ശാന്തിനികേതന്‍ സ്​കൂളിലെ ശ്യാം കൃഷ്ണക്ക്​ നാഷനല്‍ ​െഎ.സി.ടി പുരസ്കാരം

ദോഹ: ഐ.സി.ടി 2019-20 അധ്യായന വർഷത്തെ പുരസ്​കാരം ശാന്തിനികേതന്‍ ഇന്ത്യൻ സ്​കൂളിലെ ഐ.സി.ടി വിഭാഗം മേധാവി ശ്യാം കൃഷ്ണക്ക്​. ഐ.സി.ടി മേഖലയില്‍ പ്രാഗത്ഭ്യം തെളിയിച്ച സ്കൂൾ അധ്യാപകര്‍ക്ക്​ ഭാരത സര്‍ക്കാറി​‍െൻറ പുരസ്കാരം എന്‍.സി.ഇ.ആര്‍.ടിയാണ് ഏര്‍പ്പെടുത്തിയത്.

വിദ്യാര്‍ഥികളുടെ പഠനനിലവാരം മെച്ചപ്പെടുത്തുന്നതിന്​ വിവര സാങ്കേതികവിദ്യയുടെ ഫലപ്രദവും കാര്യക്ഷമവുമായ ഉപയോഗത്തിനുതകുന്ന പുതുമയാര്‍ന്ന സംവിധാനങ്ങള്‍ ആവിഷ്കരിച്ചതിനുള്ള അംഗീകാരമാണ് അവാര്‍ഡ്. പുരസ്കാരദാന ചടങ്ങി‍െൻറ തീയതികള്‍ പിന്നീട് അറിയിക്കും. സ്കൂള്‍ മാനേജ്മെൻറ്​ കമ്മിറ്റി അംഗങ്ങള്‍, പ്രിന്‍സിപ്പല്‍, വിവിധ സെക്​ഷന്‍ മേധാവികള്‍, അധ്യാപകരക്ഷാകര്‍ത്താക്കള്‍, വിദ്യാര്‍ഥികള്‍ എന്നിവര്‍ ശ്യാം കൃഷ്ണയെ അഭിനന്ദിച്ചു.

ശാന്തിനിക്തന്‍ സ്​കൂളിലെ പഠനബോധന രംഗങ്ങളിൽ വിവരസാങ്കേതികവിദ്യയുടെ ഫലപ്രദമായ ഉപയോഗത്തിന് ഉതകുന്ന നൂതന മാര്‍ഗങ്ങൾ ആവിഷ്കരിക്കുന്നതിനായി നിരന്തരം പരിശ്രമിച്ച ശ്യാംകൃഷ്ണയുടെ സ്തുത്യര്‍ഹമായ സേവനത്തെ മാനേജ്മെൻറ്​ കമ്മിറ്റി അംഗങ്ങൾ പ്രശംസിച്ചു.