പ്രൈമറി സ്​കൂൾ ജീവനക്കാർക്കായി​ പകർച്ചപ്പനി പ്രതിരോധ കുത്തിവെ​പ്പ്​ യത്​നം

ദോഹ: പ്രൈമറി സ്​കൂളിലെയും കിൻറർഗാർട്ടനിലെയും ജീവനക്കാർക്ക്​ പകർച്ചപ്പനി പ്രതിരോധ കുത്തിവെ​പ്പ്​ ദൗത്യവുമായി ​പ്രൈമറി ഹെൽത്ത്​കെയർ കോർപറേഷൻ (പി.എച്ച്​.സി.സി). കോർപറേഷ​െൻറ കുത്തിവെപ്പ്​ കാമ്പയിനോടനുബന്ധിച്ചാണിത്​.ഞായറാഴ്​ച മുതൽ എല്ലാ പ്രൈമറി സ്​കൂളുകളിലും കിൻറർഗാർട്ടനുകളിലും സഞ്ചരിക്കുന്ന യൂനിറ്റ്​ എത്തി ജീവനക്കാർക്ക്​ കുത്തിവെ​െപ്പടുക്കുന്നുണ്ട്​. വിവിധ വിഭാഗത്തിലുള്ള ആളുകൾ​ കാമ്പയിൻ കാലയളവിൽ കുത്തിവെപ്പെടുത്തു എന്ന്​ ഉറപ്പിക്കുന്നതി​െൻറ ഭാഗമായാണിത്.​ ഇതിനായി വിദ്യാഭ്യാസ-ഉന്നതവിദ്യാഭ്യാസ മ​ന്ത്രാലയവുമായി പി.എച്ച്​.സി.സി സഹകരിച്ച്​ പ്രവർത്തിക്കുന്നുണ്ട്​. എന്നാൽ, ഇൗ പ്രത്യേക യത്​നത്തിലൂടെ സ്​കൂൾകുട്ടികൾക്ക്​ കുത്തിവെപ്പ്​ നൽകില്ല. രാജ്യത്തെ 27 ഹെൽത്ത്​ സെൻററുകൾ വഴി കുട്ടികൾക്ക്​​ പ്രതിരോധകുത്തിവെ​െപ്പടുക്കാൻ കഴിയും. കോവിഡ്​ സാഹചര്യത്തിൽ എല്ലാ വിഭാഗം ആളുകൾക്കും സുരക്ഷിതമായും വേഗത്തിലും പകർച്ചപ്പനി പ്രതിരോധ കുത്തിവെെപ്പടുക്കാനായി മൊബൈൽ വാക്​സിനേഷൻ യൂനിറ്റ്​ ഈ വർഷം പ്രവർത്തനം തുടങ്ങിയിട്ടുണ്ട്​.

ഈ വാഹനമാണ്​ സ്​കൂളുകളിലെത്തുന്നത്​. വാഹനം ഏറ്റവും തിരക്കുള്ള ഹെൽത്​സെൻററുകളിലാണ്​ ഉണ്ടാവുക.ഒക്​ടോബർ 20 മുതലാണ്​ ഖത്തറിൽ പ്രതിരോധ കുത്തിവെപ്പ്​ കാമ്പയിൻ തുടങ്ങിയത്​. 2021 മാർച്ച്​ വരെ നീളുന്ന കാമ്പയിൻ കാലയളവിൽ 5,00,000ത്തിലധികം ആളുകൾക്ക്​ കുത്തിവെപ്പ്​ നൽകുകയാണ്​ ലക്ഷ്യം.പൊതുജനാരോഗ്യ മന്ത്രാലയം, പ്രൈമറി ഹെൽത്ത്​ കോർപറേഷൻ, ഹമദ്​ മെഡിക്കൽ കോർപറേഷൻ എന്നിവ സംയുക്തമായാണ്​ കാമ്പയിൻ നടത്തുന്നത്​. അബ്ബോട്ട്, സനോഫി തുടങ്ങിയ ലോകോത്തര കമ്പനികളുടെ പ്രതിരോധ മരുന്നുകളാണ് നൽകുന്നത്​.

