എ.​എ​ഫ്.​സി അ​വാ​ർ​ഡു​ക​ൾ തി​രി​കെ​യെ​ത്തു​ന്നു; ദോ​ഹ വേ​ദി​യാ​വും

ദോ​ഹ: കോ​വി​ഡ് തീ​ർ​ത്ത ഇ​ട​വേ​ള​ക്കു​ശേ​ഷം തി​രി​കെ​യെ​ത്തു​ന്ന ഏ​ഷ്യ​ൻ ഫു​ട്ബാ​ൾ പു​ര​സ്കാ​ര​വി​ത​ര​ണ​ത്തി​ന് ആ​തി​ഥേ​യ​രാ​കാ​ൻ ഒ​രു​ങ്ങി ഖ​ത്ത​ർ. ഒ​ക്ടോ​ബ​ർ 31ന് ​ഖ​ത്ത​ർ നാ​ഷ​ന​ൽ ക​ൺ​വെ​ൻ​ഷ​ൻ സെ​ന്റ​റി​ലാ​ണ് വ​ൻ​ക​ര​യു​ടെ ഏ​റ്റ​വും മി​ക​ച്ച ഫു​ട്ബാ​ൾ താ​ര​ങ്ങ​ൾ​ക്കു​ള്ള പു​ര​സ്കാ​ര പ്ര​ഖ്യാ​പ​നം. എ.​എ​ഫ്.​സി​യു​ടെ ഗ്ലോ​ബ​ൽ പാ​ർ​ട്ട്ണ​റാ​യ നി​യോം ക്യു.​എ​ൻ.​സി.​സി​യി​ലെ ഐ​ക്ക​ണി​ക് അ​ൽ മ​യാ​സ തി​യ​റ്റ​റി​ൽ ന​ട​ക്കു​ന്ന എ.​എ​ഫ്.​സി അ​വാ​ർ​ഡി​ന്റെ 27ാമ​ത് പ​തി​പ്പി​ൽ ഏ​റ്റ​വും പു​തി​യ പ്ലെ​യ​ർ ഓ​ഫ് ദി ​ഇ​യ​ർ, എ.​എ​ഫ്.​സി വു​മ​ൺ​സ് പ്ലെ​യ​ർ ഓ​ഫ് ദി ​ഇ​യ​ർ എ​ന്നി​വ​രെ പ്ര​ഖ്യാ​പി​ക്കും.

പു​രു​ഷ വി​ഭാ​ഗ​ത്തി​ൽ ഖ​ത്ത​റി​ന്റെ അ​ൽ മു​ഈ​സ് അ​ലി, ആ​സ്‌​ട്രേ​ലി​യ​യു​ടെ മാ​ത്യു ലെ​ക്കി, സൗ​ദി അ​റേ​ബ്യ​യു​ടെ സാ​ലിം അ​ൽ ദൗ​സ​രി എ​ന്നി​വ​രും വ​നി​ത വി​ഭാ​ഗ​ത്തി​ൽ ആ​സ്‌​ട്രേ​ലി​യ​യു​ടെ സാ​മ​ന്ത കെ​ർ, ചൈ​ന​യു​ടെ ഷാ​ങ് ലി​ൻ​യാ​ൻ, ജ​പ്പാ​ന്റെ സാ​കി കു​മാ​ഗെ എ​ന്നി​വ​രു​മാ​ണ് അ​ന്തി​മ പ​ട്ടി​ക​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ടി​രി​ക്കു​ന്ന​ത്.

ഖ​ത്ത​ർ ആ​ദ്യ​മാ​യി ആ​തി​ഥേ​യ​ത്വം വ​ഹി​ക്കു​ന്ന എ.​എ​ഫ്.​സി വാ​ർ​ഷി​ക അ​വാ​ർ​ഡ് രാ​ത്രി എ​ട്ടി​ന് ആ​രം​ഭി​ക്കും. ഏ​ഷ്യ​ൻ ഫു​ട്‌​ബാ​ൾ ആ​രാ​ധ​ക​ർ​ക്ക് എ.​എ​ഫ്.​സി​യു​ടെ ഡി​ജി​റ്റ​ൽ ചാ​ന​ലു​ക​ളി​ൽ തി​ള​ങ്ങു​ന്ന ഗാ​ല​യി​ൽ​നി​ന്നു​ള്ള മു​ഴു​വ​ൻ ദൃ​ശ്യ​ങ്ങ​ളും എ​ക്‌​സ്‌​ക്ലൂ​സി​വാ​യി കാ​ണാ​ൻ സാ​ധി​ക്കും. 2019നു​ശേ​ഷം ആ​ദ്യ​മാ​യാ​ണ് എ.​എ​ഫ്.​സി വാ​ർ​ഷി​ക അ​വാ​ർ​ഡു​ക​ൾ​ക്ക് വീ​ണ്ടും വേ​ദി​യാ​കു​ന്ന​ത്. എ.​എ​ഫ്.​സി ക​ല​ണ്ട​റി​ലെ ഏ​റ്റ​വും ശ്ര​ദ്ധേ​യ പ​രി​പാ​ടി​ക​ളി​ലൊ​ന്നാ​യ വാ​ർ​ഷി​ക അ​വാ​ർ​ഡ്ദാ​ന ച​ട​ങ്ങി​ൽ ആ​കെ 18 അം​ഗീ​കാ​ര​ങ്ങ​ളാ​ണ് പ്ര​ഖ്യാ​പി​ക്ക​പ്പെ​ടു​ക. മി​ക​ച്ച താ​ര​ങ്ങ​ൾ​ക്കു പു​റ​മേ, ഏ​ഷ്യ​യി​ൽ​നി​ന്നു​ള്ള മി​ക​ച്ച അ​ന്താ​രാ​ഷ്ട്ര പു​രു​ഷ താ​രം, വ​നി​ത താ​രം, എ.​എ​ഫ്.​സി ഫു​ട്‌​സാ​ൽ പ്ലെ​യ​ർ ഓ​ഫ് ദി ​ഇ​യ​ർ, മി​ക​ച്ച പ​രി​ശീ​ല​ക​ൻ, പ​രി​ശീ​ല​ക, മി​ക​ച്ച പു​രു​ഷ-​വ​നി​ത യു​വ​താ​ര​ങ്ങ​ൾ, പ്ലാ​റ്റി​നം, ഡ​യ​മ​ണ്ട്, ഗോ​ൾ​ഡ്, റൂ​ബി വി​ഭാ​ഗ​ങ്ങ​ളി​ലെ മി​ക​ച്ച അ​സോ​സി​യേ​ഷ​ൻ അം​ഗ​രാ​ജ്യം, മി​ക​ച്ച റീ​ജ​ന​ൽ അ​സോ​സി​യേ​ഷ​ൻ, ഗ്രാ​സ്‌​റൂ​ട്ട്‌​സ് ഫു​ട്‌​ബാ​ളി​നു​ള്ള എ.​എ​ഫ്.​സി പ്ര​സി​ഡ​ന്റ് അം​ഗീ​കാ​രം, മി​ക​ച്ച റ​ഫ​റി​മാ​ർ​ക്കു​ള്ള പ്ര​ത്യേ​ക അ​വാ​ർ​ഡ് എ​ന്നി​വ ഇ​തി​ലു​ൾ​പ്പെ​ടു​ന്നു.