ശൂറാ കൗൺസിൽ – സർക്കാർ ബന്ധം സഹകരണത്തി​േൻറത്​: മുൻ ഡെപ്യൂട്ടി സ്​പീക്കർ

ദോഹ: നിയമം നടപ്പാക്കുന്നതിലും രാജ്യത്തെ വികസനം ഉറപ്പാക്കുന്നതിലും ​ശൂറാ കൗൺസിലും സർക്കാറും പ്രതിജ്ഞാ ബദ്ധരാണെന്ന്​ മുൻ ഡെപ്യൂട്ടി സ്​പീക്കർ മുഹമ്മദ് ബിൻ അബ്​ദുല്ല അസ്സുലൈതി. ഖത്തർ വാർത്താ ഏജൻസിക്ക് നൽകിയ പ്രത്യേക അഭിമുഖത്തിലാണ് അസ്സുലൈതി ഇക്കാര്യം വ്യക്തമാക്കിയത്.

നിയമം നടപ്പാക്കുന്നതിലും സ്​ഥാപനങ്ങൾ രൂപവത്​കരിക്കുന്നതിലും എക്സിക്യൂട്ടിവിനാവശ്യമായ പിന്തുണ ശൂറാ കൗൺസിൽ നൽകുന്നുണ്ട്​. നിർദേശങ്ങൾ മുന്നോട്ടുവെക്കൽ, ശിപാർശകൾ, കാഴ്ചപ്പാടുകൾ, കരടുനിയമങ്ങൾക്ക് അംഗീകാരം നൽകൽ, ആരോഗ്യകരമായ ചർച്ചകൾ എന്നിവ ഇതിലെ പ്രധാന ഘടകങ്ങളാണെന്നും അദ്ദേഹം ചൂണ്ടിക്കാട്ടി. ഖത്തറിെൻറ മുന്നേറ്റത്തിൽ ഇവ മുഖ്യ പങ്കുവഹിക്കുന്നതായും ശൂറാ കൗൺസിലും എക്സിക്യൂട്ടിവും തമ്മിലുള്ള ബന്ധം പരസ്​പരം പങ്കുവെക്കലിെൻറയും സഹകരണത്തിെൻറയും വഴിയിലൂടെയാണ്​.

ശൂറാ കൗൺസിലിന് അരനൂറ്റാണ്ടിനടുത്ത കാലത്തോളം പ്രവർത്തനപരിചയമുണ്ട്. സർക്കാറും ശൂറാ കൗൺസിലും തമ്മിൽ പതിറ്റാണ്ടുകളായി തുടരുന്ന സഹകരണത്തിെൻറയും രാഷ്​ട്രീയ പ്രവർത്തനങ്ങളുടെയും ഫലമാണിത്. ഖത്തരി സമൂഹത്തിെൻറ അസ്​തിത്വവും ക്ഷമതയും രൂപപ്പെടുത്തുന്നതിൽ ഇത് മുഖ്യ പങ്കുവഹിച്ചിട്ടുണ്ട്.

ഖത്തറിെൻറ സാമ്പത്തിക, രാഷ്​ട്രീയ, സാമൂഹിക, നിയമനിർമാണ, ഭരണഘടനാപരമായ വികാസത്തിൽ മേൽപറഞ്ഞ ഘടകങ്ങൾ വലിയ സ്വാധീനം ചെലുത്തിയിരിക്കുന്നു -ശൂറാ കൗൺസിൽ മുൻ ഡെപ്യൂട്ടി സ്​പീക്കർ പറഞ്ഞു.