സ്​കോളർഷിപ് വാഗ്ദാനങ്ങളിൽ ജാഗ്രത പാലിക്കണമെന്ന്​ നി​ർദേശം

ദോഹ: വിദേശരാജ്യങ്ങളിൽ ഉന്നത പഠനങ്ങൾക്കുള്ള സ്കോളര്‍ഷിപ് വാഗ്ദാനങ്ങളില്‍ കുടുങ്ങുന്നവര്‍ക്ക് മുന്നറിയിപ്പുമായി വിദേശകാര്യ മന്ത്രാലയം. വിദേശത്ത് പഠനം വാഗ്ദാനം ചെയ്ത് ഓണ്‍ലൈന്‍ വഴിയുള്ള ഇത്തരം വാഗ്ദാനങ്ങളില്‍ മന്ത്രാലയത്തിന് ഉത്തരവാദിത്തമില്ലെന്ന്​ സമൂഹ മാധ്യമങ്ങളിലൂടെ നൽകിയ മുന്നറിയിപ്പിൽ വിദേശകാര്യ മന്ത്രാലയം വ്യക്​തമാക്കി. സര്‍ക്കാര്‍ പദ്ധതി എന്ന രീതിയില്‍ തെറ്റിദ്ധരിപ്പിച്ചാണ് വിദ്യാര്‍ഥികളെ വഞ്ചിക്കുന്നത്. ഇത്തരം തട്ടിപ്പുകളിൽ നിന്നും അകലം പാലിക്കണമെന്നും പൗരന്മാരോടും ​താമസക്കാരോടുമായി മന്ത്രാലയം മുന്നറിയിപ്പ്​ നൽകി.