അമേരിക്ക, യൂറോപ്യൻ രാജ്യങ്ങളിലുൾപ്പെടെ ലോകത്ത് നിരവധി രാജ്യങ്ങളിൽ ഈ കമ്പനികളുടെ മരുന്നാണ് ഉപയോഗിക്കുന്നത്​. വളരെ സുരക്ഷിതമായ വാക്സിനാണ് ഫ്ലൂ വാക്സിൻ. ഇൻജക്​ഷൻ എടുക്കുന്ന സ്​ഥലത്ത് വേദനയും തുടർന്ന് ചെറിയ പനിയുമാണ് പാർശ്വഫലമായി പറയുന്നത്​. എന്നാൽ, വാക്സിനെടുത്ത ചുരുക്കം ആളുകളിലാണ് ഇത് പ്രകടമായിട്ടുള്ളത്​.ലോകത്ത്​ കോവിഡ്​ ഭീഷണി തുടരുന്നതിനാൽ പകർച്ചപ്പനി പ്രതിരോധ കുത്തിവെപ്പിന്​ ഇത്തവണ പ്രാധാന്യം ഏറെയാണ്​ ലോകാരോഗ്യസംഘടനയും പറയുന്നുണ്ട്​.കോവിഡ്​ സാഹചര്യം നിലനിൽക്കുന്നതിനാൽ ഈ ശൈത്യകാലത്തെ വൈറസ്​ വ്യാപനം കഴിഞ്ഞ ശൈത്യകാലത്തെ വൈറസ്​ വ്യാപനത്തിൽനിന്ന്​ ഏറെ വ്യത്യസ്​തമായിരിക്കും.

ഇതിനാൽ കൂടുതൽ ജാഗ്രത പാലിക്കണം. പകർച്ചപ്പനി ചില ആളുകളിൽ അപകടകരമാവാം. വയസ്സ്​​, ആരോഗ്യനില, തുടങ്ങിയവ അടിസ്​ഥാനത്തിൽ പകർച്ചപ്പനി മാരകമായി മാറാനും സാധ്യതയുണ്ട്​. വർഷത്തിൽ ലോകത്താകമാനം പകർച്ചപ്പനി മൂലം 6,50,000 മരണങ്ങൾ സംഭവിക്കാറു​െണ്ടന്നാണ്​ ലോകാരോഗ്യസംഘടനയുടെ കണക്കുകൾ പറയുന്നത്​.

പകര്‍ച്ചവ്യാധികള്‍കൊണ്ട് കൂടുതല്‍ ബുദ്ധിമുട്ട് നേരിടാനിടയുള്ള നിത്യരോഗികളും കാലാവസ്ഥാ പനിയെ പ്രതിരോധിക്കാന്‍ കുത്തിവെപ്പ് എടുക്കേണ്ടതാണ്. നിത്യരോഗങ്ങളായ പ്രമേഹം, ആസ്ത്​മ, ഹൃദയശ്വാസകോശ രോഗങ്ങള്‍, വൃക്ക, അര്‍ബുദ രോഗികള്‍, 65 വയസ്സിനു മുകളിലുള്ളവര്‍, ആറു മാസത്തിനും അഞ്ചു വയസ്സിനുമിടയിലുള്ള കുട്ടികള്‍, ഗര്‍ഭിണികള്‍, ആരോഗ്യ പ്രവര്‍ത്തകര്‍ എന്നിവര്‍ നിര്‍ബന്ധമായും കുത്തിവെപ്പെടുക്കണം.കുട്ടികളെ കുത്തിവെപ്പെടുപ്പിക്കാന്‍ രക്ഷിതാക്കള്‍ പ്രത്യേകം ശ്രദ്ധിക്കണം. പകര്‍ച്ചവ്യാധികള്‍ കുട്ടികളിൽ കൂടുതല്‍ സങ്കീര്‍ണതകള്‍ സൃഷ്​ടിക്കുന്നുവെന്നും അധികൃതർ പറയുന്നു.