വിമാനമുടക്കം അവസാനിക്കുന്നില്ല; ചൊവ്വാഴ്ചത്തെ ദോഹയിലേക്കുള്ള രണ്ട് സർവീസുകൾ റദ്ദാക്കി

ദോഹ: ​കോഴിക്കോട്, കണ്ണൂർ വിമാനത്താവളങ്ങളിൽ നിന്നും ദോഹയിലേക്കുള്ള ചൊവ്വാഴ്ചത്തെ എയർ ഇന്ത്യ എക്സ്പ്രസ് വിമാനങ്ങൾ റദ്ദാക്കി. രാവിലെ 9.35ന് കോഴിക്കോട് നിന്നുള്ള ഐ.എക്സ് 375 വിമാനവും, വൈകുന്നേരം 5.45 കണ്ണൂരിൽ നിന്നും പുറ​പ്പെടേണ്ടിയിരുന്ന ഐ.എക്സ് 773 വിമാനവുമാണ് ചൊവ്വാഴ്ച റദ്ദാക്കിയത്. നേരത്തെ ഷെഡ്യൂൾ ചെയ്ത ശേഷമായിരുന്നു വിമാനങ്ങൾ സർവീസ് റദ്ദാക്കിയത്.

ഇതോടെ, ഉച്ച 12.35ന്റെ ദോഹ- കോഴിക്കോട്, രാത്രി 8.50നുള്ള ദോഹ-കണ്ണൂർ സർവീസും മുടങ്ങി. തിങ്കളാഴ്ചയും കോഴിക്കോട്-ദോഹ, കൊച്ചി-ദോഹ സർവീസുകൾ മുടങ്ങിയിരുന്നു.