താനൂർ കൂട്ടായ്മ കായിക ദിനാഘോഷം
text_fieldsതാനൂർ എക്സ്പാറ്റ്സ് ഓഫ് ഖത്തർ ദേശീയ കായികദിന പരിപാടിയിൽ പങ്കെടുത്തവർ
ദോഹ: താനൂർ എക്സ്പാറ്റ്സ് ഓഫ് ഖത്തർ ദേശീയ കായിക ദിനത്തിന്റെ ഭാഗമായി അൽ ജസീറ അക്കാദമിയിൽ ടെക്ക് സ്പോർട്സ് മീറ്റ് സംഘടിപ്പിച്ചു. വിവിധ പരിപാടികളിലായി ഇരുന്നൂറിലധികം ആളുകൾ പങ്കെടുത്തു.
ക്രിക്കറ്റ്, ഫുട്ബാൾ, വോളിബാൾ, ബാഡ്മിന്റൺ, പെനാൽറ്റി ഷൂട്ടൗട്ട്, ബാസ്കറ്റ്ബാൾ, പഞ്ചഗുസ്തി, വടംവലി, കൂടാതെ കുട്ടികൾക്ക് വേണ്ടിയുള്ള കായിക മത്സരങ്ങളും നടന്നു. തുനീഷ്യൻ അത്ലറ്റും ഗിന്നസ് വേൾഡ് റെക്കോഡ് ഉടമയുമായ നാസറുദ്ദീൻ മൻസൂർ മാർച്ച് പാസ്റ്റിന് സല്യൂട്ട് സ്വീകരിച്ചു.
സമ്മാന വിതരണ ചടങ്ങിൽ റീട്ടെയിൽ മാർട്ട് ബിസിനസ് ഡെവലപ്മെന്റ് മാനേജർ ഹസ്ഫർ റഹ്മാൻ, കല്യാൺ സിൽക്സ് ഖത്തർ മാനേജർ ഗോകുൽ എന്നിവർ സമ്മാനങ്ങൾ നൽകി. റണ്ണർഅപ് ട്രോഫി ഡ്രോലൈൻസ് മാനേജിങ് പാർട്ണർ ജഹ്ഫർഖാൻ കൈമാറി.
ചാമ്പ്യൻസ് ട്രോഫി പ്രോഗ്രാം ഡയറക്ടർ നിസാർ സമ്മാനിച്ചു. സംഘടന പ്രസിഡന്റ് രതീഷ് കളത്തിങ്ങൽ, ട്രഷറർ ഉമർ മുക്താർ, രക്ഷാധികാരി മൂസ താനൂർ എന്നിവർ നേതൃത്വം നൽകി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.