ആദ്യഘട്ടം പിന്നിട്ടു: ഇനി വിദ്യാർഥികളുടെ ഹാജർ രേഖപ്പെടുത്തും

ദോഹ: വിദ്യാഭ്യാസ ഉന്നത വിദ്യാഭ്യാസ മന്ത്രാലയത്തിെൻറ നിർദേശത്താൽ രാജ്യത്തെ സ്​കൂളുകളിൽ വിദ്യാർഥികളുടെ ഹാജർനില രേഖപ്പെടുത്തുന്ന നടപടികൾ ആരംഭിച്ചു.2020–2021 അധ്യയന വർഷത്തിലേക്ക് സ്​കൂൾ തുറക്കുന്നതിെൻറ ഭാഗമായി ആദ്യത്തെ രണ്ടാഴ്ച വിദ്യാർഥികൾക്ക് മന്ത്രാലയം േഗ്രസ്​ പീരിഡ് നൽകിയിരുന്നതിനാൽ ഹാജർ അടയാളപ്പെടുത്തിയിരുന്നില്ല.സ്​കൂളുകളിൽ നടപ്പാക്കിയ മിശ്ര പാഠ്യവ്യവസ്​ഥയിലാണെങ്കിലും വിദൂര (ഒാൺലൈൻ) വിദ്യാഭ്യാസ പ്രക്രിയയിലാണെങ്കിലും വിദ്യാർഥികളുടെ ഹാജർ രേഖപ്പെടുത്തുമെന്ന് സ്​കൂളുകൾ വ്യക്തമാക്കി. കോവിഡ്–19 സാഹചര്യത്തിൽ വിദ്യാർഥികളുടെ വിദ്യാഭ്യാസ പ്രക്രിയ സുഗമമാകുന്നതിനും നാഷനൽ സ്​റ്റുഡൻറ് ഇൻഫർമേഷൻ സിസ്​റ്റത്തിൽ രേഖപ്പെടുത്തുന്നതിനുമായി വിദ്യാർഥിയുടെ ഹാജർ നില രേഖപ്പെടുത്തുമെന്നും ഈയാഴ്ച മുതൽ ഹാജർ രേഖപ്പെടുത്തുന്നത് ആരംഭിച്ചെന്നും സ്​കൂൾ അധികൃതർ രക്ഷിതാക്കൾക്കയച്ച സന്ദേശത്തിൽ വ്യക്തമാക്കുന്നു.

ഒാൺലൈൻ വിദ്യാഭ്യാസം പിന്തുടരുന്ന വിദ്യാർഥികളുടെ ഹാജർ മൈേക്രാസോഫ്റ്റ് ടീംസ്​ ആപ്പിലൂടെ ഹോം വർക്കുകൾക്കുള്ള പ്രതികരണത്തെ അടിസ്​ഥാനമാക്കിയായിരിക്കും രേഖപ്പെടുത്തുക. സ്​കൂളിൽ ഹാജരാകാനുള്ള ദിവസങ്ങളിൽ സ്​കൂളുകളിലെത്താൻ വിദ്യാർഥികളെ രക്ഷിതാക്കൾ േപ്രരിപ്പിക്കണം. അസൈൻമെൻറുകൾ പൂർത്തിയാക്കുന്നതിനും ഒാൺലൈനിൽ പ്രതികരിക്കുന്നതിനും അവരെ േപ്രാത്സാഹിപ്പിക്കണമെന്നും അധികൃതർ ആവശ്യപ്പെട്ടു. രാജ്യത്തെ സ്വകാര്യ സ്​കൂളുകളിലും വിദ്യാർഥികളുടെ ഹാജർ രേഖപ്പെടുത്താനുള്ള സംവിധാനങ്ങൾ ആരംഭിച്ചിട്ടുണ്ട്. കഴിഞ്ഞ സെപ്​റ്റംബർ ഒന്നുമുതലാണ്​ രാജ്യത്തെ സ്​കൂളുകൾ വീണ്ടും തുറന്നുപ്രവർത്തിച്ചത്​.

