ശൂറ കൗൺസിൽ​ തെരഞ്ഞെടുപ്പിനൊരുങ്ങി രാജ്യം

ദോഹ: ഖത്തറിൻെറയും ഗൾഫ്​ രാജ്യങ്ങളുടെ ചരിത്രത്തിലെ വഴിത്തിരിവായി മാറുന്ന ശൂറ കൗൺസിൽ തെരഞ്ഞെടുപ്പ്​ വിജ്ഞാപനം അമീർ ശൈഖ്​ തമിം ബിൻ ഹമദ്​ ആൽഥാനി പുറത്തിറക്കി. തെരഞ്ഞെടുപ്പിനുള്ള 30 ഇലക്​ടറൽ ജില്ലകൾ അമീർ പ്രഖ്യാപിച്ചു. ഈ വർഷം ഒക്​ടോബറിലാണ്​ ജനാധിപത്യ രീതിയിലെ ശൂറ കൗൺസിൽ തെരഞ്ഞെടുപ്പ്​ നടക്കുന്നത്​. ഓരോ ജില്ലയിൽനിന്നും​ ഒരു പ്രതിനിധിയെ വീതം തെരഞ്ഞെടുക്കുന്നതാവും വോ​ട്ടെടുപ്പ്​ ക്രമം. തെരഞ്ഞെടുക്കപ്പെടുന്ന പ്രതിനിധികളുടെയും കൗൺസിൽ മേധാവികളുടെയും സംബന്ധമായ നിയമങ്ങളും വ്യവസ്ഥകളും പുറത്തിറക്കി. പ്രസിഡൻറ്​, വൈസ്​ പ്രസിഡൻറ്​, അംഗങ്ങൾ എന്നിവരുടെ വേതനങ്ങൾ, ശൂറ കൗൺസിൽ അംഗങ്ങളുടെ ചുമതലകൾ, അവരെ ബാധിക്കുന്ന നിയമങ്ങൾ, വിട്ടു​നിൽകേണ്ട കാര്യങ്ങൾ തുടങ്ങിയവയും ഉത്തരവിലുണ്ട്​. അമിരി ദിവാൻ പുറത്തിറക്കിയ ഔദ്യോഗിക വിജ്ഞാപനത്തിലാണ്​ കാര്യങ്ങളെല്ലാം വ്യക്​തമാക്കുന്നത്​.

കൗൺസിലിൻെറ അധ്യക്ഷനാവുന്ന ചെയർമാന്​ രണ്ട്​ ലക്ഷം റിയാലാണ്​ പ്രതിമാസ വേതനം. വൈസ്​ പ്രസിഡൻറിന്​ 1.5 ലക്ഷം റിയാലും, അംഗങ്ങൾക്ക്​ ഒരു ലക്ഷം റിയാൽ വീതവുമാണ്​ വേതനം. മത്സരിക്കുന്നവർക്ക്​ വേണ്ട മാനദണ്ഡങ്ങളും കഴിഞ്ഞ ദിവസം പുറത്തിറക്കി. ഖത്തർ പൗരൻ ആയിരിക്കണം, നാമനിർദേശം സമർപ്പിക്കുന്നതിനു​ മു​േമ്പ 30 വയസ്സ്​ തികത്തിരിക്കണം, അറബിക്​ വായിക്കാനും, എഴുതാനും അറിഞ്ഞിരിക്കണം, മത്സരിക്കാൻ ആഗ്രഹിക്കുന്ന ഇലക്​ടറൽ ജില്ലയിൽതന്നെയുള്ള രജിസ്​ട്രേഷനുള്ള ആളായിരിക്കണം, സത്യസന്ധതയും, നല്ല വ്യക്തിത്വവുമുള്ളയാളായിരിക്കണം, ഏതെങ്കിലും കുറ്റകൃത്യങ്ങളിലോ മറ്റുകേസുകളിലോ പങ്കാളിയായിരിക്കരുത്​ എന്നിങ്ങനെയാണ്​ നാമനിർദേശം നൽകാനുള്ള യോഗ്യതകൾ.

മന്ത്രിസഭ അംഗങ്ങൾ, നീതിന്യായ സമിതി അംഗങ്ങൾ, സൈനിക ഉദ്യോഗസ്ഥർ, സെൻട്രൽ മുൻസിപ്പാലിറ്റി അംഗങ്ങൾ തുടങ്ങിയവർക്ക്​ നേരിട്ട്​ നാമനിർദേശം സമർപ്പിക്കാൻ കഴിയില്ല. എന്നാൽ, സ്​ഥാനാർഥി നിർണയ കമ്മിറ്റിക്ക്​ ഇക്കാര്യത്തിൽ തീരുമാനമെടുക്കാം.

കഴിഞ്ഞ വർഷം നവംബർ മൂന്നിന് ശൂറ കൗൺസിലി​െൻറ 49ാം സെഷനിൽ അമീർ ശൈഖ് തമീം ബിൻ ഹമദ് ആൽഥാനിയാണ് ശൂറ കൗൺസിലിലേക്ക് തെരഞ്ഞെടുപ്പ് പ്രഖ്യാപിച്ചത്. അമീറി​െൻറ പ്രഖ്യാപനം വന്നത് മുതൽ തെരഞ്ഞെടുപ്പിനുള്ള ഒരുക്കം ആരംഭിച്ചിട്ടുണ്ട്​.

