ശൈഖ് അൽ ഖഅ്ഖാഅ് അൽ റയാൻ പ്രസിഡൻറ്
text_fieldsദോഹ: ഖത്തർ സ്റ്റാർസ് ലീഗിലെ അൽ റയാൻ ക്ലബ് പ്രസിഡൻറായി ശൈഖ് അൽ ഖഅ്ഖാഅ് ബിൻ ഹമദ് ആൽഥാനിയെ തെരഞ്ഞെടുത്തു.
അലി സലിം അഫിഫയാണ് വൈസ് പ്രസിഡൻറ്. 2024 മുതൽ നാലു വർഷത്തേക്കാണ് തെരഞ്ഞെടുപ്പ്. കഴിഞ്ഞ ദിവസം നടന്ന ക്ലബ് ജനറൽ അസംബ്ലിയിലായിരുന്നു ഭരണസമിതിയെ തെരഞ്ഞെടുത്തത്. വരും സീസണുകളിൽ വിവിധ കായിക ഇനങ്ങളിലേക്കാണ് ക്ലബിനെ സജ്ജമാക്കുമെന്ന് വൈസ് പ്രസിഡൻറ് അലി സലിം അഫിഫ പറഞ്ഞു.
കായിക മേഖലയിലെ സമഗ്ര വികസനവുമായി ബന്ധപ്പെട്ട് ദീർഘകാല പദ്ധതികൾ നടപ്പാക്കുമെന്നും അവർ പറഞ്ഞു. ഖത്തർ സ്റ്റാർസ് ലീഗിലും ഖത്തർ കപ്പിലും മികച്ച പ്രകടനം കാഴ്ചവെച്ച ഫുട്ബാൾ ക്ലബിനെ ടീം മാനേജ്മെൻറ് അഭിനന്ദിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.