എന്നാൽ, കോവിഡ്​ ഭീഷണി പൂർണമായും ഇല്ലാതാകുന്നതിനുമു​േമ്പ സ്​കൂളുകൾ തുറക്കുന്നതിനെതിരെ രക്ഷിതാക്കൾക്ക്​ എതിർപ്പുണ്ടായിരുന്നു. സ്​കൂൾ തുറന്ന്​ ആദ്യ ആഴ്​ചക്കുള്ളിൽതന്നെ വിവിധ സ്​കൂളുകളിൽ കോവിഡ്​ സ്​ഥിരീകരിക്കുകയായിരുന്നു. ഇതിനെ തുടർന്ന്​ ചില സ്​കൂളുകളിലെ ചില ക്ലാസ്​ റൂമുകൾ താൽക്കാലികമായി പൂട്ടിയിരുന്നു. ഇന്ത്യൻ സ്​കൂളുകൾ അടക്കമുള്ളവ ഇതിൽ ഉൾപ്പെടും. അടച്ച ക്ലാസുകളിലെ വിദ്യാർഥികൾ ഒാൺലൈൻ വഴി ക്ലാസിൽ ഹാജരാകുന്നുമുണ്ടായിരുന്നു. ഒരു ഇന്ത്യൻ സ്​കൂളിലെ നാല് ബസ്​ ജീവനക്കാർക്കും കോവിഡ് സ്​ഥിരീകരിച്ചിരുന്നു.ഇതോടെയാണ്​ തങ്ങളുടെ കുട്ടികൾക്ക്​ ഓൺ​ൈലൻ ക്ലാസ്​ മാത്രം മതിയോ അതോ ക്ലാസ്​ റൂം പഠനം വേണോയെന്ന്​ രക്ഷിതാക്കൾക്ക്​ തീരുമാനിക്കാനുള്ള അവകാശം മന്ത്രാലയം നൽകിയത്​.

ഇൗ തീരുമാനം​ അന്തിമമായിരിക്കുമെന്നും അത്​ പിന്നീട്​ 2020-21 അധ്യയനവർഷത്തി​െൻറ ആദ്യ സെമസ്​റ്ററിൽ തിരുത്താൻ സാധ്യമല്ലെന്നും മന്ത്രാലയം അറിയിച്ചിരുന്നു. സ്​കൂളിലെത്തിയുള്ള പഠനത്തിന്,​ ദുഷ്കരമായ ആരോഗ്യപ്രശ്​നങ്ങളുള്ള വിദ്യാർഥികൾ ക്ലാസുകളിൽ നേരി​ട്ടെത്തേണ്ടതില്ല. ഇവർക്ക്​ ഇളവിനായി മെഡിക്കൽ സർട്ടിഫിക്കറ്റുകൾ ഹാജരാക്കിയാൽ മതി.വിട്ടുമാറാത്ത രോഗങ്ങളുള്ള വിദ്യാർഥികൾ, വീടുകളിൽ മാറാരോഗമുള്ള വിദ്യാർഥിയുടെ ഉറ്റബന്ധു എന്നിവർക്കാണ് സ്​കൂളിലെത്തിയുള്ള പഠനത്തിൽ മന്ത്രാലയം ഇളവ് നൽകിയത്.

അതേസമയം, നിലവിൽ ചുരുക്കം ചില കുട്ടികൾക്കും ജീവനക്കാർക്കും മാത്രമാണ്​ സ്​കൂളുകളിൽ രോഗം സ്​ഥിരീകരിച്ചതെന്നും കുട്ടികളെ സ്​കൂളിലയക്കാൻ രക്ഷിതാക്കൾ ആശങ്കപ്പെടേണ്ടതില്ലെന്നും എല്ലാ മുൻകരുതൽ നടപടികളും സ്വീകരിച്ചതായും അധികൃതർ അറിയിച്ചിരുന്നു.