ദീർഘകാലം സർവീസിലിരുന്നവരെ  ഖത്തർ ഗ്യാസ്​ ആദരിച്ചു

ദോഹ: ആന്വൽ ലോങ് സർവീസ്​ അവാർഡി​െൻറയും ശുക്റൻ അവാർഡ് ദാനചടങ്ങി​െൻറയും ഭാഗമായി  ദീർഘകാലം സർവീസിലിരിക്കുകയും തൊഴിൽ രംഗത്ത് മികവ് പുലർത്തുകയും ചെയ്ത 677 തൊഴിലാളികളെ ഖത്തർ ഗ്യാസ്​ ആദരിച്ചു. 

ഖത്തർ ഗ്യാസിൽ ദീർഘകാലം സർവീസിലിരിക്കുന്നവർക്കാണ് ലോങ് ടേം സർവീസ്​ അവാർഡ് നൽകുന്നത്. അതേസമയം, തൊഴിൽ രംഗത്ത് മികച്ച പ്രകടനം കാഴ്ച വെച്ചവർക്ക് ശുക്റൻ അവാർഡും നൽകി വരുന്നു. ശുക്റൻ അവാർഡ് ഏറ്റുവാങ്ങിയവരെ അഭിനന്ദിക്കുകയാണെന്നും സന്തോഷം നിറഞ്ഞ സമയമാണെന്നും പ്രവൃത്തി മികവിൽ ഖത്തർ ഗ്യാസിന് സമ്പന്നമായ പാരമ്പര്യമാണുള്ളതെന്നും ഖത്തർ ഗ്യാസ്​ ചീഫ് എക്സിക്യൂട്ടിവ് ഓഫീസർ ഖാലിദ് ബിൻ ഖലീഫ ആൽഥാനി പറഞ്ഞു. കമ്പനിയുടെ ലക്ഷ്യങ്ങൾ പൂർത്തീകരിക്കുന്നതിൽ നിങ്ങളുടെ മികവാണ് തുണയായിരിക്കുന്നതെന്നും വ്യക്തിപരമായി നന്ദി പറയുകയാണെന്നും അവാർഡ് ദാന ചടങ്ങിൽ സംസാരിക്കവേ അദ്ദേഹം പറഞ്ഞു.  ചടങ്ങിൽ 179 ഖത്തർ ഗ്യാസ്​ തൊഴിലാളികൾ ശുക്റൻ അവാർഡ് ഏറ്റുവാങ്ങിയപ്പോൾ, 498 തൊഴിലാളികൾ ലോങ് ടേം സർവീസ്​ അവാർഡുകൾ സ്വീകരിച്ചു.