ആ പാൽപുഞ്ചിരി കാത്ത്​ സിദ്​റ മെഡിസിൻ

ദോഹ: അഹ്​മദ്​ എന്ന കുഞ്ഞി​​െൻറ കുസൃതിച്ചിരിയാണ്​ സിദ്​റ മെഡിസിൻ തിരികെ നൽകിയത്​. തലയോട്ടിയിലെ  അസ്വാഭാവിക രൂപമാറ്റവുമായി ജനിച്ച കുഞ്ഞിന് സിദ്റ മെഡിസിനിൽ നടത്തിയ അപൂർവ ശസ്​ത്രക്രിയ വിജയകരം.  എൻഡോസ്​കോപി സർജറി കഴിഞ്ഞ് മാസങ്ങൾ പിന്നിടുമ്പോൾ സാധാരണ ആകൃതിയിലുള്ള തലയോട്ടിയുമായി അഹ്​മദ് വളരുകയാണ്. സ്​കഫോസെഫാലി എന്ന അപൂർവ രോഗാവസ്​ഥയുമായി ജനിച്ച കുഞ്ഞി​െൻറ എൻഡോസ്​കോപി ശസ്ത്രക്രിയ വിജയകരമായിരുന്നുവെന്ന്​ സിദ്റ മെഡിസിൻ ന്യൂറോസർജറി വകുപ്പ് അറിയിച്ചു.തലയോട്ടിയിലെ രണ്ട് പാരിയറ്റൽ എല്ലുകൾ മൂപ്പെത്തും മുമ്പ് ഒപ്പം വരുക. ഇത് കാരണം തല ഒരു ബോട്ടി​െൻറ രൂപത്തിലോ അല്ലെങ്കിൽ മുൻഭാഗത്തോ ആൻസിപിറ്റൽ ഭാഗങ്ങളിലോ നീണ്ടുനിൽക്കുന്ന അവസ്​ഥയാണ് സ്​കഫോസെഫാലി.തലയോട്ടിയിലെ അസാധാരണമായ വളർച്ച കണ്ടെത്തിയ ഡോക്ടർമാരാണ് സിദ്റയിലേക്ക് വിദഗ്ധ പരിശോധനക്കായി  റഫർ ചെയ്തത്. സിദ്റയിലെ ന്യൂറോസർജൻമാരുടെ നിരീക്ഷണത്തിൽ എൻഡോസ്​കോപി ശസ്​ത്രക്രിയക്കായി  നിർദേശിച്ചു.

സിദ്റ മെഡിസിൻ സീനിയർ പീഡിയാട്രിക് ന്യൂറോസർജനായ ഡോ. ഖാലിദ് അൽ ഖറാസിയുടെ നേതൃത്വത്തിലാണ് കുഞ്ഞി‍​െൻറ ശസ്​ത്രക്രിയ പൂർത്തിയാക്കിയത്. രണ്ടുമാസം മാത്രം പ്രായമായമുള്ള കുഞ്ഞി​​െൻറ ശസ്​ത്രക്രിയ  അതിസങ്കീർണമായിരുന്നുവെന്നും രോഗം കണ്ടെത്തിയത് നേരത്തേയായതിനാൽ കാര്യങ്ങൾ എളുപ്പമാക്കിയെന്നും ഡോ.  ഖാലിദ് അൽ ഖറാസി പറഞ്ഞു. സിദ്റയിലെ മൾട്ടിഡിസിപ്ലിനറി സർജറി സംഘമാണ് ശസ്​ത്രക്രിയക്ക് മേൽനോട്ടം വഹിച്ചത്.  ന്യൂറോ സർജറി, ക്രാനിയോഫേഷ്യൽ ആൻഡ് പ്ലാസ്​റ്റിക് സർജറി, ഒഫ്താൽമോളജി, ജെനറ്റിക്സ്​, ഇ.എൻ.ടി,  ഓർത്തോട്ടിക്സ്​ തുടങ്ങിയ വിഭാഗങ്ങളിൽനിന്നുള്ള ഫിസിഷ്യന്മാർ, സർജൻമാർ, നഴ്സുമാർ തുടങ്ങിയവരാണ് സംഘത്തിലുണ്ടായിരുന്നത്. ഡോ. മിച്് സ്​റ്റോട്​​ലൻഡ്, ഡോ. േഗ്രയം ഗ്ലാസ്​ എന്നിവരാണ് മൾട്ടിഡിസിപ്ലിനറി സർജറി  സംഘത്തിന് നേതൃത്വം നൽകുന്നത്. ലണ്ടനിലെ േഗ്രറ്റ് ഓർമോണ്ട് സ്​ട്രീറ്റ് ആശുപത്രിയിൽനിന്നുള്ള വിസിറ്റിങ്​ സർജൻ  ഡോ. ഒവാസ്​ ജീലാനിയും ശസ്​ത്രക്രിയയിൽ പങ്കെടുത്തിരുന്നു.രണ്ടു മണിക്കൂർ എൻഡോസ്​കോപി സർജറി കഴിഞ്ഞ് രണ്ട് ദിവസത്തിനുശേഷം കുഞ്ഞ്​ ആശുപത്രി വിട്ടു. മൾട്ടിഡിസിപ്ലിനറി ക്ലിനിക്കിൽ ക്രാനിയോഫേഷ്യൽ-പ്ലാസ്​റ്റിക് വിദഗ്ധരുടെ കീഴിൽ തലയോട്ടിയുടെ യഥാർഥരൂപം നൽകുന്നതിന് ഹെൽമറ്റ് തെറപ്പിക്ക് രോഗിയെ വിധേയമാക്കിയിരുന്നു.