കായിക ദിനം: സ്പെഷൽ ഓഫറുമായി ഖത്തർ എയർവേസ്
text_fieldsദോഹ: ദേശീയ കായികദിനാഘോഷങ്ങളുടെ ഭാഗമായി ടിക്കറ്റ് നിരക്കിൽ ഇളവുകൾ പ്രഖ്യാപിച്ച് ഖത്തർ എയർവേസ്. ഫെബ്രുവരി ഏഴു മുതൽ 11 വരെ അഞ്ചു ദിവസത്തേക്കാണ് 35 ശതമാനം വരെ ഇളവുകൾ പ്രഖ്യാപിച്ചത്. 140 മേഖലകളിലേക്കുള്ള പ്രീമിയം, ഇക്കോണമി ക്ലാസുകളിലെ ബുക്കിങ്ങിൽ ഇളവുകൾ ലഭിക്കുമെന്ന് കമ്പനി അറിയിച്ചു.
ഒക്ടോബർ 31 വരെയുള്ള ടിക്കറ്റുകൾക്കായിരിക്കും ദേശീയ കായിക ദിനത്തിന്റെ ഇളവുകൾ ലഭിക്കുക. qatarairways.com/qsd എന്ന ലിങ്ക് വഴി ടിക്കറ്റ് ബുക്ക് ചെയ്യാവുന്നതാണ്.
ഇതിനു പുറമെ, ലോകകപ്പ് ഉദ്ഘാടന മത്സരങ്ങൾക്കുള്ള രണ്ട് ടിക്കറ്റുകൾ, രണ്ട് വിജയികൾക്ക് ഇഷ്ടപ്പെട്ട സ്പോർട്സ് കേന്ദ്രത്തിലേക്കുള്ള വിമാന ടിക്കറ്റ് ഉൾപ്പെടെ നൂറിലേറെ പേർക്ക് സമ്മാനങ്ങളും ഓഫർ ചെയ്യുന്നുണ്ട്.
ഫിഫ ലോകകപ്പിന്റെ ഔദ്യോഗിക സ്പോൺസർമാരിൽ ഒരാൾകൂടിയാണ് ദേശീയ വിമാനകമ്പനിയായ ഖത്തർ എയർവേസ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.