സൂ​ഖ് വാ​ഖി​ഫ് ഈ​ത്ത​പ്പ​ഴ, തേ​ൻ മേ​ള​ക​ൾ ഫെ​ബ്രു​വ​രി​യി​ൽ

ദോ​ഹ: സൂ​ഖ്​ വാ​ഖി​ഫി​ൽ മ​ധു​ര​മൊ​ഴു​കു​ന്ന പ്ര​ദ​ർ​ശ​ന​ങ്ങ​ൾ​ക്ക്​ ഫെ​ബ്രു​വ​രി​യി​ൽ കൊ​ടി​യേ​റും. ഖ​ത്ത​റി​ലെ​യും ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ലെ​യും തേ​ൻ ഉ​ൽ​പാ​ദ​ക​ർ സം​ഗ​മി​ക്കു​ന്ന അ​ന്താ​രാ​ഷ്​​ട്ര ഹ​ണി എ​ക്​​സി​ബി​ഷ​ൻ ഫെ​ബ്രു​വ​രി പ​ത്ത്​ മു​ത​ൽ 15വ​രെ ന​ട​ക്കും. തൊ​ട്ടു​പി​റ​കെ, ശ്ര​ദ്ധേ​യ​മാ​യി ഈ​ത്ത​പ്പ​ഴ മേ​ള​ക്കും സൂ​ഖ്​ സാ​ക്ഷ്യം വ​ഹി​ക്കും. ​മേ​ഖ​ല​യി​ലെ സ​ന്ദ​ർ​ശ​ക​രെ ആ​ക​ർ​ഷി​ക്കു​ന്ന ഈ​ത്ത​പ്പ​ഴ മേ​ള ഫെ​ബ്രു​വ​രി 25മു​ത​ൽ മാ​ർ​ച്ച്​ അ​ഞ്ച്​ വ​രെ നീ​ളും.

പ്ര​ദ​ർ​ശ​ന​ങ്ങ​ളു​ടെ സ്​​റ്റാ​ൾ ബു​ക്കി​ങ്​ ആ​രം​ഭി​ച്ച​താ​യി സൂ​ഖ്​ വാ​ഖി​ഫ്​ അ​ധി​കൃ​ത​ർ അ​റി​യി​ച്ചു. exhibition.souqwaqif.qa വെ​ബ്​​സൈ​റ്റ്​ വ​ഴി പ്ര​ദ​ർ​ശ​ക​ർ​ക്ക്​ ബു​ക്ക്​ ചെ​യ്യാ​വു​ന്ന​താ​ണ്. 5000 റി​യാ​ലാ​ണ്​ സെ​ക്യൂ​രി​റ്റി ഡെ​പ്പോ​സി​റ്റ്. പ​​ങ്കെ​ടു​ക്കു​ന്ന​വ​ർ​ക്ക്​ 500 കി​ലോ വ​രെ തേ​നും ഒ​രു ട​ൺ വ​രെ ഈ​ത്ത​പ്പ​ഴ​വും ക​യ​റ്റു​മ​തി ചെ​യ്യാ​ൻ അ​നു​വാ​ദ​മു​ണ്ടാ​കും. ര​ജി​സ്​​ട്രേ​ഷ​നു പി​ന്നാ​ലെ 5000 റി​യാ​ൽ​വ​രെ ഇ​ൻ​ഷു​റ​ൻ​സ്​ ഇ​ള​വും ല​ഭി​ക്കും. പ​​ങ്കെ​ടു​ക്കു​ന്ന​വ​ർ​ക്ക് വി​വി​ധ ഡി​സ്​​കൗ​ണ്ടു​ക​ളും ല​ഭ്യ​മാ​കു​മെ​ന്ന്​ അ​ധി​കൃ​ത​ർ അ​റി​യി​ച്ചു. ക​ഴി​ഞ്ഞ വ​ർ​ഷ​ത്തെ ഈ​ത്ത​പ്പ​ഴ മേ​ള​യി​ൽ 25 രാ​ജ്യ​ങ്ങ​ളി​ൽ നി​ന്ന് 160ഓ​ളം ഫാ​മു​ക​ളാ​ണ്​ പ​​ങ്കെ​ടു​ത്ത​ത്.