പ്രത്യേക സമിതിയുടെ മേൽനോട്ടത്തിലാണ്​ തെരഞ്ഞെടുപ്പ്​ നടപടികൾ നടത്തുന്നതും ഏകോപിപ്പിക്കുന്നതും.

അമീറിൻെറ നി​ദേശ​ത്തെ തുടർന്നായിരുന്നു സമിതി രൂപവത്​കരിച്ചത്​. പ്രധാനമന്ത്രിയും ആഭ്യന്തരമന്ത്രിയുമായ ശൈഖ് അബ്​ദുല്ല ബിൻ നാസർ ബിൻ ഖലീഫ ആൽഥാനിയാണ്​ സമിതി അധ്യക്ഷൻ. മന്ത്രിമാരും ഉന്നത വ്യക്തികളും വിദഗ്ധരും സമിതിയിൽ അംഗങ്ങളായിരിക്കും. അതിനു പുറമെ, പ്രധാനമന്ത്രിയുടെ നിർദേശ പ്രകാരം പ്രത്യേക മേൽനോട്ട സമിതിയും രൂപീകരിച്ചിട്ടുണ്ട്​. ആഭ്യന്തര മന്ത്രാലയത്തിലെ തെരഞ്ഞെടുപ്പ് വിഭാഗം മേധാവി മേജർ ജനറൽ മാജിദ് ഇബ്രാഹിം അൽ ഖുലൈഫിയാണ്​ മേൽനോട്ട സമിതി അധ്യക്ഷൻ.

30 ഇലക്​ടറൽ ജില്ലകൾ

​ഫരീജ്​ അൽ കുലൈഫത്​, ഫരീജ്​ അൽ ഹത്​മി, ഫരീജ്​ അൽ സലാത, അൽ മിർഖബ്​, ഓൾഡ്​ അൽഗനിം, മിശൈരിബ്​, അൽ ജസ്​റ, അൽ ബിദ്ദ, ബർഹത്​ അൽ ജഫയ്​രി, ദോഹ അൽ ജദീദ, റൗദത്​ അൽ ഖൈൽ, അൽ റുമൈല, ഫരീജ്​ അൽ നജദ, സൗത്ത്​​ അൽ വക്​റ, നോർത്ത്​​ അൽ വക്​റ, സയ്​ലിയ, ഓൾഡ്​ റയ്യാൻ, അൽ ക​റയ്​തിയ, അൽ ദായൻ, അൽകോർ ദഖീറ, അൽ മഷ്​റബ്​, അൽ ഗരിയ, അൽ റുവൈസ്​, അബ ദലൗഫ്​, അൽ ജുമൈൽ, അൽ കുവാരിയ, അൽ നസ്​റനിയ, ദുകാൻ, അൽ കർസാ-ഉമ്മത്​ സാവി, റൗദത്​ റാഷിദ്​.

ആഗസ്​റ്റ്​ ഒന്നു​ മുതൽ വോട്ടുറപ്പിക്കാം

ദോഹ: ശൂറാ കൗൺസിൽ തെരഞ്ഞെടുപ്പിന്​ മുന്നോടിയായി ഖത്തർ പൗരന്മാർക്ക്​ വോട്ടർ പട്ടികയിൽ ആഗസ്​റ്റ്​ ഒന്നു​ മുതൽ പേരു ചേർക്കാമെന്ന്​ പ്രധാനമന്ത്രിയും ആഭ്യന്തര മന്ത്രിയുമായ ശൈഖ്​ ഖാലിദ്​​ ബിൻ ഖലീഫ ബിൻ അബ്​ദുൽ അസിസ്​ ആൽഥാനി. രാജ്യത്തി​െൻറ ചരിത്ര ദൗത്യത്തിൽ ഓരോ പൗരനും പങ്കാളിയാവണം. ഖത്തർ പൗരന്മാർ പൊതുകാര്യങ്ങളിൽ പങ്കാളികളാകുകയും രാജ്യത്തി​െൻറ ഭാവിയും സമൃദ്ധിയും ഉറപ്പുവരുത്തുന്നതിനുള്ള പുതിയ ഘട്ടത്തിലേക്കുള്ള തുടക്കവുമാണിത്​ -പ്രധാനമന്ത്രി സന്ദേശത്തിൽ പറഞ്ഞു.

വോട്ടർ​ 18 തികഞ്ഞ ഖത്തർ പൗരനായിരിക്കണം. പിതാമഹൻ ഖത്തറിൽ ജനിച്ചതുവഴി പൗരത്വത്തിന്​ യോഗ്യനായ ആളുമായിരിക്കണം. രാജ്യത്തി​െൻറ ജനാധിപത്യ വ്യവസ്​ഥയിൽ പുതിയ ചരിത്രം കുറിച്ചുകൊണ്ടാണ്​ ശൂറാ കൗൺസിൽ തെ​രഞ്ഞെടുപ്പ്​ നടക്കുന്നത്​. വോ​ട്ടെടുപ്പിലൂടെ പുതിയ സമിതി അധികാരത്തിലേറു​േമ്പാൾ നയരൂപവത്​കരണങ്ങളിലും ബജറ്റുകളിലും കൂടുതൽ നിയന്ത്രണങ്ങളുമുണ്ടാവും.