ആ​മി​ർ അ​ബ്​​ദു​ല്ലാ​ഹി​യാ​നു​മാ​യും പ്ര​ധാ​ന​മ​ന്ത്രി ടെ​ലി​ഫോ​ണി​ൽ സം​സാ​രി​ച്ചു. ഇ​രു​രാ​ജ്യ​ങ്ങ​ളും ത​മ്മി​ലെ ബ​ന്ധം ശ​ക്​​തി​പ്പെ​ടു​ത്തു​ന്ന​ത്​ സം​ബ​ന്ധി​ച്ച്​ ച​ർ​ച്ച​ചെ​യ്​​തു. പ്ര​ധാ​ന​മ​​ന്ത്രി​യാ​യി സ്​​ഥാ​ന​മേ​​റ്റ ശൈ​ഖ്​ മു​ഹ​മ്മ​ദ്​ ബി​ൻ അ​ബ്​​ദു​ൽ​റ​ഹ്​​മാ​ൻ ആ​ൽ​ഥാ​നി​യെ ഇ​റാ​ൻ വി​ദേ​ശ​കാ​ര്യ​മ​ന്ത്രി അ​ഭി​ന​ന്ദി​ച്ചു.