പെട്രോൾ വിലയിൽ നേരിയ വർധന

ദോഹ: ഖത്തറിലെ പെട്രോൾ വില ലിറ്ററിന്​ രണ്ട്​ റിയാലായി ഉയർന്നു. ​ബുധനാഴ്​ച ഖത്തർ പെട്രോളിയം പുറത്തുവിട്ട പുതിയ വിലവിവരപ്പട്ടിക പ്രകാരം പ്രീമിയം പെട്രോൾ ലിറ്ററിന്​ 1.95 റിയാലും സൂപ്പർ ഗ്രേഡ്​ പെട്രോളിന്​ രണ്ട്​ റിയാലുമാണ്​ വില. ഡീസൽ ലിറ്ററിന്​ 1.90 റിയാലുമാണ്​. ജൂ​ൈലയിലെ പുതുക്കിയ വില വിവരമാണിത്​.

കഴിഞ്ഞ ഒരു വർഷത്തിനിടെ ആദ്യമായാണ്​ പെട്രോൾ വില രണ്ട്​ റിയാലിലെത്തുന്നത്​. സൂപ്പർ ഗ്രേഡ്​ പെട്രോൾ ജൂൺ മാസത്തെ വില 1.90 റിയാലിയിരുന്നു. നിലവിൽ പത്ത്​ ദിർഹം കൂടിയാണ്​ രണ്ട്​ റിയാലിലെത്തിയത്​.

ഇന്ത്യക്കാർ ഉൾപ്പെടെ ഉപയോഗം ഏറെ കൂടുതലുള്ള പ്രീമിയം പെട്രോൾ ജൂണിൽ 1.85ന്​ വിറ്റപ്പോൾ, ഇന്നു​ മുതൽ പത്ത്​ ദിർഹം ഉയർന്ന്​ 1.95 റിയാലിലെത്തി. ഡീസൽ ജൂണിൽ 1.75നായിരുന്നു ലഭ്യമായിരുന്നതെങ്കിൽ ഇപ്പോൾ 15 ദിർഹം കൂടി 1.90 റിയാലിലെത്തി. ഖത്തർ​ പെട്രോളിയമാണ്​ പുതുക്കിയ വിലവിവരം പുറത്തുവിട്ടത്​. 2020 ആഗസ്​റ്റ്​ മുതലുള്ള കണക്കു പ്രകാരം ഉയരുന്ന വില ആദ്യമായാണ്​ രണ്ട്​ റിയാലിലെത്തുന്നത്​.

2016ലാണ്​ ഊർജ-വ്യവസായ മന്ത്രാലയം രാജ്യാന്തര വിപണി നിലവാരം കൂടി പരിഗണിച്ച്​​ എണ്ണ വില നിശ്ചയിക്കാൻ തുടങ്ങിയത്​. 2017സെപ്​റ്റംബർ മുതലാണ്​ ഖത്തർ പെട്രോളിയം പ്രതിമാസ എണ്ണ വില തീരുമാനിക്കാൻ ആരംഭിച്ചത്​.

2020 ആഗസ്​റ്റ്​ മുതലുള്ള എണ്ണ വില

മാസം, പ്രീമിയം പെട്രോൾ, സൂപ്പർ ഗ്രേഡ്​ പെട്രോൾ, ഡീസൽ എന്ന ക്രമത്തിൽ

2020 ആഗ: 1.20 -1.25 -1.25

2020 സെപ്​റ്റം: 1.20 -1.25 -1.25

2020 ഒക്​ടോ: 1.25 -1.30 -1.15

2020 നവം: 1.20 -1.25 -1.10

2020 ഡിസം: 1.20 -1.25 -1.15

2021 ജനു: 1.30 -1.35 -1.30

2021 ഫെബ്രു: 1.45 -1.50 -1.45

2021 മാർച്ച്​ 1.60 -1.65 -1.60

2021 ഏപ്രിൽ 1.80 -1.85 -1.70

2021 മേയ്​ 1.80 -1.85 -1.65

2021 ജൂൺ 1.85 -1.90 -1.75