മയക്കുമരുന്ന് പിടികൂടി

ദോഹ: ഹമദ് രാജ്യാന്തര വിമാനത്താവളം വഴി മയക്കുമരുന്ന് കടത്താനുള്ള ശ്രമം ഖത്തർ കസ്റ്റംസ് തടഞ്ഞു. ബെൽറ്റിനുള്ളിൽ ഒളിപ്പിച്ച നിലയിലെത്തിയ യാത്രക്കാരനിൽ നിന്നാണ് മയക്കുമരുന്ന് കണ്ടെത്തിയതെന്ന് കസ്റ്റംസ് അധികൃതർ വ്യക്തമാക്കി. യാത്രികന്റെ ശരീരത്തിൽ ദുരൂഹമായ വസ്തു കെട്ടിയിരുന്നതായി അധികൃതരുടെ ശ്രദ്ധയിൽ പെട്ടതിനെ തുടർന്നാണ് പരിശോധന നടത്തിയത്. 1.9 കിലോ മയക്കുമരുന്നാണ് പിടിച്ചെടുത്തത്.