സ്കോളേഴ്സ് മദ്​റസ : ഉന്നത വിജയികളെ അനുമോദിച്ചു

ദോഹ: പഠിക്കുന്ന കാര്യങ്ങൾ ജീവിതത്തിൽ ചേർത്തുവെക്കുമ്പോഴാണ് വിദ്യാർഥികൾ യഥാർഥത്തിൽ വിജയിക്കുന്നതെന്ന് കേരള മദ്​റസ എജുക്കേഷൻ ബോർഡ് (മജ്​ലിസ്) ഡയറക്ടർ സുഷീർ ഹസൻ.

വിദ്യാർഥികൾക്ക് ജീവിതത്തിലുടനീളം വെളിച്ചം നൽകുന്ന സംവിധാനമാണ് മദ്​റസകൾ എന്നും കുട്ടികൾ അറിവി​െൻറ വഴിയിൽ നിരന്തരമായി ഉണ്ടാവാൻ രക്ഷിതാക്കളുടെ ശ്രമം ഉണ്ടാവണമെന്നും അദ്ദഹം കൂട്ടിച്ചേർത്തു. കേരള മദ്​റസ എജുക്കേഷൻ ബോർഡ് ഈ വർഷം നടത്തിയ പൊതുപരീക്ഷയിൽ ഉന്നത വിജയം നേടിയ സ്കോളേഴ്സ് മദ്​റസയിലെ വിദ്യാർഥികൾക്കുള്ള അനുമോദന പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

മജ്‌ലിസ് നടത്തിയ ഏഴാം ക്ലാസ് പൊതുപരീക്ഷയിൽ 350 ൽ 349 മാർക്ക് നേടി ആയിശ അമൽ ഒന്നാം സ്ഥാനത്തെത്തി. റിസാൽ ഹനീഫ്, ഹംദാൻ യൂസുഫ്, മുഹമ്മദ് യുസ്ർ, മുഹമ്മദ് അമാൻ എന്നിവർ 347 മാർക്ക് നേടി രണ്ടാം സ്ഥാനവും കരസ്ഥമാക്കി.

ഓൺലൈനായി നടന്ന പരിപാടിയിൽ മദ്​റസയിൽനിന്നും ഈ വർഷം പത്താം ക്ലാസ് വിജയകരമായി പൂർത്തിയാക്കിയ വിദ്യാർഥികളെയും ആദരിച്ചു.

മദ്​റസ പ്രിൻസിപ്പൽ കെ.എൻ. മുജീബ് റഹ്മാൻ അധ്യക്ഷത വഹിച്ചു. സി.ഐ.സി ഖത്തർ വൈസ് പ്രസിഡൻറ്​ ഹബീബ് റഹ്​മാൻ കിഴിശ്ശേരി മുഖ്യപ്രഭാഷണം നടത്തി. നന്മകൾ പൂത്തുനിൽക്കുന്ന മരങ്ങളായി നമ്മുടെ കുട്ടികൾ മാറണമെന്ന് അദ്ദേഹം പറഞ്ഞു. സി.ഐ.സി വിദ്യാഭ്യാസ വിഭാഗം മേധാവി അൻവർ ഹുസൈൻ, മദ്​റസ മാനേജിങ്​ കമ്മിറ്റി പ്രസിഡൻറ്​ കെ. ഹാരിസ്, പി.ടി.എ പ്രസിഡൻറ്​ ഡോ. പരീത്, വക്ര മദ്​റസ പ്രിൻസിപ്പൽ എം.ടി. ആദം, ദോഹ മദ്​റസ ആക്ടിങ്​ പ്രിൻസിപ്പൽ മുഹമ്മദലി ശാന്തപുരം, അൽഖോർ മദ്​റസ ആക്ടിങ്​ പ്രിൻസിപ്പൽ പി. മുഈനുദ്ദീൻ, രക്ഷിതാക്കളുടെ പ്രതിനിധി അബ്​ദുറഹ്മാൻ കാവിൽ എന്നിവർ സംസാരിച്ചു.

ഖദീജ ജൗഹർ ആങ്കറിങ് നിർവഹിച്ചു. മാനിഹ് മുജീബ് ഖിറാഅത്ത് നടത്തി.

അസ്മി അബ്​ദുൽ ശുക്കൂർ ഗാനം ആലപിച്ചു. വൈസ്പ്രിൻസിപ്പൽ അനീസുദ്ദീൻ സ്വാഗതവും സ്​റ്റാഫ് സെക്രട്ടറി ഹബീബ് നന്ദിയും പറഞ്ഞു.