കു​ഞ്ഞി​ന്‍റെ ചി​കി​ത്സ​യി​ൽ പി​ഴ​വ്​ പറ്റിയിട്ടില്ല -എ​ച്ച്.​എം.​സി

ദോ​ഹ: അ​ൽ സ​ദ്ദി​ലെ അ​ടി​യ​ന്ത​ര യൂ​നി​റ്റി​ൽ ന​വ​ജാ​ത ശി​ശു​വി​ന്‍റെ ചി​കി​ത്സ​യി​ൽ പി​ഴ​വു സം​ഭ​വി​ച്ചെ​ന്ന ആ​രോ​പ​ണം നി​ഷേ​ധി​ച്ച്​ ഹ​മ​ദ്​ മെ​ഡി​ക്ക​ൽ കോ​ർ​പ​റേ​ഷ​ൻ. ജീ​വ​ന​ക്കാ​ർ​ക്ക്​ പി​ഴ​വ്​ സം​ഭ​വി​ച്ചി​​ട്ടി​ല്ലെ​ന്നും പ്ര​ചാ​ര​ണം അ​ടി​സ്ഥാ​ന ര​ഹി​ത​മാ​ണെ​ന്നും എ​ച്ച്.​എം.​സി വാ​ർ​ത്ത​ക്കു​റി​പ്പി​ൽ വ്യ​ക്ത​മാ​ക്കി. ഡി​സം​ബ​ർ 27നാ​ണ് ആ​രോ​പ​ണ​ത്തി​നാ​സ്​​പ​ദ​മാ​യ സം​ഭ​വം ന​ട​ക്കു​ന്ന​ത്. ക​ടു​ത്ത പ​നി മൂ​ലം അ​ൽ സ​ദ്ദ് എ​മ​ർ​ജ​ൻ​സി യൂ​നി​റ്റി​ൽ പ്ര​വേ​ശി​പ്പി​ച്ച കു​ഞ്ഞി​ന് ഐ.​വി ഡ്രി​പ്പി​ട്ട രീ​തി തെ​റ്റി​യെ​ന്നും കു​ഞ്ഞി​ന്‍റെ ത​ല​ച്ചോ​റി​ലെ കോ​ശ​ങ്ങ​ൾ​ക്ക് ത​ക​രാ​ർ സം​ഭ​വി​ച്ച​താ​യും ആ​രോ​പി​ച്ച് മാ​താ​പി​താ​ക്ക​ൾ രം​ഗ​ത്തു വ​ന്നി​രു​ന്നു.

കു​ഞ്ഞി​ന് ശ്വാ​സ​ത​ട​സ്സം അ​ട​ക്ക​മു​ള്ള ആ​രോ​ഗ്യ പ്ര​ശ്ന​ങ്ങ​ളു​ണ്ടാ​യി​രു​ന്ന​താ​യും മു​ല​യൂ​ട്ട​ലി​ൽ സം​ഭ​വി​ച്ച അ​പാ​ക​ത​യാ​ണ് ഇ​തി​നു കാ​ര​ണ​മെ​ന്നും അ​ധി​കൃ​ത​ർ പു​റ​ത്തു​വി​ട്ട കു​റി​പ്പി​ൽ വ്യ​ക്ത​മാ​ക്കി. ശ്വ​സ​ന സ​ഹാ​യ​ത്തി​നാ​യി ഐ.​വി ഡ്രി​പ്പി​ടു​മ്പോ​ൾ മു​ല​പ്പാ​ൽ പു​റ​ത്തേ​ക്ക് വ​ന്നി​രു​ന്നു. അ​തോ​ടൊ​പ്പം ത​ല​ച്ചോ​റി​ലെ കോ​ശ​ങ്ങ​ൾ​ക്ക് ത​ക​രാ​ർ സം​ഭ​വി​ച്ച​ത് ഒ​രു ത​രം വൈ​റ​സ്​ മൂ​ല​മാ​ണെ​ന്ന് വി​ശ​ദ പ​രി​ശോ​ധ​ന​ക​ളി​ലൂ​ടെ തെ​ളി​ഞ്ഞി​ട്ടു​ണ്ടെ​ന്ന് കു​ഞ്ഞി​നെ പ​രി​ശോ​ധി​ച്ച ഡോ​ക്ട​ർ​മാ​ർ വ്യ​ക്ത​മാ​ക്കി​യ​താ​യും ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ൻ പ​റ​യു​ന്നു. കു​ഞ്ഞി​ന് ചി​കി​ത്സ ന​ൽ​കി​യ​തി​ൽ ന​ഴ്സി​ന്‍റെ ഭാ​ഗ​ത്തു നി​ന്നും പി​ഴ​വ് സം​ഭ​വി​ച്ചി​ട്ടി​ല്ലെ​ന്നും കു​ട്ടി​ക്ക് ആ ​സ​മ​യ​ത്ത് വേ​ണ്ടി​യി​രു​ന്ന ചി​കി​ത്സ കൃ​ത്യ​മാ​യി ന​ൽ​കി​യി​ട്ടു​ണ്ടെ​ന്നും ചൂ​ണ്ടി​ക്കാ​ട്ടി. കു​ഞ്ഞ് എ​ത്ര​യും വേ​ഗ​ത്തി​ൽ സു​ഖം പ്രാ​പി​ക്കു​മെ​ന്ന് പ്ര​തീ​ക്ഷി​ക്കു​ന്ന​താ​യും എ​ച്ച്.​എം.​സി വാ​ർ​ത്ത​ക്കു​റി​പ്പി​ൽ വ്യ​ക്ത​മാ​ക്കി.