സ്റ്റാ​ർ​സ് ലീ​ഗ് ഫു​ട്ബാ​ൾ ഒ​ന്നാം ​റൗ​ണ്ട് ഷെ​ഡ്യൂ​ൾ പ്ര​ഖ്യാ​പി​ച്ചു

ദോ​ഹ: രാ​ജ്യ​ത്തെ ഒ​ന്നാം ഡി​വി​ഷ​ൻ ഫു​ട്ബാ​ൾ ലീ​ഗാ​യ സ്റ്റാ​ർ​സ് ലീ​ഗി​ന്റെ ഷെ​ഡ്യൂ​ൾ പ്ര​ഖ്യാ​പി​ച്ചു. ആ​ഗ​സ്റ്റ് ഒ​മ്പ​തി​ന് അ​ഹ്മ​ദ് ബി​ൻ അ​ലി സ്റ്റേ​ഡി​യ​ത്തി​ൽ ഉ​ദ്ഘാ​ട​ന മ​ത്സ​ര​ത്തി​ൽ അ​ൽ റ​യ്യാ​ൻ സ​ലാ​ലി​നെ നേ​രി​ടും. ഇ​തേ​ദി​വ​സം അ​ൽ ബൈ​ത് സ്റ്റേ​ഡി​യ​ത്തി​ൽ മ​റ്റൊ​രു മ​ത്സ​ര​ത്തി​ൽ അ​ൽ ഖോ​ർ അ​ൽ ഗ​രാ​ഫ​യു​മാ​യി ഏ​റ്റു​മു​ട്ടും. ആ​ഗ​സ്റ്റ് പ​ത്തി​ന് ഖ​ലീ​ഫ ഇ​ന്റ​ർ​നാ​ഷ​ന​ൽ സ്റ്റേ​ഡി​യ​ത്തി​ൽ ഖ​ത്ത​ർ എ​സ്.​സി അ​ൽ ദു​ഹൈ​ലി​നെ​യും അ​ഹ്മ​ദ് ബി​ൻ അ​ലി സ്റ്റേ​ഡി​യ​ത്തി​ൽ അ​ൽ ഷ​മാ​ൽ നി​ല​വി​ലെ ചാ​മ്പ്യ​ന്മാ​രാ​യ അ​ൽ സ​ദ്ദി​നെ​യും എ​തി​രി​ടും. 11ന് ​ജ​നൂ​ബ് സ്റ്റേ​ഡി​യ​ത്തി​ൽ വ​ക്റ അ​ൽ അ​ഹ്‍ലി​യു​മാ​യും തു​മാ​മ സ്റ്റേ​ഡി​യ​ത്തി​ൽ അ​ൽ അ​റ​ബി അ​ൽ ഷ​ഹാ​നി​യ​യു​മാ​യും ഏ​റ്റു​മു​ട്ടു​ന്ന​തോ​ടെ ആ​ദ്യ റൗ​ണ്ട് സ​മാ​പി​ക്കും.

നേ​ര​ത്തേ മു​ഴു​വ​ൻ ഷെ​ഡ്യൂ​ളും പു​റ​ത്തു​വി​ട്ടി​രു​ന്നു​വെ​ങ്കി​ലും വി​വി​ധ ഏ​ഷ്യ​ൻ ടൂ​ർ​​ണ​മെ​ന്റു​ക​ളി​ലെ ഖ​ത്ത​രി ക്ല​ബു​ക​ളു​ടെ പ​ങ്കാ​ളി​ത്തം ക​ണ​ക്കി​ലെ​ടു​ത്ത് ഷെ​ഡ്യൂ​ൾ പു​നഃ​ക്ര​മീ​ക​രി​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു. ബാ​ക്കി റൗ​ണ്ട് ഷെ​ഡ്യൂ​ൾ മൂ​ന്നാ​ഴ്ച​ക്കു​ശേ​ഷം പ്ര​ഖ്യാ​പി​ക്കും. ഖ​ത്ത​റി​ൽ​നി​ന്ന് അ​ൽ സ​ദ്ദും അ​ൽ റ​യ്യാ​നും എ.​എ​ഫ്.​സി ചാ​മ്പ്യ​ൻ​സ് ലീ​ഗ് എ​ലൈ​റ്റി​ൽ ക​ളി​ക്കു​ന്നു​ണ്ട്. പ്ലേ ​ഓ​ഫി​ലൂ​ടെ ഇ​ടം​നേ​ടാ​ൻ അ​ൽ ഗ​രാ​ഫ​യും ശ്ര​മി​ക്കു​ന്നു. അ​ൽ വ​ക്റ ചാ​മ്പ്യ​ൻ​സ് ലീ​ഗ് ര​ണ്ടി​ലും അ​ൽ അ​റ​ബി ഗ​ൾ​ഫ് ചാ​മ്പ്യ​ൻ​സ് ലീ​ഗി​ലും മ​ത്സ​രി​ക്കും. എ.​എ​ഫ്.​സി ഗ്രൂ​പ് ന​റു​ക്കെ​ടു​പ്പും ഷെ​ഡ്യൂ​ൾ പ്ര​ഖ്യാ​പ​ന​വും ന​ട​ത്തി​യി​ട്ടി​ല്ല.

ക​ഴി​ഞ്ഞ സീ​സ​ണി​ൽ അ​ൽ സ​ദ്ദി​ന് പി​റ​കി​ൽ അ​ൽ റ​യ്യാ​ൻ ര​ണ്ടാം സ്ഥാ​ന​വും അ​ൽ ഗ​റാ​ഫ മൂ​ന്നാം സ്ഥാ​ന​വും സ്വ​ന്ത​മാ​ക്കി. അ​ൽ വ​ക്റ, അ​ൽ അ​റ​ബി, അ​ൽ ദു​ഹൈ​ൽ, ഖ​ത്ത​ർ എ​ഫ്.​സി, അ​ൽ ഷ​മ​ൽ, അ​ൽ അ​ഹ്‍ലി, അ​ൽ മ​ർ​ഖി​യ, മു​ഐ​തി​ർ എ​ന്നി​വ​യാ​യി​രു​ന്നു യ​ഥാ​ക്ര​മം അ​ടു​ത്ത സ്ഥാ​ന​ങ്ങ​ളി​ൽ. 26 ഗോ​ൾ നേ​ടി അ​ൽ സ​ദ്ദി​ന്റെ അ​ക്റം ആ​തി​ഫ് ടോ​പ് സ്കോ​റ​റാ​യി. ടീ​മു​ക​ൾ വി​ദേ​ശ​ത്ത് പ​രി​ശീ​ല​ന ക്യാ​മ്പു​ക​ൾ​ക്ക് ഈ​യാ​ഴ്ച പോ​യി​ത്തു​ട​ങ്ങും.